Ռոբերտ Ռոժդեստվենսկի

Ռոբերտ Ռոժդեստվենսկի; Роберт Рождественский
Ծննդյան անուն	ռուս.՝ Роберт Станиславович Петкевич
Ծնվել է	հունիսի 20, 1932[…]
Ծննդավայր	Կոսիխա, West Siberian Krai, ՌԽՖՍՀ, ԽՍՀՄ
Վախճանվել է	օգոստոսի 19, 1994 (62 տարեկան)
Վախճանի վայր	Մոսկվա, Ռուսաստան
Գերեզման	Պերեդելկինոյի գերեզմանատուն
Մասնագիտություն	բանաստեղծ, գրող, երգերի հեղինակ և թարգմանիչ
Լեզու	ռուսերեն
Քաղաքացիություն	ԽՍՀՄ և Ռուսաստան
Կրթություն	Մաքսիմ Գորկու անվան գրականության ինստիտուտ
Ժանրեր	լիրիկա
Կուսակցություն	ԽՄԿԿ
Պարգևներ	; Golden Wreath? և Ոսկե հորթ
Զավակներ	Ekaterina Rozhdestvenskaya?
	Robert Rozhdestvensky Վիքիպահեստում

Ռոբերտ Ռոժդեստվենսկի (ծննդյան անունը՝ Ռոբերտ Ստանիսլավի Պետկևիչ Роберт Станиславович Петкевич, 20 հունիսի, 1932, Կոսիխա, Ռուսաստան — 19 օգոստոսի, 1994, Մոսկվա), ռուս խորհրդային բանաստեղծ, ԽՍՀՄ պետական մրցանակի դափնեկիր։

Կենսագրություն

Անունն ստացել է խորհրդային պետական պաշտոնյա, հեղափոխական Ռոբերտ Էյհեի պատվին։

Հայրը՝ Ստանիսլավ Նիկոդիմի Պետկևիչը, ազգությամբ լեհ էր, աշխատել է ՌՍՖՍՀ ներքին գործերի կոմիսարիատում։ Մայրը՝ Վերա Ֆյոդորովան (1913—2001), մինչ պատերազմը աշխատել է որպես գյուղական տարրական դպրոցի տնօրեն և միաժամանակ սովորել է բժշկական ինստիտուտում։ Ռոբերտի ծնողներն ամուսնալուծվել են, երբ նա հինգ տարեկան էր։ Հայրը 1941 թ. զորևակոչվել է բանակ և զոհվել Լատվիայում 1945 թ. փետրվարի 22-ին^[6]։

1934 թ-ից Ռոբերտը տատի ու ծնողների հետ ապրում էր Օմսկում։ Ռազմաճակատ է մեկնում նաև Ռոբերտի մայրը և Ռոբերտը մնում է տատի՝ Նադեժդա Ֆյոդորովայի հետ։ Ռոբերտի՝ տպագրված առաջին երկը «С винтовкой мой папа уходит в поход…» («Омская правда», 8 հուլիսի 1941 թ.)^[7] բանաստեղծությունն է։

1943 թ. սովորել է ռազմա-երաժշտական դպրոցում։ Տատը մահանում է 1943 թ. ապրիլին, Ռոբերտը մինչ 1944 թ. ապրում է մորաքրոջ հետ^[7]։ Հետագայում մայրը որոշում է որդուն տանել է իր մոտ՝ ներկայացնելով որպես «գնդի որդի»։ Սակայն ճանապարհին՝ Մոսկվայում, փոխում է միտքն ու որդուն հանձնում Դանիլովյան մանկատուն։

1945 Վերա Պավլովնան ամուսնանում է Իվան Ռոժդեստվենսկու (1899—1976) հետ, ով նրա հետ նույն գնդում էր ծառայում։ Ռոբերտին տալիս են խորթ հոր անունն ու ազգանունը և տանում իրենց մոտ՝ Քյոնիգսբերգ։ Պատերազմի ավարտից հետո Ռոբերտը տեղափոխվում է Լենինգրադ, իսկ 1948 թ. մեկնում է Պետրոզավոդսկ։

1950 թ. «На рубеже» (Պետրոզավոդսկ) ամսագրում տպագրվում են Ռոժդեստվենսկու բանաստեղծություններից։ Նույն թվականին նա փորձում է ընդունվել Մ. Գորկու անվան գրականության ինստիտուտ, սակայն անհաջողություն է կրում։ Պետրոզավոդսկի պետական ինստիտուտի պատմա-բանասիրական բաժնում մեկ տարի սովորելուց հետո՝ 1951 թ., ընդունվում է Գրականության ինստիտուտ և տեղափոխվում Մոսկվա։

