Ջորջ Գոմորի

Վիքիպեդիայից՝ ազատ հանրագիտարանից
Ջորջ Գոմորի
Ծնվել էապրիլի 3, 1934(1934-04-03)[1] (90 տարեկան)
ԾննդավայրԲուդապեշտ, Հունգարիայի Թագավորություն
Մասնագիտությունբանաստեղծ, գրականության պատմաբան, թարգմանիչ և դասախոս
Քաղաքացիություն Հունգարիա
ԿրթությունԲուդապեշտի համալսարան (1956) և Օքսֆորդի համալսարան (1962)
Պարգևներ

Ջորջ Գոմորի (հունգ.՝ Gömöri György, ապրիլի 3, 1934(1934-04-03)[1], Բուդապեշտ, Հունգարիայի Թագավորություն), հունգարացի բանաստեղծ, գրող, ակադեմիկ։ 1956 թվականի հունգարական հեղափոխությունից հետո, որում առանցքային դեր է ունեցել, փախչելով Բուդապեշտից, հաստատվել է Անգլիայում[2]։ Նրա հունգարերեն գրված բանաստեղծությունները թարգմանվել են անգլերեն, լեհերեն։ Թղթակցում է բրիտանական The Guardian թերթին և[3] և Times Literary Supplement ամսագրին։

Կենսագրություն[խմբագրել | խմբագրել կոդը]

Ջորջ Գոմորին ծնվել է Բուդապեշտում 1934 թվականին[4]։ 1953-1956 թվականներին սովորել է Լորանդ Էտվյոշի անվան համալսարանի հունգարերեն և լեհերեն բաժիններում։ 1956 թվականի հեղափոխությանը մասնակցել է որպես ուսանող և որպես «Egyetemi ifjúság» («Համալսարանական երիտասարդություն») թերթի խմբագիր։ Հեղափոխության ճնշումից հետո փախել է Անգլիա, ուսումը շարունակել Օքսֆորդի համալսարանում՝ 1962 թվականին ստանալով բակալավրի աստիճան. ատենախոսության թեման եղել է «Լեհերն և հունգարերեն գրականություն», որը հետագայում տպագրվել է նրա անգլերեն առաջին գրքում (Polish and Hungarian Poetry 1945 to 1956; Oxford,1966): 1958-1961 թվականներին եղել է Հունգարիայի գրողների միության արտասահմանյան անդամ։

Դասավանդել է Կալիֆոռնիայի համալսարանում, 1964-1965 թվականներին հետազոտական աշխատանքներ է կատարել Հարվարդի համալսարանում, 1965-1969 թվականներին Բիրմինգհեմի համալսարանում եղել է հետազոտող և գրադարանավար, 1969-2001 թվականներին լեհերեն և հունգարերեն գրականություն է դասավանդել Քեմբրիջի համալսարանում[5]։

Գրական հրապարակումներ[խմբագրել | խմբագրել կոդը]

Ջորջ Գոմորին բանաստեղծությունների 12 գիրք է տպագրել հունգարերեն, չորս գիրք անգլերեն և մեկ գիրք լեհերեն[5], ինչպես նաև հեղինակ է հունգարական և լեհական գրականության բազմաթիվ քննադատական աշխատանքների՝ «Մագնիսական բևեռներ» (Լոնդոն, 2000 թ.) և Erdélyi Merítések ("Transylvanian Catches", Cluj-Kolozsvár, 2004 թ.): Քլիվ Վիլմերի հետ թարգմանել է Միկլոշ Ռադնոտիի բանաստեղծությունների երկու գիրք (1979 թ., 2003 թ.), երկու ժողովածու Գիորգի Պետրիից (1991 թ., 1999 թ., երկրորդ հավաքածուն ընդգրկվել է Weidenfeld թարգմանչական մրցանակի ցանկում), Ջորջ Սիրտեշի հետ խմբագրել է The Colonnade of Teeth: 1992-2006 թվականներին եղել է Բուդապեշտի հունգարերեն լեզվի և մշակույթի գործադիր ասոցիացիայի անդամ, 2001-2004 թվականներին եղել է Հունգարիայի գրողների միության խորհրդի կազմում։

Մրցանակներ, մեդալներ[խմբագրել | խմբագրել կոդը]

  • Հունգարիայի Հանրապետության սպայի խաչ, 1995 թ.
  • Հունգարիայի Հանրապետության մարտական խաչ, 2007 թ.
  • Jurzykowski մրցանակ, 1972 թ.
  • Լեհաստանի ազգային կրթության կոմիտեի մեդալ, 1992 թ.
  • Սալվատորե Քվազիմոդոյի անվան մրցանակ, 1993 թ.
  • Ադա Նեգրիի անվան հիշատակի մրցանակ, 1995 թ.
  • Pro Cultura Hungarica մրցանակ, 1999 թ.
  • he Lotz հիշատակի մեդալ, 2006 թ.
  • Ալֆյոլդի մրցանակ, 2009 թ.
  • Հունգարիայի ՊԵՆ ակումբի և Հունգարական ուսումնասիրությունների միության (Լոնդոն) անդամ
  • Լեհաստանի արվեստի և գիտության ակադեմիայի անդամ
  • Յանուս Պանոնիուսի անվան մրցանակ, 2014 թ.

Անձնական կյանք[խմբագրել | խմբագրել կոդը]

Առաջին ամուսնությունից ունի երկու դուստր, երկրորդ ամուսնությունից՝ երկու որդի և մեկ խորթ որդի՝ Դանիելը։

Ծանոթագրություններ[խմբագրել | խմբագրել կոդը]

  1. ↑ 1,0 1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. ↑ George (György) Gömörii: contributor profile, InterLitQ. Retrieved 2013-18-12.
  3. ↑ «Profile: George Gomori». The Guardian. Վերցված է 2014 թ․ հունվարի 23-ին.
  4. ↑ Polishing October: poems by George Gömöri Hungarian Literature Online. Retrieved 2014-05-03.
  5. ↑ 5,0 5,1 Authors: George Gömöri, Hungarian Quarterly. Retrieved 2013-18-12.

Արտաքին հղումներ[խմբագրել | խմբագրել կոդը]

 ⛭ 
Ստացված է «https://hy.wikipedia.org/w/index.php?title=Ջորջ_Գոմորի&oldid=9284942» էջից