Ռոզինա Վախտմայստեր
Ռոզինա Վախտմայստեր | |
|---|---|
| Ծնվել է | հունվարի 7, 1939[1][2] (85 տարեկան) |
| Ծննդավայր | Վիեննա, Նացիստական Գերմանիա[1] |
| Քաղաքացիություն |  Ավստրիա |
| Մասնագիտություն | նկարչուհի և քանդակագործ |
Ռոզինա Վախտմայստեր(գերմ.՝ Rosina Wachtmeister, հունվարի 7, 1939[1][2], Վիեննա, Նացիստական Գերմանիա[1]), ավստրիացի նկարիչ-անիմալիստ։ Հայտնի է «նաիվ» ոճի բազմերանգ կատուների նկարներով։
Կենսագրություն[խմբագրել | խմբագրել կոդը]
Ռոզինա Վախտմիստերը ծնվել է 1939 թվականին Վիեննայում։ Նրա մանկությունն անցել է Ատտերեզեում։ Երբ Ռոզինան 14 տարեկան էր, ընտանիքը տեղափոխվել է Բրազիլիա և բնակություն հաստատել Պորտու Ալեգրիում։ 1955-1961 թվականներին Ռոզինան հաճախել է Գեղարվեստի դպրոց, որտեղ, այլ բաների հետ մեկտեղ, սովորել է նաև մարիոնետներ պատրաստել և սկսեց դրանով ապրուստի միջոց վաստակել[3][4]։ Բացի այդ, նա մասնակցել է տարբեր ցուցահանդեսների, այդ թվում՝ Սալվադորում։ Այնուհետև Սան Պաուլոյի ժամանակակից արվեստի թանգարանի հովանու ներքո աշխարհի տարբեր երկրներում ցուցադրվել են նրա աշխատանքները՝ կոլաժներ, քանդակներ և շարժանկարներ[3]։ Ռոզինան հետագայում ամուսնացել է իտալացի Պաոլո Ռիսոնեի հետ, իսկ 1960 թվականին ծնվել է նրանց դուստրը՝ Գաբրիելլան։ 1967 թվականին նրանք տեղափոխվել են Հռոմ[4]։
Հենց Իտալիայում է Վախտմայստերը սկսել նկարել կենդանիներ, առաջին հերթին ոճավորված բազմագույն կատուներ, ինչը նրան հռչակ է բերել[4]։ Նրանց հեշտությամբ ճանաչելի տեսքի տարբերակիչ առանձնահատկությունը կիսալուսնաձև գլուխն է[5]։ Ռոզինա Վախտմայստերի կատուները ձեռք են բերել հսկայական միջազգային ժողովրդականություն, իսկ դրանց պատկերներով հուշանվերները նկարչին բերել են զգալի կարողություն[6]։ Երկար տարիներ Վախտմայստերը համագործակցել է Goebel ճենապակու գործարանի հետ, որի արտադրանքը հիմնված է նկարչուհու աշխատանքների վրա[7]։ Վախտմայստերի ճենապակյա կատուներից յուրաքանչյուրի անունով ստեղծվել են հավաքածուներ[8][9]։
Բացի կատուներից, նկարչի սիրված թեմաներն են բույսերը, հրեշտակները և երաժիշտները։ Ավելի ուշ տարիներին նա դիմել է վերացական արվեստին[4]։ Վախտմայստերի ստեղծագործությունների վրա ազդեցություն գործած նկարիչների թվում են Ֆրիդենսրայխ Հունդերտվասերը, Նիկի դե Սեն Ֆալը, Ժան Տենգլին և ուրիշներ[10]։
Ռոզինա Վախտմայստերի աշխատանքների վաճառքից ստացված միջոցները նրան հնարավորություն են տվել իտալական Կապենա քաղաքում ձեռք բերել մեծ հողատարածք, որտեղ էլ նա բնակություն է հաստատել 1974 թվականին[6][4]։ Նա նաև ձեռք է բերել նաև երկու տուն և նախկին եկեղեցին և ստեղծել է 40,000 քառակուսի մետր մակերեսով հսկայական այգի, որտեղ կային մի շարք կենդանիներ և թռչուններ, այդ թվում