Ռուբի Դի

Ռուբի Դի
Ծնվել է	հոկտեմբերի 27, 1922[…]
Ծննդավայր	Քլիվլենդ, Օհայո, ԱՄՆ
Մահացել է	հունիսի 11, 2014[…] (91 տարեկան)
Մահվան վայր	Նյու Ռոշել, Վեստչեստեր շրջան, Նյու Յորք, ԱՄՆ
Կրթություն	Հանթեր քոլեջ և Հանթեր քոլեջի ավագ դպրոց
Քաղաքացիություն	ԱՄՆ
Ազգություն	աֆրոամերիկացի
Մասնագիտություն	լրագրող, թատրոնի դերասանուհի, կինոդերասանուհի, հեռուստատեսային դերասանուհի, սցենարիստ, կինոպրոդյուսեր և բանաստեղծուհի
Ամուսին(ներ)	Օսի Դևիս
Պարգևներ և մրցանակներ	Սպիմգարնի մեդալ Մարիան Անդերսոնի պարգև Օհայոյի կանանց փառքի սրահ ԱՄՆ կինոդերասանների գիլդիայի մրցանակ կինեմատոգրաֆում ներդրման համար NAACP Image Award - նախագահի մրցանակ Տարվա հումանիտար Սև կինեմատոգրաֆիստների փառքի սրահ Paul Robeson Award? Քրիստալ մրցանակ և Էմմի մրցանակ մինիսերիալի կամ կինոնկարի լավագույն երկրորդ պլանի դերասանուհու համար

Ռուբի Դի (անգլ.՝ Ruby Dee,հոկտեմբերի 27, 1922(1922-10-27)^[1]^[2]^[3]^[…], Քլիվլենդ, Օհայո, ԱՄՆ - հունիսի 11, 2014(2014-06-11)^[1]^[4]^[2]^[…], Նյու Ռոշել, Վեստչեստեր շրջան, Նյու Յորք, ԱՄՆ), ամերիկացի դերասանուհի, բանաստեղծ, սցենարիստ, լրագրող և ակտիվիստ։ Առավել հայտնի է «Չամիչն արևի տակ» (1961) և «Գանգստեր» (2007) ֆիլմերում խաղացած դերերով։ «Գանգստեր» ֆիլմում խաղացած դերի համար երկրորդական պլանի լավագույն դերասանուհի անվանակարգում առաջադրվել է «Օսկար» մրցանակի։ «Գրեմմի», «Էմմի» «Օբի», «Դրամա Դեսկ» մրցանակների և ԱՄՆ-ի կինոդերասանների գիլդիայի, ինչպես նաև Արվեստի բնագավառի ԱՄՆ ազգային մեդալի մրցանակակիր։ Ներկայացվել է Supersisters կոլեկցիոն քարտերի վրա։

Կենսագրություն[խմբագրել | խմբագրել կոդը]

Ռուբի էն Ուոլեսը (անգլ.՝ Ruby Ann Wallace) ծնվել է 1922 թվականի հոկտեմբերի 27-ին^[6] Քլիվլենդում՝ Մարշալ Էդվարդ Նաթանիել Ուոլեսի և նրա կնոջ՝ Գլեդիս Հայթաուերի ընտանիքում։ Երբ նրա մայրը լքել է ընտանիքը, հայրն ամուսնացել է ուսուցչուհի Էմմա Ամելիա Բենսոնի հետ, և Ռուբիի մանկությունն անցել է Նյու Յորքի Հարլեմ թաղամասում^[7]։ Այնտեղ նա ավարտել է միջնակարգ դպրոցը, ապա սովորել քոլեջում։ 1941-1945 թվականներին Ռուբի Դին ամուսնացել է երգիչ Ֆրենկի Դի Բրաունի հետ, ում ազգանունը հետագայում սկսել է օգտագործել բեմում, իսկ 1948 թվականին ամուսնացել է երկրորդ անգամ դերասան Օսսի Դևիսի հետ։

