Նաուել Մոլինա

Վիքիպեդիայից՝ ազատ հանրագիտարանից
Նաուել Մոլինա
իսպ.՝ Nahuel Molina
Անձնական տվյալներ
Քաղաքացիությունը  Լիմա
Ծննդյան ամսաթիվ ապրիլի 6, 1998(1998-04-06)[1] (25 տարեկան)
Ծննդավայր Embalse, Calamuchita Department, Կորդովա, Արգենտինա
Հասակ 175 սանտիմետր
Քաշ 70 կիլոգրամ
Դիրք աջ պաշտպան
Պատանեկան կարիերա
Արգենտինա Բոկա Խունիորս
Մասնագիտական կարիերա*
Տարի Ակումբ Խաղ (Գոլ)
2016—2020 Արգենտինա Բոկա Խունիորս 8 (0)
2017—2018 → Արգենտինա Դեֆենսա ի Խուստիսիա 17 (1)
2018—2019 → Արգենտինա Ռոսարիո Սենտրալ 22 (1)
2020—2022 Իտալիա Ուդինեզե 64 (9)
2022— Իսպանիա Ատլետիկո Մադրիդ 33 (4)
Ազգային հավաքական‡
2017 Արգենտինա Արգենտինա (մինչև 20) 6 (0)
2021— Արգենտինա Արգենտինա 29 (1)

* Մասնագիտական կարիերայում ընդգրկված են միայն առաջնության խաղերը և գոլերը 
ըստ 21.06.2023:

‡ Ազգային հավաքականի խաղերն ու գոլերը ըստ 21.06.2023

Նաուել Մոլինա Լուսերո (իսպ.՝ Nahuel Molina Lucero, ապրիլի 6, 1998(1998-04-06)[1], Embalse, Calamuchita Department, Կորդովա, Արգենտինա), արգենտինացի ֆուտբոլիստ, «Ատլետիկո Մադրիդ» ակումբի և Արգենտինայի հավաքականի պաշտպան։ 2022 թվականի աշխարհի չեմպիոն։

Ակումբային կարիերա[խմբագրել | խմբագրել կոդը]

Մոլինան ծնվել է 1998 թվականի ապրիլի 6-ին Էմբալսեում։ Նաուելի նախապապը, պապը և հայրը ֆուտբոլ են խաղացել, և երիտասարդ արգենտինացին գնացել է նրանց հետքերով։ 11 տարեկանում նա տեղափոխվել է Բուենոս Այրես, որպեսզի միանա «Բարսելոնայի» ակադեմիայի մասնաճյուղին։ Այդ ժամանակ նա հանդես էր գալիս աջ վինգերի և կենտրոնական հարձակվողի դիրքերում։ Երկու տարի անց նա տեղափոխվել է «Բոկա Խունիորսի» պատանեկան թիմ։ 2016 թվականին ակումբի մեծահասակների թիմի մարզիչ Ռոդոլֆո Արուաբարենը 17-ամյա Մոլինային ընդգրկել է երկրի առաջնության հայտացուցակում[2]։ Փետրվարի 18-ին «Սան Մարտին Սան Խուան»-ի դեմ խաղում Նաուելը նշել է նորամուտը արգենտինական Պրիմերայում[3]։ Այդ մրցաշրջանում նա «Բոկայի» կազմում անցկացրել է ևս 7 հանդիպում։ Հաջորդ երկու տարիները ֆուտբոլիստը վարձավճարով անցկացրել է «Դեֆենսա և Խուստիսիա» և «Ռոսարիո Սենտրալ» ակումբներում։ Ներքին և միջազգային մրցաշարերում փորձ ձեռք բերելով՝ Մոլինան վերադարձել է «Բոկա», սակայն ակումբի ղեկավարությունը չի կարողացել համաձայնության գալ նրա հետ պայմանագիրը երկարաձգելու հարցում։ Նաուելը մոտ էր «կապտանռնագույնների» գլխավոր հակառակորդների՝ «Ռիվեր Փլեյթի» ճամբար տեղափոխվելուն, բայց արդյունքում ֆուտբոլիստը տեղափոխվել է իտալական «Ուդինեզե», որտեղ հանդես էին գալիս ևս մի քանի արգենտինացիներ՝ Խուան Մուսոն, Ռոդրիգո Դե Պաուլը, Ռոբերտո Պերեյրան, Իգնասիո Պուսետտոն և Ֆերնանդո Ֆորեստյերին[2]։