սիրամարգեր, արագիլներ, հավալուսն, հավեր, սագեր, շներ և մոտ երկու տասնյակ կատուներ[4][5][11]։ Վախտմայստերը խնամել է նաև Կապենայի թափառող կատուներին, որոնք պաշտոնապես գրանցված են եղել որպես պաշտպանված տեսակ և որի համար նա անձամբ է պատասխանատու եղել[12]։ Վախտմայստերը նաև ապաստան է ստեղծել Կապենեում թափառող շների համար։ Նկարիչը քաղաքին է նվիրել մի շարք քանդակներ և նստարաններ` խճանկարային զարդարանքով[5]։
2003 թվականը հռչակված է եղել որպես Աստվածաշնչի տարի և հրատարակվել է Վախտմայստերի պատկերազարդ Աստվածաշունչը[13]։ 2019 թվականին նկարչի մասին նկարահանվել է երեսուն րոպեանոց ֆիլմ` «Katzen für Millionen. Die Welt der Rosina Wachtmeister» («Կատուներ միլիոնների համար։ Ռոզինա Վախտմայստերի աշխարհը»)[6][14]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 https://rkd.nl/explore/artists/107715
- ↑ 2,0 2,1 Rosina Wachtmeister (նիդերլ.)
- ↑ 3,0 3,1 Eichstätter Kurier
- ↑ 4,0 4,1 4,2 4,3 4,4 4,5 Main Post
- ↑ 5,0 5,1 5,2 Casa Capena
- ↑ 6,0 6,1 6,2 ORF
- ↑ «Rosina Wachtmeister. Colourful Artwork like Fireworks and so full of Energy!». Goebel.de (անգլերեն).
- ↑ Attenti ai gatti! Gatti da ammirare e da collezionare. — 2013. — P. 43.
- ↑ Maike Grunwald, 2013, էջ 158
- ↑ «Rosina». Официальный сайт. Արխիվացված է օրիգինալից 2020 թ․ նոյեմբերի 27-ին. Վերցված է 2020 թ․ նոյեմբերի 30-ին.
- ↑ Maike Grunwald, 2013, էջ 57
- ↑ Maike Grunwald, 2013, էջ 63
- ↑ Rudolf Bornschlegel 2003, Das Jahr der Bibel: das Buch des Lebens : Begleitband zu den Sonderausstellungen der Bibliothek des Metropolitankapitels Bamberg im Diözesanmuseum und der Staatsbibliothek Bamberg in der neuen Residenz. — Diözesanmuseum Bamberg, 2003. — P. 61.
- ↑ «Katzen für Millionen — Die Welt der Rosina Wachtmeister». Flimmit (գերմաներեն).
Գրականություն[խմբագրել | խմբագրել կոդը]
- Maike Grunwald Vom Glück mit Katzen zu wohnen. — 2013. — P. 54—63.
Արտաքին հղումներ[խմբագրել | խմբագրել կոդը]
- «Պաշտոնական կայք». Արխիվացված է օրիգինալից 2020 թ․ նոյեմբերի 26-ին. Վերցված է 2020 թ․ նոյեմբերի 30-ին.
- Matthias Metzel. «Kunstausstellung, bei der es um die Rahmen geht». Eichstätter Kurier (գերմաներեն).(չաշխատող հղում)
- «„Matinee" am 13. Jänner: Porträt Rosina Wachtmeister, Doku „Im Reich des Regenbogens – Abenteuer Farbe"». APA-OTS (գերմաներեն). 2019.
- Monika Bormeth (2011). «Rosina Wachtmeister: Farbenfrohe Katzen für die ganze Welt». Main Post (գերմաներեն).(չաշխատող հղում)
- «The Wachtmeister family». Casa Capena (անգլերեն). Արխիվացված է օրիգինալից 2020 թ․ հունիսի 12-ին. Վերցված է 2020 թ․ նոյեմբերի 30-ին.
| ||||||||||||
