Նարինե Զարիֆյան

Նարինե Զարիֆյան
Ծնվել է	հոկտեմբերի 11, 1958(1958-10-11) (65 տարեկան) Երևան, Հայկական ԽՍՀ, ԽՍՀՄ
Երկիր	ԽՍՀՄ և  Հայաստան
Մասնագիտություն	կոմպոզիտոր
Աշխատավայր	Արմեն Տիգրանյանի անվան երաժշտական դպրոց և Երևանի Կոմիտասի անվան պետական կոնսերվատորիա
Կրթություն	Ռոմանոս Մելիքյանի անվան պետական երաժշտական քոլեջ, Երևանի Կոմիտասի անվան պետական կոնսերվատորիա (1984) և Երևանի Կոմիտասի անվան պետական կոնսերվատորիա (1993)
Անդամակցություն	ԽՍՀՄ կոմպոզիտորների միություն և Հայաստանի կոմպոզիտորների միություն
Պարգևներ	Հայաստանի մշակույթի նախարարության ոսկե մեդալ և Հայաստանի արվեստի վաստակավոր գործիչ

Նարինե Կառլի Զարիֆյան (հոկտեմբերի 11, 1958(1958-10-11), Երևան, Հայկական ԽՍՀ, ԽՍՀՄ), հայ կոմպոզիտոր։ ԽՍՀՄ (1986) և Հայաստանի կոմպոզիտորների միության (1992) անդամ։ Երևանի Կոմիտասի անվան պետական կոնսերվատորիայի պրոֆեսոր։ Հայաստանի Հանրապետության արվեստի վաստակավոր գործիչ (2022)։

Կենսագրություն

Նարինե Զարիֆյան ծնվել է 1958 թվականի հոկտեմբերի 11-ին, Երևանում։ 1977 թվականին ավարտել է Երևանի Ռոմանոս Մելիքյանի անվան երաժշտական ուսումնարանը, 1984 թվականին՝ Երևանի Կոմիտասի անվան պետական կոնսերվատորիայի կոմպոզիցիայի բաժինը (Գրիգոր Եղիազարյանի դասարան), 1993 թվականին՝ ավարտել է Երևանի Կոմիտասի անվան պետական կոնսերվատորիայի ասպիրանտուրան (Ղազարոս Սարյանի դասարան)։ 1978 թվականին Երևանի Արմեն Տիգրանյանի անվան երաժշտական դպրոցում դասավանդել է դաշնամուր և կոմպոզիցիա։ 1993-1995 թվականներին Սիրիայի Հալեպ քաղաքի Բարսեղ Կանաչյանի անվան դպրոցում դասավանդել է կոմպոզիցիա և տեսական առարկաներ։ 1997 թվականից դասավանդում է Երևանի Կոմիտասի անվան պետական կոնսերվատորիայում։ 2011 թվականին ստեղծել է «Զարիֆյան քառյակ»-ը և հանդիսանում է դրա գեղարվեստական ղեկավարը։

Զարիֆյանի սիմֆոնիկ, կամերային, վոկալ ստեղծագործությունները կատարվել են Եվրոպայի, Ասիայի և ԱՄՆ-ի երկրներում և արժանացել տարբեր մրցանակների։ Մասնակցել է տարբեր միջազգային փթառատոններին։

Անդամակցություն

• ԽՍՀՄ կոմպոզիտորների միության անդամ (1986)
• Հայաստանի կոմպոզիտորների միության անդամ (1992)
• «Կանայք երաժշտության մեջ» միջազգային ընկերակցության անդամ (2004)

Ստեղծագործություններ

Ստեղծագործությունների ցանկ

• Դաշնամուրային կվինտետ, 1981
• Սոնատ թավջութակի և դաշնամուրի համար, 1981 (նոր խմբ. 2013)
• Կվինտետ փայտյա փողային կազմի համար, 1990
• «Տրիգոններ» կամերային նվագախմբի համար,1990
• Վոկալ շարք Ավետիք Իսահակյանի խոսքերով, 1993
• «Էլեգիա» կոնցերտ կիթառի և կամերային նվագախմբի համար, 1998 (նոր խմբ. 2011)
• «Սոլեա» սիմֆոնիկ պոեմ, 1999
• «Scerzo a la retro» սիմֆոնիկ նվագախմբի համար, 1999
• «Ռեգթայմ» կիթառի և սիմֆոնիկ նվագախմբի համար, 1999
• «Երկխոսություն» հարվածայինների համար, 2000
• «Violin Dance» սոլիստների և սիմֆոնիկ նվագախմբի համար, 2000
• «Ֆանտազիա Սայաթ-Նովայի թեմաներով» մենակատարների և սիմֆոնիկ նվագախմբի համար, 2000
• «Եկու էսքիզ» ջութակահարների անսամբլի համար, 2007
• «Տանգո» էքսպրեսիա կվինտետի համար, 2007
• «Վոկալիզ» մենակատարի և կամերային նվագախմբի համար, 2008
• «Փոզոցի արևային կողմում» ջազ-բալլադ ֆլեյտայի և դաշնամուրի համար, 2010
• «Նոկտյուրն» ջութակի, դաշնամուրի և կամերային նվագախմբի համար, 2010
• «Քեզ» բալլադ երկու կիթառի, երգեհոնի և կոնտրաբասի համար, 2010
• «Փշրված երազանք» ձայնի և սիմֆոնիկ նվագախմբի համար, 2010
• «Ծափիկ-ծափիկ» ժողովրդական երգի մշակում մանկական երգչախմբի համար, 2011
• «Հայկական էսքիզներ» պատկեր քամանչայի, քանոնի, դաշնամուրի և կոնտրաբասի համար
• «Ժողովրդական նվագներ» մանկական պիեսների շարք ժողովրդական գործիքների նվագախմբի համար, 2013
• «6 տրամադրություն» դաշնամուրային շարք, 2013
• «Նա» մյուզիքլ, 2014
• «Հայկական էսքիզներ» եռամաս սյուիդ երկու դաշնամուրի համար, 2018
• «Երկխոսություն» մանկական երգչախմբի և հարվածային գործիքների համար, 2018
• «Պրելյուդ» մանկական երգչախմբի համար, 2018
• «Աշնանային պատկերներ» եռամաս սյուիտ կամերային նվագախմբի և Ժողովրդական գործիքաների համար, 2018

