Ջոն Օրդուեյ (դիվանագետ)

	Ջոն Օրդուեյ
Կրթություն՝	Սթենֆորդի համալսարան, Կալիֆոռնիայի համալսարանի իրավունքի Հասթինգս քոլեջ և Gilroy High School?
Մասնագիտություն՝	դիվանագետ
Ծննդյան օր	հունիսի 27, 1950 (73 տարեկան)
Ծննդավայր	Կալիֆոռնիա, ԱՄՆ կամ Սան Ֆրանցիսկո, Կալիֆոռնիա, ԱՄՆ
Քաղաքացիություն	ԱՄՆ
Պարգևներ
John Ordway (ambassador)

Ջոն Մալքոլմ Օրդուեյ (անգլ.՝ John Malcolm Ordway, հունիսի 27, 1950(1950-06-27)^[1], Կալիֆոռնիա, ԱՄՆ և Սան Ֆրանցիսկո, Կալիֆոռնիա, ԱՄՆ^[1]), ամերիկացի նախկին դիվանագետ, որը դիվանագիտական ծառայությունը թողել է 2008 թվականին՝ որպես ավագ դիվանագիտական ծառայող։ 2001 թվականի նոյեմբերից մինչև 2004 թվականի օգոստոս ամիսը եղել է Հայաստանում ԱՄՆ արտակարգ և լիազոր դեսպանը, իսկ 2004 թվականի օգոստոսից 30-ից մինչև 2008 թվականի հոկտեմբերի 7-ը՝ Ղազախստանում ԱՄՆ արտակարգ և լիազոր դեսպան^[2]^[3]^[4]։

Կենսագրություն[խմբագրել | խմբագրել կոդը]

Օրդուեյը 1972 թվականին ավարտել է Սթենֆորդի համալսարանը, իսկ 1975 թվականին՝ Կալիֆոռնիայի համալսարանի Հասթինգսի իրավունքի դպրոցը։ Ազատ խոսում է ռուսերեն, ֆրանսերեն, իտալերեն, չեխերեն, ղազախերեն և հայերեն։

Կարիերա[խմբագրել | խմբագրել կոդը]

Թոշակի անցնելուց հետո՝ ԱՄՆ Պետական դեպարտամենտն Օրդուեյին առաջարկել է խորհրդականի կարգավիճակում ծառայության անցնել ամերիկյան հինգ դեսպանատներում՝ Կատմանդուում, Նեպալ (դեկտեմբեր, 2009 – հունվար, 2010), Սոֆիայում, Բուլղարիա (օգոստոս, 2009 – նոյեմբեր, 2009), Վիեննայում, Ավստրիա (մայիս, 2009 – հուլիս, 2009), Պրահայում, Չեխիա (մայիս, 2010 – օգոստոս, 2010), և Աստանայում, Ղազախստան (հունվար, 2011 – հուլիս, 2011 և հոկտեմբեր, 2013 - դեկտեմբեր, 2014)։

Ջոն Օրդուեյն իր դիվանագիտական կարիերան սկսել է 1975 թվականին։ Նա մեծ փորձ ունի խորհրդային և ռուսական արտաքին քաղաքականության և հարաբերությունների ոլորտում, ինչպես նաև մասնագիտացած է Եվրոպայի անվտանգության քաղաքականության, կոնֆլիկտների լուծման և խաղաղապահ գործողությունների ոլորտներում։ Դառնալով ԱՄՆ Պետդեպարտամենտի արտաքին քաղաքականության ավագ ծառայակից՝ Օրդուեյը դիվանագիտական ծառայության է անցել Պրահայի (1978–1981), Մոսկվայի (1985–87) ամերիկյան դեսպանատներում և Բրյուսելում տեղակայված ՆԱՏՕ-ի ամերիկյան առաքելությունում (1993–1995)։ 1996-2001 թվականներին եղել է Մոսկվայում ամերիկյան փոխդեսպան։ Մոսկվայում աշխատելու տարիներին եղել է Անգլո-ամերիկյան դպրոցի խորհրդի նախագահ, որի նախագահության տարիներին դպրոցում կառուցվել է 1200 դպրոցականի համար նախատեսված նոր մասնաշենք։

Վաշինգտոնում Ջոն Օրդուեյը աշխատել է Պետդեպարտամենտի մամլո գրասենյակում, Հարավային Աֆրիկայի հարցերով գրասենյակում և ԽՍՀՄ հարցերով գրասենյակում։ Երկու անգամ նշանակվել է Ազգային անվտանգության խորհրդի Աֆրիկայի հարցերով բաժնի տնօրեն։ Այս ժամանակահատվածում Օրդուեյը եղել է այն հանձնաժողովի անդամ, որը կարգավորել է Անգոլայում Կուբանի հրաժարականի գործընթացը, որի արդյունքում անկախացել է Նամիբիան։ ԱՄՆ Ազգային անվտանգության խորհրդում 1992-1993 թվականներին Օրդուեյը ներգրավված է եղել որոշումների կայացման գործընթացում, որի արդյունքում ԱՄՆ-ն ռազմական մասնակցություն է ունեցել Սոմալիում կայունության ապահովմանը։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 ^1,5 Evidence zájmových osob StB
↑ Kazakhstan: Luncheon with The Honorable John Ordway - Houston, Texas Արխիվացված 2013-10-05 Wayback Machine
↑ Biography John M. Ordway
↑ John Malcolm Ordway (1950-)

Արտաքին հղումներ[խմբագրել | խմբագրել կոդը]

U.S. Embassy in Prague, Czech Republic: Biography of John M. Ordway

Նախորդող՝ Մայքլ Քրեյգ Լեմոն	Հայաստանում ԱՄՆ դեսպան 2001–2004	Հաջորդող՝ Ջոն Էվանս
Նախորդող՝ Լարրի Նեփեր	Ղազախստանում ԱՄՆ դեսպան 2004–2008	Հաջորդող՝ Ռիչարդ Հոգլենդ

Վիքիպահեստն ունի նյութեր, որոնք վերաբերում են «Ջոն Օրդուեյ (դիվանագետ)» հոդվածին։

[_071bd8949d323df1-1] 1,0 ^1,1 ^1,2 ^1,3 ^1,4 ^1,5 Evidence zájmových osob StB

[2] Kazakhstan: Luncheon with The Honorable John Ordway - Houston, Texas Արխիվացված 2013-10-05 Wayback Machine

[3] Biography John M. Ordway

[4] John Malcolm Ordway (1950-)

[1]

[2]

[3]

[4]