Նոր թիմում առաջին մրցաշրջանում Մոլինան անմիջապես չի դարձել մեկնարկային կազմի խաղացող, սակայն փետրվարից սկսած «Ուդինեզեի» գլխավոր մարզիչ Լուկա Գոթին նրան դարձրել է հիմնական աջ լատերալը 3-5-2 սխեմայում։ Այս հատվածում արգենտինացին երկու անգամ աչքի է ընկել («Յուվենտուսի» և «Բենևենտոյի» հետ խաղերում) և կատարել է երեք արդյունավետ փոխանցում։ Նաուելի հաջող ելույթներն աննկատ չեն մնացել նաև հավաքականի մարզչական շտաբում. ամռանը Լիոնել Սկալոնին ֆուտբոլիստին հրավիրել է մասնակցելու Ամերիկայի գավաթի խաղարկությանը[4]։ Հաջորդ մրցաշրջանում Մոլինան էլ ավելի տպավորիչ խաղ է ցուցադրել՝ Սերիա Ա-ի 35 հանդիպումներում խփելով 7 գոլ (լավագույն ցուցանիշը Եվրոպայի թոփ-5 լիգաների պաշտպանների շրջանում) և գրավել եվրոպական ուժեղ ակումբների ուշադրությունը[5]։

2022 թվականի հուլիսին Նաուելը 20 միլիոն եվրոյով տեղափոխվել է «Ատլետիկո Մադրիդ»՝ կնքելով պայմանագիր մինչև 2027 թվականը[6]։

Միջազգային կարիերա[խմբագրել | խմբագրել կոդը]

2017 թվականին Մոլինան Արգենտինայի երիտասարդական հավաքականի կազմում մասնակցել է Էկվադորում կայացած Հարավային Ամերիկայի երիտասարդական առաջնությանը։ Մրցաշարում Նա մասնակցել է Պերուի[7], Բոլիվիայի, Բրազիլիայի[8], Էկվադորի[9], ինչպես նաև երկուական անգամ Վենեսուելայի[10] և Ուրուգվայի[11] հավաքականների դեմ խաղերին։

Արգենտինայի մեծահասակների հավաքականի կազմում Առաջին հանդիպումը Մոլինան անցկացրել է 2021 թվականի հունիսի 4-ին՝ փոխարինելով Խուան Ֆոյտին 2022 թվականի աշխարհի առաջնության ընտրական փուլի խաղում։ Նույն թվականի հունիսին գլխավոր մարզիչ Լիոնել Սկալոնին Մոլինային ընդգրկել է թիմի հայտացուցակում Ամերիկայի գավաթի համար, որն ավարտվել է «ալբիսելեստեի» հաղթանակով։ Ֆուտբոլիստը մասնակցել է խմբային փուլի 3 հանդիպման՝ երկու անգամ ընդգրկվելով մեկնարկային կազմում։ Նաուելն ամբողջությամբ մասնակցել Է Էկվադորի դեմ քառորդ եզրափակիչի հանդիպմանը, իսկ կիսաեզրափակչում անցկացրել է միայն առաջին խաղակեսը՝ ընդմիջմանը տեղը զիջելով Գոնսալո Մոնտիելին։ Եզրափակիչ խաղում, որտեղ արգենտինացիները մրցում էին Բրազիլիայի հավաքականի դեմ, Սկալոնին որոշել է օգտագործել ավելի պաշտպանողական Մոնտիելին, և նա իրեն լավ է դրսևորել՝ փակելով մրցակիցների ավագ Նեյմարին։ Խաղն ավարտվել է 1-0 հաշվով՝ հօգուտ Արգենտինայի[12]։

