Բիրմինգհեմի համալսարան

Վիքիպեդիայից՝ ազատ հանրագիտարանից
Jump to navigation Jump to search
Բիրմինգհեմի համալսարան
University of Birmingham
BirminghamUniversityCrest (1).svg
Համալսարանի խորհրդանիշը
BirminghamUniversityChancellorsCourt.jpg
Տեսակհամալսարան և բարձրագույն ուսումնական հաստատություն
Կարգախոս«Per Ardua Ad Alta» (լատիներեն)
«Ջանքերի գնով բարձունքների»
(հայերեն)
Հիմնադրված է1900
ՀիմնադրիրՋոզեֆ Չեմբեռլեն
ՏիպՊետական
Ուսանողներ34 160 (2014/15)
Բակալավրիատ20 100 (2014/15)
Մագիստրատուրա14 060 (2014/15)
Անդամակցություն«Ռասսել» խումբ[1], ORCID[2], Jisc[3], Digital Preservation Coalition[4] և Եվրոպայի համալսարանների միություն[5]
Գույներ              
ԵրկիրFlag of the United Kingdom.svg Միացյալ Թագավորություն
ՏեղագրությունՄեծ Բրիտանիա Բիրմինգհեմ, Արևմտյան Միդլենդ, Մեծ Բրիտանիա
ՀասցեUniversity of Birmingham, Chancellors Court, Edgbaston, Birmingham, West Midlands, B15 2TT
Կայքbirmingham.ac.uk
Կոորդինատներ: 52°27′2.0000001016029″ հս․ լ. 1°55′50.00000010016″ ամ. ե. / 52.450555555583775913° հս․. լ. 1.9305555555833778° ավ. ե. / 52.450555555583775913; 1.9305555555833778
University of Birmingham Վիքիպահեստում

Բիրմինգհեմի համալսարան (անգլ.՝ University of Birmingham), բրիտանական պետական գիտահետազոտական համալսարան։ Համարվում է Մեծ Բրիտանիայի և աշխարհի ամենամեծ և հեղինակավոր համալսարաններից մեկը: Գտնվում է Բիրմինգհեմ քաղաքի կենտրոնական մասում: Մտնում է համալսարանների հեղինակավոր «Ռասել» միավորման մեջ, «կարմիր աղյուսից համալսարանների» խմբի ամենահին համալսարանն է: Համալսարանում սովորող ուսանողների թիվը գերազանցում է 30 հազարը: Բիրմինգհեմի համալսարանը կենտրոնական Անգլիայի ուսումնական ամենամեծ հաստատությունն է. գլխավոր մասնաշենքի մակերեսը 330 հա է:

2007 թվականի տվյալներով համալսարանը Մեծ Բրիտանիայի համալսարանների ցանկում չորրորդ տեղն է զբաղեցրել դիմորդների քանակով` մեկ տեղի համար ստանալով ինը դիմում այն դեպքում, երբ անվճար տեղեր ընդհանրապես չկան, ինչպես Բրիտանիայի մնացած բոլոր ուսումնական հաստատություններում[6]: Համալսարանն ընդգրկված է Մեծ Բրիտանիայի լավագույն 10 և աշխարհի լավագույն 60 համալսարանների ցուցակում[7][8]:

Նշանավոր շրջանավարտներ ու դասախոսներ[խմբագրել | խմբագրել կոդը]

Համալսարանի խորհրդանիշերից մեկը` Ջոզեֆ Չեմբեռլենին նվիրված աշտարակը` «Հին Ջո»

Համալսարանների շրջանավարտներից ութը Նոբելյան մրցանակի դափնեկիրներ են[9].

Համալսարանի նշանավոր այլ շրջանավարտներ.

