Ջեյմս Դեշներ

Ջեյմս Դեշներ անգլ.՝ James Dashner
Ծնվել է	նոյեմբերի 26, 1972(1972-11-26) (52 տարեկան)
Ծննդավայր	Քոբ շրջան, Ջորջիա, ԱՄՆ
Մասնագիտություն	գրող, գիտաֆանտաստիկ գրող, մանկագիր և վիպասան
Լեզու	անգլերեն
Քաղաքացիություն	ԱՄՆ
Կրթություն	Բրիհեմ Յանգի համալսարան և Duluth High School?
Ուշագրավ աշխատանքներ	The 13th Reality? և The Maze Runner?
Պարգևներ	Whitney Awards?
Կայք	jamesdashner.com
James Dashner Վիքիպահեստում

Ջեյմս Դեշներ (անգլ.՝ James Dashner, նոյեմբերի 26, 1972(1972-11-26), Քոբ շրջան, Ջորջիա, ԱՄՆ), ամերիկացի գրող։

Կենսագրություն

Ջեյմս Դեշները ծնվել է ԱՄՆ-ի Օստիլ քաղաքում 1972 թվականին՝ դառնալով ընտանիքում վեց երեխաներից մեկը։ Մանկության տարիներից ի վեր Ջեյմսը երազել է զբաղվել գրականությամբ։ Ջեյմսի ծնողները հին գրամեքենա են ունեցել, որով նա առաջին անգամ փորձել է գրել, սակայն դրանով զբաղվել է միայն որպես հոբբի։ Դպրոցն ավարտելուց հետո Ջեյմսն ընդունվել է Բրիգամ Յանգի համալսարան, որտեղ ստացել է մագիստրոսի աստիճան հաշվապահական հաշվառման բնագավաում։ Նախքան գրողի կարիերային նվիրվելն աշխատել է ֆինանսների բնագավառում, բայց ի վերջո գրականության նկատմամբ սերը հաղթել է։

2003 թվականից ի վեր Ջեյմսը պարբերաբար գրքեր է գրել երեխաների և դեռահասների համար ֆանտազիայի ժանրում։ Նրա ամենահանրաճանաչ վեպը՝ «Լաբիրինթոսում վազողը», որով սկսվում է համանուն շարքը, գրված է ավելի հասուն լսարանի համար (Young Adult)։ Շարքը պատմում է մի խումբ դեռահասների մասին, որոնք անհասկանալի պատճառներով հայտնվել տարօրինակ լաբիրինթոսում, որը բնակեցված է սարսափելի արարածներով։

2012 թվականին հեղինակը սկսել է «Infinity Ring» միջհեղինակային շարքը, որն իր կառուցվածքով հիշեցնում է Ռիք Ռիորդանի «39 բանալի» երկը։ Դեշների «The Mortality Doctrine» շարքի առաջին վեպը լույս է տեսել 2013 թվականի հոկտեմբերին․ դրանում հեղինակը պատմում է կիբեռաշխարհի մասին։

Ստեղծագործական գործընթացից ազատ ժամանակ Ջեյմսը սիրում է ընթերցել, դիտել ֆիլմեր և հեռուստաշոուներ, դահուկներով սահել։ Թվարկվածները կարող են ոգեշնչել նրան ստեղծագործելու համար. օրինակ՝ «Լաբիրինթոսում վազողը» գրվել է Օրսոն Սքոթ Քարդի «Էնդերի խաղը» և Վիլյամ Գոլդինգի «Ճանճերի տերը» երկերի ուժեղ ազդեցության ներքո։ Ամեն անգամ, երբ Ջեյմսը հաղթահարում է ստեղծագործական ճգնաժամը, նա ընդմիջում է վերցնում ֆիլմի դիտման կամ գրքի ընթերցանության համար։

Ներկայումս Ջեյմս Դեշները ապրում է Յուտայի Ժայռոտ լեռներում իր ընտանիքի հետ և շարունակում է գրել։

Ջեյմս Դեշները, Ուիլլ Փոուլթերը և Դիլան Օ'Բրայեն

Մատենագրություն

«Ջիմի Ֆինչերի սագա» («Jimmy Fincher Saga»)

• A Door In The Woods (2003)
• A Gift Of Ice (2004)
• The Tower of Air (2004)
• War of the Black Curtain (2005)

«Լաբիրինթոսում վազողը» («The Maze Runner»)

• Լաբիրինթոսում վազողը (2009)
• Փորձություն կրակի հետ (2010)
• Մահվան դեղ (2011)
• Ընդհանուր սպառնալիք (2012)
• Տենդի կոդ (2016)

«Տասներեքերորդ իրականություն» շարք («The 13th Reality»)

• Տարօրինակ նամակների արխիվ (2008)
• Մութ անվերջության որս (2009)
• Կոտրված հույսի սայր (2010)
• Որոտի ու խավարի անդունդ (2013)

«Անսահմանության օղակ» շարք («The Infinity Ring»)

• Ապստամբություն ժամանակի մեջ (2012)
• Son of Zeus (2014)

«Մահացության դոկտրինա» («The Mortality Doctrine»)

• Մահացու խաղ (2013)
• Մտքի գերիշխանություն (2014)
• Կյանքերի խաղ (The Game of Lives, 2015)

Էկրանավորում

• Լաբիրինթոսում վազողը (2014)
• Լաբիրինթոսում վազողը։ Փորձություն կրակով (2015)
• Լաբիրինթոսում վազողը։ Մահվան դեղ (2018)

Արտաքին հղումներ

• Գրողի պաշտոնական կայքը(անգլ.)

Վիքիպահեստն ունի նյութեր, որոնք վերաբերում են «Ջեյմս Դեշներ» հոդվածին։