Ջոզեֆ Բարբերա

Վիքիպեդիայից՝ ազատ հանրագիտարանից
Jump to navigation Jump to search
Ջոզեֆ Բարբերա
անգլ.՝ Joseph Roland Barbera
Դիմանկար
Ծնվել էմարտի 24, 1911(1911-03-24)[1][2][3][…]
ԾննդավայրՆյու Յորք, Նյու Յորք, ԱՄՆ[4]
Մահացել էդեկտեմբերի 18, 2006(2006-12-18)[5][1][6][…] (95 տարեկան)
Մահվան վայրՍտուդիո Սիթի, Լոս Անջելես, Կալիֆոռնիա, ԱՄՆ[7]
ԳերեզմանՖորեսթ Լոուն հուշայգի
ՔաղաքացիությունFlag of the United States.svg ԱՄՆ
ԱզգությունSicilian American?
ԿրթությունԷրասմուս Հոլլի բարձրագույն դպրոց, Պրատտի ինստիտուտ և The Derryfield School?
Մասնագիտությունկինոպրոդյուսեր, կինոռեժիսոր, մուլտիպլիկատոր, գրող, սցենարիստ, գործադիր պրոդյուսեր, bank teller և հեռուստատեսային պրոդյուսեր
ԱշխատավայրVan Beuren Studios?[8]
Պարգևներ և
մրցանակներ
Փրայմթայմ Էմմի մրցանակ Հոլիվուդյան փառքի ծառուղու աստղ[9][10] Ցերեկվա Էմմի մրցանակ և Ուինզոր Մաքքեյի մրցանակ
Joseph Barbera Վիքիպահեստում

Ջոզեֆ Ռոլանդ Բարբերա (ռուս.՝ Joseph Roland Barbera, մարտի 24, 1911(1911-03-24)[1][2][3][…], Նյու Յորք, Նյու Յորք, ԱՄՆ[4] - դեկտեմբերի 18, 2006(2006-12-18)[5][1][6][…], Ստուդիո Սիթի, Լոս Անջելես, Կալիֆոռնիա, ԱՄՆ[7]), ամերիկյան մուլտիպլիկատոր, մուլտիպլիկացիոն նկարիչ, կինոստուդիայի սցենարային բաժնի նկարիչ, պրոդյուսեր և Ուիլյամ Հաննայի հետ միասին` Հաննա-Բարբերա (անգլ. Hanna-Barbera) ընկերության համահիմնադիր։

Կենսագրություն[խմբագրել | խմբագրել կոդը]

Ջոզեֆ Բարբերան ծնվել է ԱՄՆ-ում՝ Փոքրիկ Իտալիայի (Նյու Յորք) շրջանում, սիցիլական ծագում ունեցող ընտանիքում։

Ջոզեֆ Բարբերան և Ուիլյամ Հաննան 1965թ.

Իր կարիերան սկսել է որպես թերթի նկարիչ։ 1929 թվականին Ջոզեֆը կինոթատրոնում դիտեց Ուոլթ Դիսնեյի նոր արտադրության «Կմախքների պարը» (անգլ. The Skeleton Dance) մուլտֆիլմը, և այնքան տպավորվեց այդ մուլտֆիլմով, որ ցանկացավ անձամբ հանդիպել Ուոլթի հետ։ Չնայած հանդիպումը տեղի չունեցավ, բայց Ջոզեֆը չընկճվեց և իր առջև նպատակ դրեց՝ դառնալ մուլտիպլիկատոր։ 1930 թվականին նա հաստատվում է Մաքս Ֆլեյշերի ստուդիայում (անգլ. Max Fleischer), որտեղ իր կարիերան սկսում է ցելյուլոիդային թերթեր մաքրելուց, հետո դառնում է նկարիչ-մուլտիպլիկատոր։ Շուտով Ջոզեֆը հեռացավ Ֆլեյշերի ստուդիայից և փոխադրվեց Վան Բյուրենի մուլտբաժին, որտեղ սկսեց աշխատել որպես մուլտֆիլմի սցենարիստ։ 1935թվականին, երբ Վան Բյուրենի ստուդիան կործանման եզրին էր, Ջոզեֆը աշխատեց Փոլ Թերրիի՝ TerryToons մուլտիպլիկացիոն բաժնում, որտեղ շարունակեց իր աշխատանքը սցենարիստի կարգավիճակում։ 1937 թվականին Ջոզեֆը տեղափոխվեց «Մետրո-Գոլդուին-Մայեր» (անգլ. Metro-Goldwyn-Mayer) ստուդիա, որտեղ շուտով ծանոթացավ տեղի ռեժիսոր-մուլտիպլիկատոր Ուիլյամ Հաննայի հետ (անգլ. William Hanna), և այդ օրից նրանք աշխատեցին միասին։ 1940 թվականին թողարկվեց առաջին մուլտֆիլմը Թոմի ( ճիշտ է, այն կատվին անվանում էին Ջասպեր) և Ջերիի մասնակցությամբ։ Ճանաչված մուլտֆիլմը Ջոզեֆ Բարբերային և Ուիլյամ Հաննային պարգևեց Օսկարի (անգլ. Oscar) 7 մրցանակ։ 1957 թվականին Ջոզեֆ Բարբերան և Ուիլյամ Հաննան ստեղծեցին իրենց հիմնական «Հաննա-Բարբերա» (անգլ. Hanna-Barbera) մուլտստուդիան, որը թողարկեց մեծ քանակությամբ բազմատեսակ մուլտսերիալներ հեռուստատեսության համար, որոնցից են «Ջեթսոնները», «Ֆլինսթոունները», «Արջուկ Յոգին» և այլն։ 1980-ական թվականների կեսերին ստուդիան դադարեց գոյություն ունենալ, և Բարբերային Հաննայի հետ միասին տեղափոխեցին Warner Bros-ի անիմացիոն բաժին։ 1990-ական թվականներին Բարբերան հանդիսանում էր գործող պրոդյուսերը բազում ժապավենների, որոնք այդ ժամանակ լույս էին տեսնում տվյալ անիմացիոն բաժնում։ Ջոզեֆ Բարբերայի վերջին նշանակալից աշխատանքը լույս ընծայվեց արդեն իր մշտական գործընկերոջ՝ Ուիլյամ Հաննայի մահից (մահ. 2001թ.) հետո՝ Թոմի և Ջերիի մասնակցությամբ. այդ կարճ ժապավենը անվանվեց «Պահապան-կարատեիստ» (անգլ. The Karateguard): Մահացել է 95 տարեկան հասակում՝ Կալիֆոռնիայում՝ Լոս Անջելեսի իր սեփական տանը, ավարտելով իր յոթանասունամյա հաջողակ մուլիպլիկացիոն կարիերան։ Warner Brothers-ի ներկայացուցիչ Գերի Միրինայի հաղորդմամբ կինը՝ Շեյլան, այդ ժամանակ նրա մոտ է եղել։

Մատենագիտություն[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]