Վառլամ Ավանեսով

Վիքիպեդիայից՝ ազատ հանրագիտարանից
Jump to navigation Jump to search
Վառլամ Ավանեսով
Old Russia - Yakov Sverdlov 1918 & Lenin & Avanesov.jpg
Ծնվել էմարտի 24 (ապրիլի 5), 1884
ԾննդավայրԿարս, Կարսի նահանգ, Թուրքիա կամ Մոսկվա, Ռուսական կայսրություն
Մահացել էմարտի 16, 1930(1930-03-16) (45 տարեկանում)
Մահվան վայրՄոսկվա, ԽՍՀՄ
ԿրթությունՑյուրիխի համալսարան
Մասնագիտությունքաղաքական գործիչ
Քաղաքական կուսակցությունԽՄԿԿ
Պարգևներ և
մրցանակներ
Կարմիր դրոշի շքանշան
ԱնդամությունԿենտրոնական գործադիր կոմիտե
Varlam Avanesov Վիքիպահեստում

Վառլամ Ալեքսանդրի Ավանեսով (Սուրեն Կարապետի Մարտիրոսյան, մարտի 24 (ապրիլի 5), 1884, Կարս, Կարսի նահանգ, Թուրքիա և Մոսկվա, Ռուսական կայսրություն - մարտի 16, 1930(1930-03-16), Մոսկվա, ԽՍՀՄ), պետական և կուսակցական գործիչ։ ՌՍԴԲԿ անդամ 1903 թվականից։

Կենսագրություն[խմբագրել | խմբագրել կոդը]

1896 թվականին, Կաղզվանի քաղաքային դպրոցն ավարտելուց հետո, ընդունել է Ստավրոպոլի արական գիմնազիան: Ուսմանը զուգահեռ մասնավոր դասեր է տվել, կատարել թարգմանություններ ռուսերենից հայերեն, հայերենից՝ ռուսերեն: 1905-1907 թվականների ռուսական առաջին հեղափոխության օրերին Հյուսիսային Կովկասի զորամասերում էր: Մի քանի անգամ ձերբակալում է: Հիվանդության պատճառով երաշխավորությամբ ազատվելով բանտից՝ նա ոմն պարսկահպատակ Արմենակ Ալեքսանդրի Ավանեսյանցի անձնագրով 1907 թվականի նոյեմբերին տեղափոխվում է Շվեյցարիա, ուր մնում է մինչև 1913 թվականը: Արտասահմանում նա մտերմական կապեր է հաստատում Լենինի հետ: Այդ տարիներին նաս սովորում է Ցյուրիխի համալսարանի բժշկական ֆակուլտետում, ապա՝ Բեռլինի համալսարանում: Բազմիցս հանդիպումներ է ունենում Լենինի հետ: Շվեյցարիայում նա գլխավորում է Դավոս քաղաքի էմիգրանտ սոցիալ-դեմոկրատների միացյալ խմբի աշխատանքները: 1913 թվականի վերջերին, Լենինի ցուցումով, Մոիսեյ Ուրիցկու հետ վերադառնում է Ռուսաստան: 1914-1917 թվականներին նա Մոսկվայի բոլշևիկների ճանաչված ղեկավարներից էր: Մոսկվայի բոլշևիյան կոմիտեի հանձնարարությամբ պայքար է կազմակերպում Մոսկվայի առևտրաարդյունաբերական ծառայողների արհմիությունում և ցենտրոսոյուզում: Նրա ղեկավարությամբ այդ արհմիությունները դարձան մարտական միավորներ և խոշոր դեր կատարեցին Փետրվարյան և Հոկտեմբերյան հեղափոխությունների օրերին[1]:

1917 թվականի Հոկտեմբերյան հեղափոխության հաղթանակից հետո ընտրվել Է Համառուսաստանյան ԿԳԿ նախագահության անդամ և քարտուղար, 1918 թվականի հունվարից, միաժամանակ՝ ՌԽՖՍՀ Ազգությունների ժողկոմատում հայկական գործերի կոմիսար։ Նրա ղեկավարությամբ հայկական գործերի կոմիսարիատը զգալի աշխատանք է կատարել Ռուսաստանի տարբեր քաղաքներում ապաստանած հայ գաղթականներին օգնելու, ժողովրդական կրթության ու քաղաքական լուսավորության գործը կազմակերպելու համար։ Մասնակցել է Արևմտյան Հայաստանի մասին (1917) դեկրետի նախագծի մշակմանը (տես Դեկրետ «Թուրքահայաստանի մասին»)։

Ծանոթագրություններ[խմբագրել | խմբագրել կոդը]

  1. Երեկոյան Երևան, 1964, թիվ 214:
Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png