  • Նևիլ Չեմբեռլեն - Մեծ Բրիտանիայի վարչապետ (1937-1940)
  • Սթենլի Բոլդուին - Մեծ Բրիտանիայի վարչապետ (1923-1924, 1924-1929, 1935-1937)
  • Էնթոնի Իդեն - Մեծ Բրիտանիայի` արտաքին գործերի նախարար, վարչապետ (1955-1957)
  • Չ. Լիանհյու - Շանհայի քաղաքապետ
  • Պ. Քրիստի - Բահամյան Կղզիների վարչապետ
  • Դ. Մուտասա - Զիմբաբվեի պետական անվտանգության նախարար
  • Էրիկ Ռոլլ - Անգլիայի բանկի տնօրեն, «Թայմս» թերթի գործադիր տնօրեն
  • Դ. Պոյնտինգ - ֆիզիկոս, Պոյնտինգի վեկտորի տեսաբան, Երկիր մոլորակի զանգվածի առաջին չափողը
  • Մարկ Օլիֆանտ - ավստրալացի ֆիզիկոս
  • Ների Վելա - մեքսիկացի առաջին և առայժմ միակ աստղագնացը
  • Մո Իբրահիմ - աֆրիկացի միլիարդատեր[10]:

Հետաքրքիր փաստեր[խմբագրել | խմբագրել կոդը]

  • Մեծ Բրիտանիայի վարչապետ են դարձել միայն չորս համալսարանների` Օքսֆորդի, Քեմբրիջի, Էդինբուրգի և Բիրմինգհեմի համալսարանների շրջանավարտները:
  • Համալսարանի կիրառական արվեստի ֆակուլտետում ցուցադրվում են Վան Գոգի, Պաբլո Պիկասսոյի, Կլոդ Մոնեի, Ռուբենսի և նշանավոր շատ այլ նկարիչների գործերի կրկնօրինակները[11]:
  • Համալսարանի «Հին Ջո» աշտարակը 4 մետրով բարձր է Բիգ Բենից[12]:
  • Դասավանդվող առարկաների քանակով համալսարանը զիջում է միայն Քեմբրիջի համալսարանին:
  • Բիրմինգհեմի համալսարանի գլխավոր ճարտարապետ Ասթոն Ուեբը հեղինակն է նաև Բուքինգհեմյան պալատի արտաքին տեսքի և պալատի առջև գտնվող հուշահամալիրի` նվիրված թագուհի Վիկտորյային:
  • Մեծ Բրիտանիայում մեքենաների` ջրածնով լիցքավորման առաջին կայանը ստեղծվել է համալսարանի տարածքում:
  • Բիրմինգհեմի համալսարանը Բրիտանիայում ուսումնական միակ հաստատությունն է, որն ունի սեփական երկաթուղային կայարան:
  • Առաջին համալսարանն է Բրիտանիայում, որտեղ դիմորդներն ընդունվել են հավասար պայմաններով` անկախ դավանանքից և սոցիալական դիրքից:
  • Կանանց համար նախատեսված առաջին հանրակացարանը կառուցվել է Բիրմինգհեմի համալսարանում:
  • Համալսարանում շաբաթական ծախսվում է 1 միլիոն ֆունտ շենքերի և տարածքի պահպանման համար[13]:
  • Համալսարանի բիզնեսի դպրոցը, որը հիմնադրվել է 1902 թվականին, առաջինն է Մեծ Բրիտանիայում:
  • Համալսարանի մագիստրատուրայում սովորում է 80-ամյա ուսանող[14]:
  • Համալսարանի գրադարանը խոշորագույններից մեկն է ողջ Բրիտանիայում: Այնտեղ պահվում են հազվագյուտ շատ հրատարակություններ, օրինակ` Աստվածաշնչի` 1566 թվականի տպագրությունը: Ընդհանուր առմամբ գրադարանում պահվում են ավելի քան 6 միլիոն գիրք և ձեռագիր[15][16]: Եթե գրադարանում պահվող բոլոր գրքերն իրար վրա դնեն, կստացվի Էվերեստից 8 անգամ մեծ բարձրություն[17]:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]