Աշխարհի առաջնության ընտրության հետագա փուլերում Մոլինան դարձել է հավաքականի հիմնական աջ պաշտպանը[13]։ 2022 թվականի հունիսին նա մասնակցել է Ֆինալիսիմային՝ Իտալիայի դեմ հաղթական խաղում խաղադաշտում անցկացնելով ամբողջ 90 րոպեն։ Մունդիալի որակավորման փուլում Մոլինան խաղացել է 10 անգամ[14]։

2022 թվականի նոյեմբերին Մոլինան հայտնվել է հավաքականի հայտացուցակում՝ մասնակցելու Կատարում կայանալիք աշխարհի առաջնությանը[15]։ Խմբային փուլի առաջին խաղում, որում Արգենտինան սենսացիոն կերպով պարտվել է Սաուդյան Արաբիային 1:2 հաշվով, նա դուրս է եկել մեկնարկային կազմում։ Լեհաստանի դեմ հաջորդ խաղում (2:0) Նաուելը խաղադաշտ է դուրս եկել 63-րդ րոպեին։ Հաջորդ բոլոր հանդիպումները խաղացողը սկսել է հենց սկզբից։ Դեկտեմբերի 9-ին Նիդերլանդների դեմ քառորդ եզրափակիչի խաղում Մալինան բացել է հանդիպման հաշիվը Լիոնել Մեսսիի թափանցող փոխանցումից հետո։ Այդ գնդակն առաջինն էր Նաուելի համար ազգային հավաքականում[16], իսկ խաղն ավարտվել է արգենտինացիների հաղթանակով՝ 11 մետրանոցներով։ Մոլինան մասնակցել է կիսաեզրափակիչ և եզրափակիչ հանդիպումներին, որոնցում «ալբիսելեստեն» 11 մետրանոցներով հաղթել է Խորվաթիային (3:0) և Ֆրանսիային (3:3, 4:2):) և թիմի հետ դարձել աշխարհի չեմպիոն[14]։

Ձեռքբերումներ[խմբագրել | խմբագրել կոդը]

«Բոկա Խունիորս»

Արգենտինայի հավաքական

Ելույթների վիճակագրություն[խմբագրել | խմբագրել կոդը]

Ակումբային[խմբագրել | խմբագրել կոդը]

2023-01-21 [14]-ի դրությամբ
Ակումբ Մրցաշրջան Առաջնություն Գավաթ Միջազգային Ընդհանուր
Մրցաշար Խաղեր Գոլեր Խաղեր Գոլեր Խաղեր Գոլեր Խաղեր Գոլեր
Բոկա Խունիորս 2016/17 Պրիմերա 8 0 — 1 0 9 0
→ Դեֆենսա ի Խուստիսիա 2017/18 Պրիմերա 14 1 2 0 7 0 23 1
2018/19 Պրիմերա 3 0 — — 3 0
Ընդհանուր 17 1 2 0 7 0 26 1
→ Ռոզարիո Սենտրալ 2018/19 Պրիմերա 6 0 1 0 6 0 13 0
2019/20 Պրիմերա 16 1 2 0 — 18 1
Ընդհանուր 22 1 3 0 6 0 31 1
Ուդինեզե 2020/21 Սերիա А 29 2 2 0 — 31 2
2021/22 Սերիա А 35 7 2 1 — 37 8
Ընդհանուր 64 9 4 1 0 0 68 10
Ատլետիկո Մադրիդ 2022/23 Պրիմերա 14 0 3 0 6 0 23 0
Ընդհանուր կարիերայում 125 11 12 1 20 0 157 12

Հավաքականում[խմբագրել | խմբագրել կոդը]

2022-12-19 [17]-ի դրությամբ
Հավաքական Տարի Խաղեր Գոլեր
Արգենտինա 2021 13 0
2022 14 1
Ընդհանուր 27 1

Ծանոթագրություններ[խմբագրել | խմբագրել կոդը]

