Ռիչարդ Էյր

Ռիչարդ Էյր
Ծնվել է	մարտի 28, 1943(1943-03-28)[…] (81 տարեկան)
Ծննդավայր	Բարնստապլ, Դևոն, Դևոն, Անգլիա, Միացյալ Թագավորություն
Մասնագիտություն	թատերական ռեժիսոր, կինոռեժիսոր, կինոպրոդյուսեր, սցենարիստ և ռեժիսոր
Քաղաքացիություն	Միացյալ Թագավորություն
Կրթություն	Լինկոլն Քոլեջ, Փիթերհաուս և Շերբորն դպրոց
Պարգևներ	Լոուրենս Օլիվյեի պարգև Drama League Award? և Critics' Circle Award for Distinguished Service to the Arts?
IMDb	ID 0264236

Սըր Ռիչարդ Էյր (անգլ.՝ Richard Eyre . ծնվ. մարտի 28, 1943, Բարնսթեյփլ, Դևոն, Մեծ Բրիտանիա ), անգլիացի կինոռեժիսոր, սցենարիստ, կինոպրոդյուսեր։ 1997 թվականին թագուհու կողմից նրան շնորհվել է ասպետ-բակալավրի տիտղոս։

Որպես կինոռեժիսոր՝ Էյրը համաշխարհային ճանաչում է ձեռք բերել առաջին հերթին «Այրիս» (2001) ֆիլմի շնորհիվ, որի համար 2002 թվականին առաջադրվել է Բեռլինի կինոփառատոնի «Ոսկե արջ» մրցանակի, ինչպես նաև Բրիտանական կինոակադեմիայի երկու մրցանակների՝ «Լավագույն ադապտացված սցենար» և «Ալեքսանդր Կորդայի մրցանակ՝ տարվա ամենաակնառու բրիտանական ֆիլմի համար» անվանակարգերում։ Ռիչարդ Էյրի ռեժիսորական հիշարժան աշխատանքներից են նաև «Գեղեցկություն անգլիական ձևով» (2004 թ.), «Սկանդալային օրագիր» (2006 թ.) ֆիլմերը։

Կյանք և կարիերա

Կրթություն

Բարձրագույն առաջին կրթությունն ստացել է Քեմբրիջի համալսարանում։ Այնուհետև սովորել է Օքսֆորդի համալսարանի քոլեջում։

Աշխատանք թատրոնում

Էյրն իր պրոֆեսիոնալ կարիերան սկսել է թատրոնում աշխատելով։ 1967 - 1972 թվականներին եղել է Էդինբուրգի Royal Lyceum Theatre թատրոնի ռեժիսորը։

Առավել մեծ համբավի է հասել Մեծ Բրիտանիայի թագավորական ազգային թատրոնում աշխատելու ընթացքում (1987-1997 թթ.)։ Նա հաջողությամբ բեմադրել է շեքսպիրյան «Համլետ », « Ռիչարդ III», « Լիր արքա» ողբերգությունները։ Օպերային բեմադրություններից ամենաուշագրավը « Տրավիատան» է, որը բեմադրել է 1994 թվականին Անժելա Գեորգեուի հետ։

Կինոաշխատանք

Մեծ Բրիտանիայի թագավորական ազգային թատրոնի տնօրենի պաշտոնը Ռիչարդ Էյրը համատեղել է հեռուստատեսային աշխատանքի հետ ( BBC ): Նկարահանել է վավերագրական ֆիլմ Ֆոլկլենդյան հակամարտության մասին, որն արժանացել է ազգային BAFTA մրցանակի։

Իր ռեժիսորական կարիերայի ընթացքում Էյրը նկարահանել է երկու տասնյակից ավելի ֆիլմեր, որոնցից ամենահայտնիներն են «Այրիս»-ը (2001), «Գեղեցկություն անգլիական ձևով»-ը (2004), «Սկանդալային օրագիր»-ը (2006)։

Ռիչարդ Էյրի ֆիլմագրություն

Տարի	Հայերեն վերնագիր	Դեր
1970 թ	Ամենօրյա խաղեր	ռեժիսոր, պրոդյուսեր
1971 թ	Հոյակապ ներկայացումներ	ռեժիսոր
1981 թ	Բալի այգին	ռեժիսոր
1983 թ	Ploughman's Lunch	ռեժիսոր
1983 թ	Անփույթ կապեր	ռեժիսոր
1984 թ	Ծիծաղի տուն	ռեժիսոր
1985-2002 թթ	Երկրորդ էկրան	ռեժիսոր
1988 թ	Ավերվածը	ռեժիսոր
1992 թ	Ներկայացում	ռեժիսոր
1995 թ	Առանց պատերազմի	ռեժիսոր
2001 թ	Այրիս	ռեժիսոր, սցենարիստ
2004 թ	Գեղեցկություն անգլիական ձևով	ռեժիսոր, պրոդյուսեր
2006թ	Սսկանդալային օրագիր	տնօրեն
2008	Ուրիշ տղամարդ	ռեժիսոր, պրոդյուսեր, սցենարիստ
2009 թ	Տասը րոպեանոց պատմություններ	տնօրեն
2012 թ	Փուչ թագ	ռեժիսոր, սցենարիստ
2014 թ	Կարմեն	ռեժիսոր
2014 թ	Ֆիգարոյի հարսանիքը	ռեժիսոր
2015 թ	Տարազավորողը	ռեժիսոր
2017թ	Օրենք երեխաների մասին	ռեժիսոր
2018 թ	Լիր արքա	ռեժիսոր

Կինոմրցանակներ և պարգևներ

• 2002 թ. - Բեռլինի կինոփառատոնի «Ոսկե արջ» մրցանակի հավակնորդ՝ «Այրիս» ֆիլմի համար։
• 2002 թ. Բրիտանական կինոակադեմիայի երկու անվանակարգեր. «Լավագույն ադապտացված սցենար» և Ալեքսանդր Կորդայի մրցանակ «Տարվա լավագույն բրիտանական ֆիլմի համար» - «Այրիս» ֆիլմի համար։
• 2007 թ. Բեռլինի կինոփառատոնում նրա «Սկանդալային օրագիր» ֆիլմն արժանացել է հանդիսատեսի մրցանակին՝ Teddy Audience Award:
• 2007 թ.՝ Բրիտանական կինոակադեմիայի մրցանակի հավակնորդ՝ «Ալեքսանդր Կորդայի մրցանակ «Տարվա լավագույն բրիտանական ֆիլմի համար» անվանակարգում - «Սկանդալային օրագիր» ֆիլմի համար։

Արտաքին հղումներ

• DAO
• VIP ԿԻՆՈ Արխիվացված 2019-02-28 Wayback Machine