Չարլի Մանգեր
| Չարլի Մանգեր | |
|---|---|
.jpg) | |
| Ծնվել է | հունվարի 1, 1924 (98 տարեկան) |
| Ծննդավայր | Օմահա, Նեբրասկա, ԱՄՆ |
| Քաղաքացիություն |  ԱՄՆ |
| Կրթություն | University of Michigan College of Literature, Science, and the Arts?, Հարվարդի իրավունքի դպրոց, Կալիֆոռնիայի տեխնոլոգիական ինստիտուտ և Omaha Central High School? |
| Գիտական աստիճան | Իրավաբանական գիտությունների դոկտոր[1] |
| Մասնագիտություն | ներդրող |
| Աշխատավայր | Բերքշիր Հեթուեյ |
| Զբաղեցրած պաշտոններ | փոխնախագահ |
Չարլզ Թոմաս Մանգեր (անգլ.՝ Charlie Munger, հունվարի 1, 1924, Օմահա, Նեբրասկա, ԱՄՆ), ամերիկացի գործարար, իրավաբան, ներդրող և բարերար։ Հանդիսանում է Ուորեն Բաֆեթի կողմից կառավարվող Բերքշիր Հեթուեյ ընկերության փոխնախագահը։ Բաֆեթը Մանգերին անվանում է «իմ գործընկեր»։ Մանգերը 1984-2011 թթ. աշխատել է որպես Wesco Financial Corporation-ի տնօրեն (Wesco-ի 80%-ն այդ ժամանակ պատկանում էր Բերքշիր Հեթուեյին)։ Նա նաև Լոս Անջելեսում տեղակայված Daily Journal Corporation-ի նախագահն է և Costco Wholesale Corporation-ի տնօրենը։
Ֆորբս ամսագիրը 2015 թվականին նրա կարողությունը գնահատում էր 1.3 միլիարդ դոլար[2]։
Մանգերը ծնվել է Օմահայում, Նեբրասկա։ Որպես պատանի աշխատել է Ուորեն Բաֆեթի պապին պատկանող Buffett & Son խանութում։ Միչիգանի համալսարան ընդունվելուց հետո, որտեղ նա սովորել է մաթեմատիկա, այցելություններից բացի այլևս չի վերադարձել Օմահա[3]։ 1943 թվականին նա դուրս է եկել քոլեջից՝ ծառայության անցնելով ԱՄՆ ռազմաօդային ուժերում։ Պատերազմից հետո ավարտել է Հարվարդի Իրավունքի դպրոցը և սկսել իրավաբանությամբ զբաղվել Լոս Անջելեսում։
1962 թվականին Մանգերը ստեղծել է իր ներդրումային ընկերությունը, որը նման էր Բաֆեթի ընկերությանը։ 1962-1975 թվականներին նրա ընկերությունը ունեցել է տարեկան միջինը 19.8 տոկոսի եկամուտ, ինչը գրեթե չորս անգամ ավելի է եղել շուկայի ցուցանիշներից։
1976 թվականին տեղի է ունեցել Բերքշիր Հեթուեյի և Blue Chip Stamps ընկերությունների միաձուլումը, որտեղ Մանգերը զբաղեցնում էր տնօրենների խորհրդի փոխնախագահի պաշտոնը։
Ծանոթագրություններ[խմբագրել | խմբագրել կոդը]
- ↑ German National Library, Berlin State Library, Bavarian State Library, Austrian National Library Record #143363689 // Gemeinsame Normdatei — 2012—2016.
- ↑ http://www.forbes.com/profile/charles-munger/&list=billionaires(չաշխատող հղում)
- ↑ Janet Lowe. Damn Right!: Behind the Scenes with Berkshire Hathaway Billionaire Charlie Munger (2000). John Wiley and Sons.
| ||||||
