Վալենտին Բիչկո

Վիքիպեդիայից՝ ազատ հանրագիտարանից
Jump to navigation Jump to search
Վալենտին Բիչկո
ուկր.՝ Валентин Васильович Бичко
Ծնվել էհունիսի 17, 1912(1912-06-17) կամ հունիսի 17 (30), 1912
ԾննդավայրԽարկով, Ռուսական կայսրություն
Վախճանվել էհոկտեմբերի 31, 1994(1994-10-31) (82 տարեկանում)
Մասնագիտությունլրագրող, բանաստեղծ, արձակագիր, դրամատուրգ, թարգմանիչ և մանկագիր
Լեզուուկրաիներեն
ԿրթությունԽարկովի ազգային համալսարան
ԿուսակցությունԽՄԿԿ
ԱշխատավայրԽարկովի ազգային համալսարան
ՊարգևներԱշխատանքային Կարմիր դրոշի շքանշան «Պատվո նշան» շքանշան և Ժողովուրդների բարեկամության շքանշան
ԶավակներI. V. Bychko?

Վալենտին Բիչկո (ուկր.՝ Валенти́н Васи́льович Бичко́, հունիսի 17, 1912(1912-06-17) կամ հունիսի 17 (30), 1912, Խարկով, Ռուսական կայսրություն - հոկտեմբերի 31, 1994(1994-10-31)), ուկրաինացի բանաստեղծ, արձակագիր, դրամատուրգ, թարգմանիչ, մանկագիր: ԽՄԿԿ անդամ՝ 1943 թվականից:

Կենսագրություն[խմբագրել | խմբագրել կոդը]

Ավարտել է Խարկովի ժողովրդական կրթության ինստիտուտի գրական ֆակուլտետը: Որոշ ժամանակ աշխատել է որպես ուսուցիչ, իսկ հետո անցել է խմբագրական աշխատանքի: Եղել է «Զիրկա» («Աստղ») թերթի պատասխանատու խմբագիր, «Պիոներիա» ամսագրի խմբագիր, «Մոլոդ» հրատարակչության գլխավոր խմբագիր:

Վալենտին Բիչկոյի բանաստեղծությունների առաջին ժողովածուն լույս է տեսել 1935 թվականին: Հրատարակել է ավելի քան հարյուր գիրք՝ մեծ մասը մանուկների համար: Դրանցից են՝ «Արևը մեր գլխավերևում» (1935), «Պերեկոպ» (1937), «Ծիածան» (1945), «Դիմավորում եմ արևը» (1948), «Խարույկ» (1950, 1957, 1964), «Հողի ուրախ ծաղկունքը» (1972), «Պոեմներ և հեքիաթներ» (1973), «Արծաթե հասակ» (1973) և այլն:

Նրա առանձին գրքեր թարգմանվել են ռուսերեն, բելառուսերեն, լիտվերեն, վրացերեն, լեհերեն, անգլերեն:

Բիչկոյի թարգմանությամբ ուկրաիներեն լույս են տեսել Էդուարդաս Մեժելայտիս «Մարդը» և «Ավիաէտյուդները», Յուստինաս Մարցինկյավիչյուսի երեք պոեմները («Արյուն և մոխիր», «Մինդագուաս», «Պատ»), Սալոմեա Ներիսի բանաստեղծությունների հատընտիրը, Կոստաս Կուբիլինսկասի բանաստեղծություններն ու հեքիաթները և լիտվացի բանաստեղծների բազմաթիվ այլ գործեր:

Պարգևատրվել է Աշխատանքային Կարմիր դրոշի և «Պատվո նշան» շքանշաններով: Նիկոլայ Օստրովսկու անվան կոմերիտական մրցանակի դափնեկիր է[1]։

Ծանոթագրություններ[խմբագրել | խմբագրել կոդը]

  1. Ոսկե դարպասներ (ուկրաինական քնարերգություն), Ե., «Սովետական գրող», 1977 էջ 60: