Սամոսա

Սամոսա
Ենթատեսակ	թխվածք, խմորի շերտով կիսաֆաբրիկատներ և կերակուր
Առաջացման երկիր	Միջին Արևելք
Հիմնական	ցորենի ալյուր, գազար, ոլոռ, միս և կարտոֆիլ
	Samosas Վիքիպահեստում

Սամոսա (պարսկերեն՝ سنبوساگ; sanbosag^[1]), տապակված կամ թխած, լցոնումով խմոր (կարտոֆիլ, սոխ, սիսեռ, միս, ոսպ, հավի միս)։ Ուտեստի չափսն ու ձևը տարատեսակ են, բայց ամենահայտնի ու ամենատարածված ձևը համարվում է եռանկյան ձև ունեցող սամոսան։ Շատ հաճախ մատուցվում է սոուսների հետ։ Սամոսան հայտնի է Հնդկաստանում, կենտրոնական և հարավարևմտյան Ասիայում, Աֆրիկայի հյուսիսային և հարավային մասերում։

Ենթադրաբար ուտեստը կենտրոնական Ասիայում (որտեղ ուտեստը հայտնի է սամսա անվանումով) հայտնվել է մոտավորապես 10-րդ դարում^[2]։ Ուտեստը նշվում է իրանցի պատմիչ Աբու-Լը-Ֆադլ-Բայհակիի աշխատություններում (995-1077)։ Սամոսան իր հայտնիությունը ձեռք է բերել Հնդկաստանում՝ սկսած XIII դարից և ներկրվել է հարևան շրջանների առևտրականների կողմից։ Գոյություն ունի ուտեստի պատրաստման բազմաթիվ շրջանային տարբերակներ, որտեղ ուտեստն ունի այլ անվանումներ, ինչպես՝ Իսրայելում և Իրաքում՝ «սամբուս(ա)կ»^[3]^[4]։