Սուրբծննդյան օրացույց

Վիքիպեդիայից՝ ազատ հանրագիտարանից
Jump to navigation Jump to search
Սուրբծննդյան օրացույց

Սուրբծննդյան օրացույց (գերմ.՝ Adventskalender), հատուկ օրացույց եվրոպական երկրներում, որով հաշվում են մինչ Սուրբ Ծնունդը մնացած օրերը։ Սովորաբար օրացույցն սկսվում է դեկտեմբերի մեկից (կամ Սուրբ Ծննդյանը նախորդող չորս կիրակիներից մեկից), բաղկացած է քսանչորս օրից և ավարտվում է Սուրբ Ծննդյան նախորդ օրը։ Ըստ սովորության՝ սուրբծննդյան օրացույցը բացիկ է կամ ստվարաթղթից պատրաստված տնակ՝ բացվող պատուհաններով. դրանցից յուրաքանչյուրի հետևում որևէ փոքրիկ նվեր է, մաղթանք-գրություն կամ հերթականությամբ դրված են որևէ պատմության հատվածներ (օրինակ՝ Հիսուսի ծննդյան պատմությունը)։ Սուրբծննդյան օրացույցը կարող կազմված լինել թելի վրա կախված փոքրիկ պարկերից, առաձին տուփերից, ծրարներից, գուլպաներից և այլն։

Սուրբծննդյան օրացույցի մասին առաջին հիշատակումները վերաբերում են XIX դարի առաջին կեսին։ Ավանդույթը սկիզբ է առել Գերմանիայում. առաջին օրացույցները պատրաստել են Լյութերական եկեղեցու հետևորդները[1]։ Դրանք սովորաբար ուղղանկյուն ստվարաթղթեր էին՝ վրան ամրացված «պատուհաններ»[2]։ Սուրբծննդյան առաջին մանկական օրացույցը պատրաստել է Գերհարդ Լանգն իր "Reichhold & Lang" տպագրատանը (Մյունխեն)։ 1908 թվականին նրա ընկերությունն առաջին անգամ ներկայացրեց իր Սուրբծննդյան օրացույցը, որ կազմված էր ստվարաթղթի վրա սոսնձված 24 գունավոր քարտեր։ 20-րդ դարի 30-ական թվականներին տպագրատունը փակվել է, սակայն մինչ օրս երեխաների համար պատրաստվում են Սուրբծննդյան տարատեսակ օրացույցներ։

Կարճ ժամանակում սովորույթը տարածվում է նաև գերմանալեզու մյուս երկրներում (Ավստրիայում, Շվեյցարիայի որոշ հատվածներում), իսկ XX դարում սուրբծննդյան օրացույցներ պատրաստվում են արդեն ողջ Եվրոպայում։

Julkalender[խմբագրել | խմբագրել կոդը]

Նորվեգիայում, Դանիայում, Իսլանդիայում ու Ֆինլանդիայում գոյություն ունի, այսպես կոչված Julekalender (շվեդ.` Julkalender, ֆինն.` Joulukalenteri, իսլանդե.՝ Jóladagatal). այն հեռուստա- կամ ռադիոհաղորդման յուրօրինակ ձև է, որ սկսվում է դեկտեմբերի մեկից։ Առաջին անգամ նմանօրինակ հաղորդումը եթեր է հեռարձակվել Շվեդիայում 1960 թվականին Titteliture հաղորդման հետ։


Ծանոթագրություններ[խմբագրել | խմբագրել կոդը]

  1. Mills, Mills (May 10, 2010). The Twelve Blessings of Christmas. Thomas Nelson Inc. p. 54. ISBN 9780529124319.
  2. Gassmann, Günther; Larson, Duane H.; Oldenburg, Mark W. (April 4, 2001). Historical Dictionary of Lutheranism. Scarecrow Press. p. 87.