Ստեփան Լուսիկյան
| Ստեփան Լուսիկյան | |
|---|---|
| Ի ծնե անուն | Ստեփան Սարգսի Լուսիկյան |
| Ծնվել է | փետրվարի 21, 1956 Երևան, Հայկական ԽՍՀ, ԽՍՀՄ |
| Մահացել է | փետրվարի 24, 2001 (45 տարեկանում) Լոս Անջելես, Կալիֆոռնիա, ԱՄՆ |
| Ժանրեր | դասական |
| Մասնագիտություն | Կոմպոզիտոր, դաշնակահար |
| Շրջանավարտ | Երևանի Կոմիտասի անվան պետական կոնսերվատորիա |
Ստեփան Սարգսի Լուսիկյան (1956, փետրվարի 21, Երևան- 2001, փետրվարի 24, Լոս Անջելես (թաղված է Երևանում)), հայ կոմպոզիտոր, դաշնակահար։
Կենսագրություն[խմբագրել | խմբագրել կոդը]
1981 թվականին ավարտել է Երևանի պետական կոնսերվատորիայի դաշնամուրային և ստեղծագործության բաժինները, դասախոսություններ է կարդացել Մ. Լյութերի անվան համալսարանում (Հալլե, Գերմանիա)։ 1992-1998- թթ. եղել է ՀՀ մշակույթի փոխնախարար, 1998-2001 թթ.՝ Հոգևոր երաժշտության կենտրոնի ղեկավար։
Գրել է բալետ՝ «Ճպուռն ու մրջյունը» (բեմ.՝ 1990 թ., Երևանի օպերայի և բալետի թատրոն), դաշնամուրային կոնցերտներ, կամերային սիմֆոնիա, լարային կվարտետ, վոկալ և գործիքային մանրանվագներ, երգեր (Վահան Տերյանի, Վահան Թեքեյանի, Ռազմիկ Դավոյանի խոսքերով), թատերական երաժշտություն[1]:
2012 թվականին լույս է տեսել Դանիել Երաժիշտի «Ստեփան Լուսիկյան» մենագրությունը։
Պարգևներ[խմբագրել | խմբագրել կոդը]
- Երիտասարդ կոմպոզիտորների համամիութենական մրցույթների (1975-1981 թթ., Մոսկվա) դափնեկիր
- Միջազգային մրցույթի (1996 թ., Գերմանիա) մրցանակ
Ծանոթագրություններ[խմբագրել | խմբագրել կոդը]
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007