Հրատարակված նոտաներ

• «Փողոցի արևային կողմում» ֆլեյտայի և դաշնամուրի համար, ԵՊԿ հրատարակչություն, 2009
• «Ծափիկ-ծափիկ» մանկական ժողովրդական երգի մշակում, Հայ կոմպոզիտորների մանկական խմբերգերի ժողովածու, ՀՀ մշակույթի կրթության աջակցության հիմնադրամ, «Վան Արյան», 2010
• «Վոկալիզ» ձայնի, դաշնամուրի և կամերային նվագախմբի համար, հեղինակային հրատարակչություն, 2010
• «Ֆանտազիա Սայաթ-Նովայի թեմաներով» սիմֆոնիկ նվագախմբի և Ժողովրդական գործիքների քառյակի համար, ԵՊԿ հրատարակչություն, 2012
• «Տանգո Էքսպրեսիա» անսամբլների ժողովածու տարբեր գործիքային կազմերի համար, 2013
• «Կոնցերտ-Էլեգիա» կիթառի և կամերային նվագախմբի համար, «Լույս» հրատարակչություն, 2016

Հրատարակված հոդվածներ

Զարիֆյանի գիտական և գիտամեթոդական հոդվածները տպագրվել են գիտական ամսագրերում և ժողովածուներում։

• «Խոսք ուսուցչի մասին» նվիրված Գ. Եղիազարյանի ծննդյան 100-ամյակին, «Ամրոց գրուպ» հրատարակչություն, Երևան, 2010 (հոդված-հիշողություններ)։
• Գիտամթեդական հոդված Ն. Զարիֆյան՝ «Բլյուզի ոճը երաժշտության մեջ», «Երաժշտական Հայաստան» 4 (39), 59-61 էջեր, 2010 (ռուսերեն)։
• Ն. Զարիֆյան, «Ռոմանսների վոկալ ցիկլերի զարգացման հեռանկարներ», ԵՊԿ դասախոսների ուսումնամեթոդական աշխատանքների ժողովածու, Պրակ 8/2011, 53-59 էջեր, (Բանբեր կոնսերվատորիայի, 2011, Ալեգատ գրքում) (ռուսերեն)։
• Ն. Զարիֆյան, «Ժամանակակից պահանջները կիթառային կատարողական արվեստի ոլորտում», ԵՊԿ դասախաոսների ուսումնամեթոդական աշխատանքների ժողովածու, Պրակ 8/2011, 60-67 էջեր, (Բանբեր կոնսերվատորիայի, 2011, Ալեգատ գրքում) (ռուսերեն)
• Ն. Զարիֆյան, «Մենեստրելային երաժշտությունը և նրա պատմական նշանակությունը» ԵՊԿ գիտամեթոդական հոդվածների և երաժշտագիտական աշխատությունների ժողովածու, հատոր 3, 2011, 60-67 էջեր, (Բանբեր կոնսերվատորիայի, 2011, Ալեգատ գրքում) (ռուսերեն)։
• Ն. Զարիֆյան, «Սիմֆո-փոփ երաժշտություն» հոդված, «Երաժիշտ» ամսաթերթ, 2012։

Պարգևներ, կոչումներ

• ԵՊԿ դոցենտ, 2009
• Պրոֆեսոր, 2004
• Մովսես Խորենացու մեդալ, 2017
• Հայաստանի մշակույթի նախարարության ոսկե մեդալ, 2018
• Հայաստանի արվեստի վաստակավոր գործիչ, 2022։

Արտաքին հղումներ

• «Հայաստանից դուրս չեմ կարողանում ստեղծագործել». Նարինե Զարիֆյան Արխիվացված 2019-04-11 Wayback Machine
• Համերգ՝ նվիրված Նարինե Զարիֆյանի ստեղծագործական գործունեության 40-ամյակին Արխիվացված 2019-04-11 Wayback Machine