  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 «La historia de Nahuel Molina Lucero: de quedar libre en Boca a la Selección Argentina» (իսպաներեն)։ TyC Sports։ 2021-10-14։ Արխիվացված է օրիգինալից 2023-01-22-ին։ Վերցված է 2023-01-22 
  3. ↑ «Сан-Мартин Сан-Хуан VS. Бока Хуниорс 0:1» (անգլերեն)։ soccerway.com։ 2016-02-18։ Արխիվացված է օրիգինալից 2017-07-01-ին։ Վերցված է 2016-12-20 
  4. ↑ Paolo Lora Lamia (2021-06-21)։ «Nahuel Molina in ascesa: la scoperta dell'Udinese diventato titolare nell'Argentina» (իտալերեն)։ Goal։ Արխիվացված է օրիգինալից 2023-01-22-ին։ Վերցված է 2023-01-22 
  5. ↑ Mark Doyle (2022-05-21)։ «Meet Nahuel Molina: The top-scoring defender in Europe linked with Arsenal, Atletico Madrid and Juventus» (անգլերեն)։ Goal։ Արխիվացված է օրիգինալից 2023-01-22-ին։ Վերցված է 2023-01-22 
  6. ↑ «Welcome, Nahuel Molina!»։ atleticodemadrid.com (անգլերեն)։ 2022-07-28։ Արխիվացված է օրիգինալից 2022-07-28-ին։ Վերցված է 2022-07-28 
  7. ↑ «Արգենտինա (մինչև 20) VS. Պերու (մինչև 20) 1:1» (անգլերեն)։ soccerway.com։ 2017-01-20։ Արխիվացված է օրիգինալից 2017-02-02-ին։ Վերցված է 2017-02-13 
  8. ↑ «Բրազիլիա (մինչև 20) VS. Արգենտինա (մինչև 20) 2:2» (անգլերեն)։ soccerway.com։ 2017-02-09։ Արխիվացված է օրիգինալից 2017-07-05-ին։ Վերցված է 2017-02-13 
  9. ↑ «Էկվադոր (մինչև 20) VS. Արգենտինա (մինչև 20) 3:0» (անգլերեն)։ soccerway.com։ 2017-02-06։ Արխիվացված է օրիգինալից 2017-02-12-ին։ Վերցված է 2017-02-13 
  10. ↑ «Արգենտինա (մինչև 20) VS. Վենեսուելա (մինչև 20) 0:0» (անգլերեն)։ soccerway.com։ 2017-01-28։ Արխիվացված է օրիգինալից 2017-02-13-ին։ Վերցված է 2017-02-13 
  11. ↑ «Արգենտինա (մինչև 20) VS. Ուրուգվայ (մինչև 20) 3:3» (անգլերեն)։ soccerway.com։ 2017-01-22։ Արխիվացված է օրիգինալից 2017-02-12-ին։ Վերցված է 2017-02-13 
  12. ↑ Lautaro Toschi (2022-12-16)։ «¿Montiel, entre los 11 para la final?» (իսպաներեն)։ La pagina millonaria։ Արխիվացված է օրիգինալից 2023-01-22-ին։ Վերցված է 2023-01-22 
  13. ↑ Roy Nemer (2022-05-08)։ «Nahuel Molina of Udinese talks about Argentina national team, World Cup, Copa America» (անգլերեն)։ mundoalbiceleste.com։ Արխիվացված է օրիգինալից 2023-01-22-ին։ Վերցված է 2023-01-22 
  14. ↑ 14,0 14,1 14,2 Ֆուտբոլիստի էջը soccerway.com կայքում(անգլ.)
  15. ↑ «Месси, Дибала, Паредес и Отаменди — в заявке сборной Аргентины на ЧМ-2022»։ Спорт-Экспресс։ 2022-11-11։ Արխիվացված է օրիգինալից 2023-01-22-ին։ Վերցված է 2023-01-22 
  16. ↑ «Скрытый ассист от Месси. Аргентина выходит вперед в матче с Нидерландами»։ ua-football.com։ 2022-12-09։ Արխիվացված է օրիգինալից 2023-01-22-ին։ Վերցված է 2023-01-22 
  17. ↑ Ֆուտբոլիստի էջը National Football Teams կայքում(անգլ.)

Արտաքին հղումներ[խմբագրել | խմբագրել կոդը]

Ստացված է «https://hy.wikipedia.org/w/index.php?title=Նաուել_Մոլինա&oldid=8898151» էջից