Ջեսսիկա Սիմփսոն

Վիքիպեդիայից՝ ազատ հանրագիտարանից
Ջեսսիկա Սիմփսոն
Jessica Simpson Joining Forces with the Rockies April 2011 (cropped).jpg
Հիմնական տվյալներ
Բնօրինակ անուն Jessica Simpson
Ի ծնե անուն Ջեսսիկա Էն Սիմփսոն
Ծնվել է հուլիսի 30, 1980
Աբիլին, Տեխաս
Երկիր ԱՄՆ-ի դրոշը ԱՄՆ
Ժանրեր փոփ, դենս փոփ, քանթրի, R&B, պարային երաժշտություն
Մասնագիտություն երգչուհի, դերասանուհի
Երգչաձայն սոպրանո
Գործունեություն 1999 - այժմ
Լեյբլ

Columbia (1999-2004)

Sony BMG (2004)

Epic (2006-2010)

Primary Wave, EMI (2010)
Ամուսին Eric Johnson
Կայք jessicasimpson.com

Ջեսսիկա Էն Սիմփսոն (անգլ.՝ Jessica Ann Simpson, հուլիսի 10, 1980, Աբիլին, Տեխաս, ԱՄՆ), ամերիկյան երգչուհի, դերասանուհի, հաղորդավարուհի և դիզայներ։ Նրա մեծ հաջողությունները սկսվել են 1999 թվականին: Ջեսսիկան թողարկել է յոթ ստուդիական ալբոմ, նկարահանվել է բազմաթիվ հեռուստաշոուներում, ֆիլմերում, գովազդներում, ստեղծել է իր անձնական կոսմետիկայի, կոշիկների և պայուսակների ցանցը կանանց համար։ Նա ակտիվորեն ներգրավված է բարեգործական աշխատանքի մեջ։ 2005 թվականին նա հրապարակեց իր անձնական նորաձևության հավաքածուն՝ The Jessica Simpson Collection:

Սիմփսոնի յոթ հիթեր հայտնվել են Billboard Top 40-ում, երեք ոսկե և երկու մուլտիպլատինե ստուդիական ալբմներ, որոնցից 4-ը ամերիկյան Billboard 200 լավագույն տասնյակում են հայտնվել։ Ամբողջ աշխարհում վաճառվել են Ջեսսիկայի ալբմների ավելի քան 20 միլիոն պատճեն։ Սիմփսոնը իր ամուսնու՝ Նիկ Լաշի հետ նկարահանվել է «Երիտասարդներ: Նիկ և Ջեսսիկա» ռեալիթի շոուում, MTV ալիքում։ 2008 թվականին նա թողարկել է Do You Know ալբոմը, որը դարձել է իր կարիերայի առաջին ալբոմը քանթրի ոճում։

2005 թվականից Սիմփսոնը սկսել է նկարահանվել լիամետրաժ ֆիլմերում։

2010 թվականի առաջին կեսին նա հրապարակել է իր երկրորդ ռեալիթի շոուն «Ջեսսիկա Սիմփսոնի գեղեցիկ աշխարհ» անվանումով։ 2010 թվականի հոկտեմբերին նա ձայնագրել է իր առաջին և վերջին հավաքածուն Epic Records լեյբլի հետ, Playlist: The Very Best of Jessica Simpson անվանումով։

Մանկությունը[խմբագրել | խմբագրել կոդը]

Ջեսսիկա Սիմփսոնը ծնվել և մեծացել է Աբիլինում, Տեխասում: Նրա մայրը՝ Թինան, եղել է տնային տնտեսուհի, իսկ հայրը՝ հոգեբան։ Ունի փոքր քույր՝ երգչուհի Էշլի Սիմփսոնը:

Նա վաղ տարիներին հաճախել է եկեղեցական երգչախումբ։ 12 տարեկանում Սիմփսոնը մասնակցել է «Միկի Մաուսի Ակումբ»-ի լսումներին, սակայն չի անցել։ Նա 13 տարեկանում ճամբարում Դոլի Պարտոնի հետ կատարել է «I Will Always Love You» երգը, որտեղ նրան նկատել է ոչ այնքան փոքր ձայնագրման ստուդիայի տնօրենը և հիանալով նրա ձայնով նրա հետ պայմանագիր է ստորագրել։ Ջեսսիկան ձայնագրել է իր առաջին դեբյուտային ալբոմը, սակայն ստուդիան փակվել է, այդ պատճառով սկավառակը այդպես էլ չի թողարկվել։

Միայն, երբ նա 16 տարեկան էր նրա ձայնագրությունը լսել է Թոմի Մոտոլի «Columbia Records» ընկերությունը և նորից նրա հետ պայմանագիր է ստորագրել։

Երաժշտական կարիերան[խմբագրել | խմբագրել կոդը]

1999-2001: Sweet Kisses и Irresistible[խմբագրել | խմբագրել կոդը]

1999 թվականին թողարկվել է Ջեսսիկա Սիմփսոնի «I Wanna Love You Forever» սինգլը։ Երգը հաջողության է հասել և գրավել է 3-րդ հորիզոնականը Billboard Hot 100-ում։ Անմիջապես դրանից հետո թողարկել է Sweet Kisses դեբյուտային ալբոմը։ Ալբոմի թողարկումից հետո նա մեկնել է շրջագայության 98 Degrees բոյ բենդի հետ։ Ջեսսիկան այդ խմբի հետ նկարահանվել է «My Everything» երգի տեսահոլովակում։ Ավելի ուշ Սիմփսոնը թողարկել է ևս երկու սինգլներ՝ «Where You Are» և «I Think I’m in Love with You», որոնց շնորհիվ նրա դեբյուտային ալբոմը երկու անգամ պլատինե է դարձել։ Չնայած նրան, որ ալբոմը մեծ վաճառք է ունեցել, այն համարվել է անհաջողակ, քանի որ այդ ժամանակ հաջողության էին հասնաում Քրիստինա Ագիլերայի և Բրիթնի Սփիրսի դեբյուտային ալբոմները։ Ձայնագրման ընկերությունն այդ պատճառով որոշում ընդունեց, որ հաջորդ ալբոմների հաջողությունների համար պետք է փոխել երգերի ոճը և ձայնի որակը։