Ինստիտուտում սովորելու տարիներին լույս են տեսնում բանաստեղծությունների «Флаги весны» (1955) ու «Испытание» (1956) ժողովածուները, տպագրվում է «Моя любовь» (1955) պոեմը։ 1955 թ. Ռոժդեստվենսկին պրակտիկան անցկացնում էր Ալթայում, որտեղ ծանոթանում է այդ ժամանակ դեռ կոնսերվատորիայում սովորող Ալեքսանդր Ֆլյարկովսկու հետ. վերջինիս հետ միասին Ռոժդեստվենսկին գրում է իր առաջին երգը՝ «Твоё окно»։ 1972 թ. Ռոժդեստվենսկին ստանում է լենինյան կոմերիտմիությանի մրցանակ, իսկ 1979 թ. դառնում է ԽՍՀՄ պետական մրցանակի դափնեկիր։

Ռոբերտ Ռոժդեստվենսկին մահացել է Մոսկվայում 1994 թ. օգոստոսի 19-ին ինֆարկտից։

1997 թ. Ռոբերտ Ռոժդեստվենսկու անունով է կոչվել № 5360 փոքրիկ մոլորակը։

Ծանոթագրություններ

↑ Рождественский Роберт Иванович // Большая советская энциклопедия (ռուս.): [в 30 т.] — 3-е изд. — М.: Советская энциклопедия, 1969.
↑ Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ Brockhaus Enzyklopädie (գերմ.) — F.A. Brockhaus, 1796.
↑ Gran Enciclopèdia Catalana (կատ.) — Grup Enciclopèdia, 1968.
↑ ПроДетЛит (ռուս.) — 2019.
↑ «Информация из донесения о безвозвратных потерях 123 стрелковой дивизии» (ռուսերեն). Արխիվացված օրիգինալից 2013 թ․ հուլիսի 6-ին. Վերցված է 2013 թ․ մարտի 2-ին.
↑ ^7,0 ^7,1 «Экскурсия по жизни Роберта Рождественского в Омске». Արխիվացված է օրիգինալից 2013 թ․ դեկտեմբերի 3-ին. Վերցված է 2014 թ․ փետրվարի 10-ին.

Արտաքին հղումներ

Ռոբերտ Ռոժդեստվենսկի. Ընտիր երկեր (ռուս.)
Ռոբերտ Ռոժդեստվենսկի. Բանաստեղծություններ, հոդվածներ, երգեր, լուսանկարներ Արխիվացված 2014-02-22 Wayback Machine (ռուս.)
Ռոբերտ Ռոժդեստվենսկի Արխիվացված 2015-08-10 Wayback Machine Կենսագրություն, պոեմներ, բանաստեղծություններ (ռուս.)

Վիքիպահեստն ունի նյութեր, որոնք վերաբերում են «Ռոբերտ Ռոժդեստվենսկի» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 689)։

[_071a0109f9e74c2f-1] Рождественский Роберт Иванович // Большая советская энциклопедия (ռուս.): [в 30 т.] — 3-е изд. — М.: Советская энциклопедия, 1969.

[_7e581a052cca4f92-2] Bibliothèque nationale de France data.bnf.fr (ֆր.): տվյալների բաց շտեմարան — 2011.

[_09ae4e029f1edcca-3] Brockhaus Enzyklopädie (գերմ.) — F.A. Brockhaus, 1796.

[_6bd4302ea4c1e679-4] Gran Enciclopèdia Catalana (կատ.) — Grup Enciclopèdia, 1968.

[_bf94d0f0196e0837-5] ПроДетЛит (ռուս.) — 2019.

[6] «Информация из донесения о безвозвратных потерях 123 стрелковой дивизии» (ռուսերեն). Արխիվացված օրիգինալից 2013 թ․ հուլիսի 6-ին. Վերցված է 2013 թ․ մարտի 2-ին.

[autogenerated1-7] 7,0 ^7,1 «Экскурсия по жизни Роберта Рождественского в Омске». Արխիվացված է օրիգինալից 2013 թ․ դեկտեմբերի 3-ին. Վերցված է 2014 թ․ փետրվարի 10-ին.

[1]

[2]

[3]

[4]

[5]

[6]

[7]