Ռուբի Դին 1972 թվականին

Նրա բրոդվեյան դեբյուտը կայացել է 1943 թվականի ամենավերջում «Խաղաղ օվկիանոսի հարավը» հայտնի մյուզիքլում։ Հաջորդող տարիներին նա ևս մի քանի անգամ հայտնվել է Բրոդվեյում, ինչպես նաև դեբյուտ է ունեցել կինոյում, բայց առաջին հաջողությանն է հասել 1950 թվականին, երբ «Ջեքի Ռոբինսոնի պատմությունը» ֆիլմում խաղացել է Ռեյ Ռոբինսի դերը։ Հետագայում Ռուբի Դին չի թողել թատրոնը և իր ամբողջ կարիերայի ընթացքում ակտիվորեն դերեր է խաղացել ինչպես բեմում, այնպես էլ կիոնոյում։

Էկրաններին հաճախ է հայտնվել Սիդնի Պուատյեի հետ, այդ թվում «Քաղաքի ծայրին» (1956), «Չամիչն արևի տակ» (1961) և «Բաքն ու Քարոզիչը» (1972) կինոնկարներում։ 1960-ական թվականներին Ռուբի Դին ունեցել է լուրջ դերեր քաղաքական ֆիլմերում, օրինակ՝ «Անցած օրեր» (1963) և «Միջադեպ» (1967) ֆիլմերում։

Հեռուստատեսությունում Ռուբի Դին հայտնվել է «Փեյթոն-Փլեյս», «Ոսկե աղջիկներ», «Հրեշտակի հպումը» և շատ այլ հեռուստասերիալներում։ Ինը անգամ առաջադրվել և միայն մեկ անգամ արժանացել է «Էմմի» մրցանակի 1991 թվականի «Զարդարանքների օրը» հեռուստաֆիլմում խաղացած դերի համար^[8]։

Աչքի ընկնող դերեր է ունեցել «Մարդ-կատուներ» (1982), «Մլակային տենդ» (1991), «Ոստիկան ու կես» (1993), «Հակամարտություն» (1994) և «Արդար դատ» (1995) ֆիլմերում։

2005 թվականին մահացել է Ռուբիի ամուսինը՝ Օսսի Դևիսը, ում հետ նա ամուսնացած է եղել 57 տարի։ Նրանց երեք երեխաներից մեկը՝ Գայ Դևիսը, դարձել է երաժիշտ։ Ռուբին ամուսնու հետ միասին եղել է հասարակական ակտիվիստ և տարբեր կազմակերպությունների անդամ, այդ թվում Գունավոր մարդկանց առաջընթացի ազգային ասոցիացիայի անդամ։ Նրանք եղել են Մարտին Լյութեր Քինգի և Մալկոլմա Իկսի ընկերները։ Ավելի քան 30 տարի Ռուբին պայքարել է կրծքագեղձի քաղցկեղի դեմ և արդյունքում կարողացել հաղթահարել հիվանդությունը։

2007 թվականին Ռուբի Դին «With Ossie And Ruby: In This Life Together» ալբոմի համար, որը նվիրված է Օսսի Դևիսի հետ համատեղ կյանքին, արժանացել է «Գրեմմի» մրցանակի։ Նույն տարում նա առաջադրվել է «Օսկար» մրցանակի «Գանգստեր» ֆիլմում խաղացած Լուկասի մոր դերի համար։ Ռուբի Դին 83 տարեկանում Գլորիա Ստյուարտից հետո դարձել է երկրորդը ըստ տարիքի, ով առաջադրվել է կինոակադեմիայի մրցանակի։

Ռուբի Դին մահացել է Նյու Յորք նահանգի Նյու-Ռոշել քաղաքի իր տանը հունիսի 11-ին 91 տարեկան հասակում^[9]։

Ձեռքբերումներ[խմբագրել | խմբագրել կոդը]

Մրցանակներ[խմբագրել | խմբագրել կոդը]

1991 – «Էմմի» մրցանակ՝ երկրորդականական պլանի կանացի լավագույն դեր մինի սերիալում կամ ֆիլմում
2008 – ԱՄՆ կինոդերասանների գիլդիայի մրցանակ՝ երկրորդականական պլանի կանացի լավագույն դերակատարման համար, «Գանգստեր» ֆիլմի համար

Անվանակարգեր[խմբագրել | խմբագրել կոդը]