2001 թվականի կեսերին Irresistible ալբոմը գրավել է 6-րդ հորիզոնականը Billboard 200-ում։ «Irresistible» երգը դարձել է Ջեսսիկայի կարիերայի ամենահաջողակ հիթերից մեկը։ Այն գրավել է 15-րդ հորիզոնականը Hot 100-ում և չարթում մնացել է 20 շաբաթ։ Ալբոմը 2001 թվականի հունիսին գրավել է 6-րդ հորիզոնական Billboard 200-ում, ի շնորհիվ 127 000 պատճենների վաճառքի (մեկ շաբաթում)։ Ավելի ուշ ալբոմը դառնում է ոսկե ըստ Ամերիկայի ձայնագրման ասոցիացիայի (վաճառվել է 500 000 և ավելի պատճեն)։ ԱՄՆ-ում վաճառվել է 850 000 պատճեն։ Ալբոմի շնորհիվ Սիմփսոնը մեկնել է իր առաջին շրջագայությանը՝ DreamChaser Tour:

2002-2005: In This Skin[խմբագրել | խմբագրել կոդը]

Սիմփսոնի երրորդ ալբոմը՝ In This Skin, թողարկվել է 2003 թվականի օգոստոսին։ In This Skin գրավել է 10-րդ հորիզոնականը Billboard 200-ում, մեկ շաբաթում վաճառվել է 64 000 պատճեն։ 2004 թվականի դեկտեմբերին ալբոմը եռակի պլատինե է դարձել, ԱՄՆ-ում վաճառվել է 4 000 000 պատճեն։

2004 թվականի վերջին Սիմփսոնը թողարկել է իր չորրորդ ալբոմը ReJoyce: The Christmas Album անվանումով, որը գրավել է 14-րդ հորիզոնականը Billboard 200-ում, իսկ ավելի ուշ հայտնվել է ոսկե կարգավիճակում։

Սիմսոնը 2006 թվականի օգոստոսին

2006-2007: A Public Affair[խմբագրել | խմբագրել կոդը]

2006 թվականին Սիմփսոնը վերադառնում է ձայնագրման ստուդիա և Epic Records-ի հետ համագործակցություն է սկսում։ 2006 թվականի օգոստոսի 29-ին նա թողարկել է իր հինգերորդ ստուդիական ալբոմը՝ A Public Affair: Ալբոմը գրավել է 5-րդ հորիզոնականը Billboard 200-ում, մեկ շաբաթում վաճառվել է ալբոմի 101 000 պատճեն։ ԱՄՆ-ում վաճառվել է ալբոմի 300 000 օրինակ։ Ալբոմի առաջին սինգլը՝ «A Public Affair» գրավել ՝ 14-րդ հորիզոնականը Hot 100-ում։ Ալբոմը նաև հայտնվել է Կանադայի և Իռլանդիայի լավագույն տասնյակներում։

2008-2009: Do You Know[խմբագրել | խմբագրել կոդը]

Do You Know ալբոմը թողարկվել է 2008 թվականի սեպտեմբերի 9-ին։ Այն գրավել է առաջին հորիզոնականը Billboard Top-ում, ինչպես նաև Կանադայում: Այն Սիմփսոնի առաջին ալբոմն է, որ առաջին հորիզոնականն է զբաղեցրել։

2010 - մեր օրեր[խմբագրել | խմբագրել կոդը]

Սիմփսոնը որոշել է թողարկել նոր ստուդիական ալբոմ, որը վերջինն է լինելու Epic Recprds լեյբլի հետ համագործակցության ընթացքում։ Այդուհանդերձ լավագույն հիթերի հավաքածուն՝ Playlist: The Very Best of Jessica Simpson Եպից լեյբլի կողմից թողարկվեց հոկտեմբերի վերջին, իսկ երկրորդ սուրբ ծննդյան ալբոմը՝ Happy Christmas, eleveneleven և Primary Wave լեյբլների հետ համագործակցության ընթացքում թողարկվել է 2010 թվականի նոյեմբերին։

Անձնական կյանքը[խմբագրել | խմբագրել կոդը]

2002 թվականից 2006 թվականը Ջեսսիկան ամուսնացած է եղել երաժիշտ Նիկ Լաշի հետ[1]:

2014 թվականի հուլիսի 5-ին Ջեսսիկան ամուսնացել է Էրիկ Ջոնսոնի հետ, ում հետ նա ամուսնությունից առաջ 4 տարի հանդիպել է[2][3][4]: Նրանք ունեն երկու երեխա՝ դուստր՝ Մաքսվել Դրյու Ջոնսոնը և որդի՝ Էիս Կնուտե Ջոնսոնը[5][6]:

Սկավառակագրություն[խմբագրել | խմբագրել կոդը]

Ստուդիական ալբոմներ[խմբագրել | խմբագրել կոդը]

Հավաքածուներ[խմբագրել | խմբագրել կոդը]

Բոկս-սեթներ[խմբագրել | խմբագրել կոդը]

Շրջագայությունները[խմբագրել | խմբագրել կոդը]

  • DreamChaser Tour (2001)
  • Reality Tour (2004)

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]