Նադեժդա Միխալկովա

Նադեժդա Միխալկովա; ռուս.՝ Надежда Никитична Михалкова
Ծնվել է	սեպտեմբերի 27, 1986 (36 տարեկան)
Ծննդավայր	Մոսկվա, ԽՍՀՄ
Կրթություն	Միջազգային հարաբերությունների Մոսկվայի պետական ինստիտուտ (2008)
Քաղաքացիություն	ԽՍՀՄ և Ռուսաստան
Մասնագիտություն	դերասանուհի, ձայնային դերասանուհի, կինոպրոդյուսեր, հաղորդավար, կինոռեժիսոր և հեռուստահաղորդավարուհի
Ծնողներ	հայր՝ Նիկիտա Միխալկով, մայր՝ Տատյանա Միխալկովա
Ամուսին(ներ)	Ռևազ Գիգինեիշվիլի
Պարգևներ և մրցանակներ	Կինոտավրիկ

Նադեժդա Նիկիտիչնա Միխալկովա (ռուս.՝ Наде́жда Ники́тична Михалко́ва, սեպտեմբերի 27, 1986(1986-09-27), Մոսկվա, ԽՍՀՄ), ռուս դերասանուհի։ Նիկիտա Միխալկովի կրտսեր դուստրը։

Կենսագրություն[խմբագրել | խմբագրել կոդը]

Նադեժդա Միխալկովան ծնվել է 1986 թվականի սեպտեմբերի 27-ին Մոսկվայում, ռեժիսոր, դերասան Նիկիտա Միխալկովի ու Տատյանա Միխալկովայի ընտանիքում։

Ութ տարեկանում Նադեժդա Միխալկովան նկարահանվել է հոր «Քամուց կիզվածները» (ռուս.՝ «Утомлённые солнцем») ֆիլմում՝ մարմնավորելով դիվիզիայի հրամանատար Կոտովի դստերը՝ Նադյային։ Մի քանի տարի անց նա նկարահանվել է ռեժիսոր Տիգրան Քեոսայանի «Նախագահն ու նրա թոռնուհին» (ռուս.՝ «Президент и его внучка»), որում կատարել է երկվորյակ քույրերի դերերը։ Հետագայում նա շարունակել է նկարահանվել կինոյում՝ չունենալով դերասանական կրթություն։ 2008 թվականին ավարտել է Մոսկվայի միջազգային հարաբերությունների պետական ինստիտուտի միջազգային լրագրության ֆակուլտետը։

2002 թվականին «Ուրիշ թատրոնում» (ռուս.՝ «Другой театр») մասնակցել է «Բադի որս» ներկայացմանը։ 2015 թվականին քրոջ՝ Աննա Միխալկովայի հետ մասնակցել է Պրեսնյակով եղբայրների պիեսի հիման վրա բեմադրված «Ինչպես ամուսնացնել մայրիկին» ներկայացմանը^[1]։

Նադեժդա Միխալկովան իր ուժերն է փորձել որպես դիզայներ՝ կազմակերպելով նորաձևության ցուցադրություն «Надин» ապրանքանիշի ներքո։

2015 թվականին Նադեժդա Միխալկովան սկսել է վարել «Ոճի կանոններ» հաղորդումը Disney հեռուստաալիքով^[2]^[3]։

2016 թվականի ապրիլին Օմսկի «Շարժում» փառատոնում Նադեժդա Միխալկովան կատարել է իր նորամուտը որպես ռեժիսոր. ցուցադրվել է «Чурросы» կատակերգական սերիալի առաջին մասը, որ պատմում է քրոջ՝ Աննայի ու նրա երեխաների փոխհարաբերությունների մասին^[4]։

Ընտանիք[խմբագրել | խմբագրել կոդը]

Հայրը՝ Նիկիտա Սերգեևիչ Միխալկով, դերասան և ռեժիսոր (ծնվել է 1945 թվականին),
Մայրը՝ Տատյանա Եվգենևնա Միխալկովա (ծնվել է 1947 թվականին),
Պապը՝ Սերգեյ Վլադիմիրովիչ Միխալկով, գրող (1913-2009),
Տատը՝ Նատալյա Պետրովնա Կոնչալովսկայա, գրող (1903-1988),
Եղբայրը՝ Ստեպան Նիկիտիչ Միխալկով, ռեստորանատեր, դերասան, կինոպրոդյուսեր և գործարար (ծնվել է 1966 թվականին),
Քույրը՝ Աննա Նիկիտիչնա Միխալկովա, դերասանուհի (ծնվել է 1974 թվականին),
Եղբայրը՝ Արտյոմ Նիկիտիչ Միխալկով, ռեժիսոր և դերասան (ծնվել է 1975 թվականին),
Հորեղբայրը՝ Անդրեյ Սերգեևիչ Կոնչալովսկի, ռեժիսոր (ծնվել է 1937 թվականին),
Հորեղբոր տղան՝ Եգոր Կոնչալովսկի, ռեժիսոր (ծնվել է 1966 թվականին),
Պապի եղբայրը՝ Միխայիլ Միխալկով, գրող (ծնվել է 1922 թվականին),
Նախապապը՝ Պյոտր Կոնչալովսկի, նկարիչ (1876-1956),
Նախանախապապ՝ Վասիլի Սուրիկով, նկարիչ (1848-1916)։

Անձնական կյանք[խմբագրել | խմբագրել կոդը]

Ամուսինը՝ Ռևազ Գիգինեիշվիլի, դերասան, ռեժիսոր, սցենարիստ և կինոպրոդյուսեր (ծնվել է 1982 թվականին),
- Դուստր՝ Նինա (ծնվել է 2011 թվականին),
- Որդի՝ Իվան (ծնվել է 2013 թվականին)։

Արվեստ[խմբագրել | խմբագրել կոդը]

«Առանց տղամարդկանց» ֆիլմի նկարահանումների ժամանակ

Ֆիլմագրություն[խմբագրել | խմբագրել կոդը]

1993 – Աննան վեցից մինչև տասնութ (ռուս.՝ Анна от 6 до 18) – կամեո
1994 – Քամուց կիզվածները (ռուս.՝ Утомлённые солнцем) – Նադյա Կոտովա
1998 – Սիբիրյան վարսավիր (ռուս.՝ Сибирский цирюльник) – աղջիկ տոնավաճառում
1999 – Նախագահն ու նրա թոռնուհին (ռուս.՝ Президент и его внучка) – Մաշա
2010 – Արևից կիզվածները 2։ (ռուս.՝ Утомлённые солнцем 2: Предстояние) – Նադյա Կոտովա
2011 – Արևից կիզվածները 2։ Ցիտադել (ռուս.՝ Утомлённые солнцем 2: Цитадель) – Նադյա Կոտովա
2011 – Արևից կիզվածները 2 (հեռուստատարբերակ) – Նադյա Կոտովա
2010 – Առանց տղամարդկանց (ռուս.՝ Без мужчин) – Ժենյա
2012 – Երեք ընկեր (ռուս.՝ Три товарища) – Լիզա Տայնիցկայա
2012 – Սեր ակցենտով (ռուս.՝ Любовь с акцентом)
2012 – Չսիրվածը – Անյա
2013 – Ժողովուրդների հոր որդին (ռուս.՝ Сын отца народов) – Սվետլանա Ալիլուևա
2013-2015 – Վերջինը Մահիկյաններից (ռուս.՝ Последний из Магикян) – Յուլյա, Եգորի նախկին հարսնացուն
2015 – Լյուդմիլա Գուրչենկո (ռուս.՝ Людмила Гурченко) – Ելենա Գուրչենկո