1964 – «Էմմի» մրցանակ՝ կանացի լավագույն դեր մինի սերիալում կամ ֆիլմում, «Բուժքույրեր» հեռուստասերիալի համար
1979 – «Էմմի» մրցանակ՝ երկրորդականական պլանի կանացի լավագույն դեր մինի սերիալում կամ ֆիլմում, «Արմատներ. Հաջորդ սերունդները» մինի սերիալի համար
1988 – «Էմմի» մրցանակ՝ երկրորդական պլանի կանացի լավագույն դեր մինի սերիալում կամ ֆիլմում, «Լինքոլն» մինի սերիալի համար
1990 – «Էմմի» մրցանակ՝ լավագույն հրավիրված դերասանուհի դրամատիկ հեռուստասերիալում, «Չայնա Բիչ» հեռուստասերիալի համար
1993 – «Էմմի» մրցանակ՝ լավագույն հրավիրված դերասանուհի կատակերգական հեռուստասերիալում, «Երեկոյան ստվեր» հեռուստասերիալի համար
1995 – Ցերեկային «Էմմի» մրցանակ՝ լավագույն հնչյունավորում անիմացիոն ծրագրում, Whitewash կարճամետրաժ մուլտֆիլմի համար
2001 – Ցերեկային «Էմմի» մրցանակ՝ լավագույն հնչյունավորում անիմացիոն ծրագրում, «Փոքրիկ Բիլլ» բազմասերիանոց մուլտֆիլմի համար
2003 – «Էմմի» մրցանակ՝ լավագույն հնչյունավորում անիմացիոն ծրագրում, «Փոքրիկ Բիլլ» բազմասերիանոց մուլտֆիլմի համար
2008 – «Օսկար» մրցանակ՝ երկրորդական պլանի կանացի լավագույն դերակատարման համար, «Գանգստեր» ֆիլմի համար
2010 – ԱՄՆ կինոդերասանների գիլդիայի մրցանակ՝ կանացի լավագույն դեր հեռուստաֆիլմում կամ մինի սերիալում, «Ամերիկա» հեռուստաֆիլմի համար

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Internet Movie Database — 1990.
↑ ^2,0 ^2,1 ^2,2 ^2,3 ^2,4 Encyclopædia Britannica
↑ ^3,0 ^3,1 Internet Broadway Database — 2000.
↑ ^4,0 ^4,1 ^4,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ http://news.harvard.edu/gazette/story/2007/04/ruby-dee-to-receive-harvard-foundation-humanitarian-award/
↑ Ruby Dee marks 90th birthday with new documentary about her illustrious life with late husband Ossie Davis - NY Daily News
↑ Davis, Ossie; Dee, Ruby Ruby Is Born at Seven // With Ossie and Ruby: In This Life Together. — William Morrow, 1998. — ISBN 0688175821
↑ «Ruby Dee Awards»։ The Internet Movie Database։ 2008։ Արխիվացված է օրիգինալից 2012-04-06-ին։ Վերցված է 2008-07-30
↑ Ruby Dee dead at 91: Legendary stage and screen actress — and Civil Rights leader — frequently costarred with husband Ossie Davis - NY Daily News

Արտաքին հղումներ[խմբագրել | խմբագրել կոդը]

Ռուբի Դի (անգլ.) Internet Movie Database կայքում
Ռուբի Դի (անգլ.) Internet Broadway Database կայքում

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ռուբի Դի կատեգորիայում։

[_9760f190443b04b2-1] 1,0 ^1,1 ^1,2 ^1,3 ^1,4 Internet Movie Database — 1990.

[_f804e17cadeecdce-2] 2,0 ^2,1 ^2,2 ^2,3 ^2,4 Encyclopædia Britannica

[_a2f698cf23116fad-3] 3,0 ^3,1 Internet Broadway Database — 2000.

[_426d9241c91a8963-4] 4,0 ^4,1 ^4,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_9a2bbb7a95e0d001-5] ttp://news.harvard.edu/gazette/story/2007/04/ruby-dee-to-receive-harvard-foundation-humanitarian-award/

[6] Ruby Dee marks 90th birthday with new documentary about her illustrious life with late husband Ossie Davis - NY Daily News

[7] Davis, Ossie; Dee, Ruby Ruby Is Born at Seven // With Ossie and Ruby: In This Life Together. — William Morrow, 1998. — ISBN 0688175821

[8] «Ruby Dee Awards»։ The Internet Movie Database։ 2008։ Արխիվացված է օրիգինալից 2012-04-06-ին։ Վերցված է 2008-07-30

[9] Ruby Dee dead at 91: Legendary stage and screen actress — and Civil Rights leader — frequently costarred with husband Ossie Davis - NY Daily News

[1]

[2]

[3]

[4]

[5]

[6]

[7]

[8]

[9]