Նևենկա Ուրբանովային նվիրված Սերբիայի փոստային բացիկ, 2009 թ.Նևենկա Ուրբանովայի հուշատախտակը Բելգրադի քաղաքային թանգարանի պատին
Նևենկա Ուրբանովան ծնվել է Բեչեյում 1909 թվականին։ 1925 թվականից հանդես է եկել Բելգրադի ազգային թատրոնի բեմում։ Խաղացել է ավելի քան 150 դերեր, 1936 թվականից համարվում է առաջին պլանի դերասանուհի, նրա ամպլուան ճակատագրական կնոջ դերն է։ Մինչև 1959 թվականին թոշակի անցնելն աշխատել է Բելգրադի Ազգային թատրոնում։ Վերջին անգամ բեմ է դուրս եկել 1965 թվականի ապրիլին։ Խաղացել է ազգային և արտասահմանյան դրամատուրգների պիեսներում, այդ թվում, Բորիսավ Ստանկովիչի, Միրոսլավ Կռլեժայի, Բրանիսլավ Նուշիչի, Ալֆրեդ Վայդենմանի, Մոլիերի, Տերենս Ռետտիգենի, Օսկար Ուայլդի, Թենեսի Ուիլյամսսի[3]։
Կյանքի վերջին տարիներին գրել է հուշեր։ 2000 թվականին հրատարակել է «Svici koji slovima svetle» գիրքը։ Մահվան պահին նա համարվում էր ամենատարեց սերբ պրոֆեսիոնալ դերասանուհին։ Կտակի համաձայն Ուրբանովայի մահվան լուրը հայտնել են նրա դիակիզումից և թաղումից 3 օր անց, հունվարի 10-ին։