Վախթանգ Կիկաբիձե

Վիքիպեդիայից՝ ազատ հանրագիտարանից
Picto infobox film.png
Վախթանգ Կիկաբիձե
Վախթանգ Կոնստանտինովիչ Կիկաբիձե
Вахтанг Кикабидзе с мамой Мананой Константиновной Багратиони.jpg
Փոքր հասակի լուսանկար․ Վախթանգ Կիկաբիձեն մոր՝ Մանանա Բագրատիոնիի հետ
Բնօրինակ անուն Վախթանգ Կոնստանտինովիչ Կիկաբիձե
Հասակը 1.89 սմ
Ծնվել է հուլիսի 19, 1938
Ծննդավայր Թբիլիսի, Վրացական Խորհրդային Սոցիալիստական Հանրապետություն Վրացական ԽՍՀ
Կրթություն Թբիլիսիի պետական համալսարան
Քաղաքացիություն Խորհրդային Սոցիալիստական Հանրապետությունների Միություն ԽՍՀՄ
Վրաստան Վրաստան
Ազգություն Վրաստան Վրացի
Այլ անուն(ներ) Բուբա
Մասնագիտություն դերասան, երգիչ, ռեժիսոր,սցենարիստ
Ակտիվ շրջան 1966–այժմ
Ժանրեր Կատակերգություն,
Դրամա,
Մելոդրամա
Ընտրանի «Միմինո»,
«Կովկասի գերուհին»
Ամուսին(ներ) Իրինա Կեբաձե
(2 երեխա)
Երեխա(ներ) 2 երեխա
Պարգևներ և մրցանակներ ԽՍՀՄ պետական մրցանակ և Բարեկամության շքանշան
IMDb ID 0452795
vahtangkikabidze.ru

Վախթանգ Կիկաբիձե (վրաց.՝ ვახტანგ კიკაბიძე, մականունը՝ «Բուբա»՝"ბუბა", հուլիսի 19, 1938, Թբիլիսի, ԽՍՀՄ), վրացի դերասան, երգիչ, սցենարիստ, պրոդյուսեր և կոմպոզիտոր, Վրացական ԽՍՀ ժողովրդական արտիստ (1980), Ուկրաինայի վաստակավոր արտիստ (2013), ԽՍՀՄ պետական մրցանակի դափնեկիր (1978), Վրաստանի պետական մրցանակի դափնեկիր (2013), Թբիլիսիի պատվավոր քաղաքացի (1998)։ Նիկոլայ Հրաշագործի միջազգային շքանշանի ասպետ, Կոնստանտին Մեծի շքանշանի ասպետ, Պատվո շքանշանի ասպետ (1994), Վախթանգ Գորգասալի երրորդ աստիճանի շքանշանի ասպետ, Սուրբ Գեորգիի անվան հաղթանակի շքանշանի ասպետ, Բարեկամության շքանշանակակիր (վերջինից հրաժարվել է)։

Հանդես է եկել մի շարք ֆիլմերում, որոնց մեջ առանձնահատուկ տեղ է զբաղեցնում «Միմինո» ֆիլմը (Մհեր Մկրտչյանի հետ)[1]։

Կենսագրություն[խմբագրել | խմբագրել կոդը]

Վախթանգ Կոնստանտինովիչ Կիկաբիձեն ծնվել է 1938 թվականի հուլիսի 19-ին Թբիլիսիում։ Մանուկ հասակում ապրել է Վերե շրջանում (վրաց.՝ ვერე)` Փարաջանովի հարևանությամբ։ Դպրոցն ավարտելուց հետո 1955-1957 թվականներին սովորել է Թբիլիսիի համալսարանում։ 1959 թվականին աշխատանքի է անցել Թբիլիսիի ֆիլհարմոնիայում։ 1961-1963 թվականներին սովորել է Թբիլիսիի օտար լեզուների ինստիտուտում։

1966 թվականին առաջին անգամ հանդես է եկել կինոյում՝ ռեժիսոր Նիկոլայ Սանիշվիլիի «Հանդիպում լեռներում» ֆիլմում։ 1966 թվականին Վախթանգ Կիկաբիձեն ընդունվել է «Օրերա» համույթ (հարվածային գործիքներ, վոկալ)։ 1969 թվականին առաջին անգամ նկարահանվել է Գեորգի Դանելիայի «Մի՛ տխրի» ֆիլմում, որի համար 1970 թվականին Կարտախենայի միջազգային կինոփառատոնին արժանացել է մրցանակի տղամարդու լավագույն դերի համար։ Հաջորդ նշանակալի ֆիլմը 1973 թվականին ռեժիսոր Գեորգի Շենգելայայի «Վերիյսկի թաղամասի մեղեդին» էր։ 1977 թվականին էկրան բարձրացավ Դանելիայի «Միմինո» ֆիլմը, որը 1978 թվականին արժանացավ ԽՍՀՄ պետական մրցանակի։

1981 թվականին Կիկաբիձեն իր սցենարի հիման վրա նկարահանեց 4 մասանոց կատակերգություն՝ «Լա՛վ եղիր, բարեկամս» (Գաբրովո-83 Գրան պրի), իսկ 1985 թվականին՝ «Տղամարդիկ և այլք» ֆիլմը։ 1984 թվականին նկարահանվել է «ՏԱՍՍ-ը իրավասու է հայտարարել» հեռուստասերիալում (մրցանակ է ստացել ԽՍՀՄ Անվտանգության կոմիտեի կողմից)։

1999 թվականին Մոսկվայի «Աստղերի հրապարակ»-ում դրվեց նրա աստղը, իսկ 2006 թվականին Թբիլիսիի ֆիլհարմոնիայի շենքի առջևի հրապարակում՝ նրա «Վրացական աստղը»։ Երկրի վրա բարություն կատարելու համար Ուկրաինայի կողմից արժանացել է Նիկոլայ Հրաշագործի միջազգային շքանշանի, Ռուսաստանի կողմից՝ Կոնստանտին Մեծի շքանշանի, Վրաստանից՝ Պատվո շքանշանի (1994), Վախթանգ Գորգասալի երրորդ աստիճանի շքանշանի։ 70-ամյա հոբելյանի առթիվ Վրաստանի կողմից արժանացել է Սուրբ Գեորգիի անվան հաղթանակի շքանշանի, Ռուսաստանից՝ Բարեկամության շքանշանի, սակայն վերջինիցս հրաժարվել է 2008 թվականի Հարավային Օսիայի օգոստոսյան դեպքերից հետո։

Մի շարք հայտնի երգերի կատարող՝ «Չիտո գրիտո», «Իմ տարիները իմ հարստությունն են» և այլն։ Մշտապես շրջագայում է։ Համերգներով հանդես է եկել 5 մայրցամաքներում։

2008 թվականին ռուս-վրացական հակամարտությունից հետո Կիկաբիձեն հետաձգեց Մոսկվայի իր հոբելյանական համերգները[2], մի քանի սուր հայտարարություններ արեց Ռուսաստանի հասցեին և այլևս չի մտել Ռուսաստանի տարածք[3][4]։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]