Յումա (Արիզոնա)

Քաղաք
Յումա
անգլ.՝ Yuma
Երկիր	ԱՄՆ
Նահանգ	ԱրիզոնաԱրիզոնա
Շրջան	Յումա շրջան (Արիզոնա)
Հիմնադրված է	1888 թ.
Մակերես	276,4 կմ²
ԲԾՄ	43 մ
Բնակչություն	93 400 մարդ (2014)
Խտություն	280.6 մարդ/կմ²
Ժամային գոտի	UTC-8, ամառը UTC-7
Հեռախոսային կոդ	1623
Փոստային ինդեքս	928
Պաշտոնական կայք	yumaaz.gov
Յումա Վիքիպահեստում

Յումա (անգլ.՝ Yuma), քաղաք ԱՄՆ-ի Արիզոնա նահանգի հարավ-արևմուտքում։ Յումա շրջանի վարչական կենտրոն։

Աշխարհագրություն

Յումա քաղաքը գտնվում է Արիզոնայի հարավ-արևմուտքում, Կալիֆոռնիա նահանգի հետ սահմանին (արևմուտքում) և Մեքսիկայի սահմանին (հարավում), Կոլորադո գետի մեջ Խիլա գետի թափվելու վայրում։ Յումայից դեպի Կալիֆոռնիական ծոց հեռավորությունը կազմում է մոտ մղոն։ Քաղաքի մակերեսը 276,4 կմ² է, որոնցից մոտ 0,26 կմ²-ն (0,07 %) զբաղեցնում են ջրային տարածությունները։

Կլիմա

Յումայի կլիման բնորոշվում է որպես անապատային (BWh ըստ Կյոպենի կլիմաների դասակարգման), շատ շոգ ամառներով և տաք ձմեռներով։ Յուման համարվում է ԱՄՆ-ի ամենաշոգ քաղաքներից մեկը, 175 օրվա ընթացքում օրական առավելագույնը կազմում է +32°С և ավելի ։ Ըստ Գինեսի ռեկորդների գրքի, Յուման համարվում է Երկրի ամենաարևոտ վայրը։ Հնարավոր 4456 արևային ժամերից Յումայում արևը շողում է մոտ 4050 ժամ, կամ ժամանակի մոտ 93 %-ը։ Թռիչքների համար գրեթե իդեալական եղանակը պայմանավորում է զինծառայողների հետաքրքրությունը՝ այս տեղանքում ուսումնական թռիչքներ կատարելու համար։ Տեղումների տարեկան քանակությունը Յումայում կազմում է մոտ 82 մմ։

1995 թվականի հուլիսի 28-ին քաղաքում ջերմաստիճանը հասել է ռեկորդային +51°С։ Ամենացածր ռեկորդային ջերմաստիճանը գրանցվել է 2007 թվականի հունվարին։ Այդ ժամանակ ջերմաստիճանը նվազել է մինչև −11 °С մոտ 2 ժամվա ընթացքում, ինչը բացասաբար ազդեց գյուղատնտեսական մշակաբույսերի վրա, որոնք մշակվում էին Յումա շրջանում։ Ամենամեծ վնասը հասցվել է ցիտրուսային բույսերին, առաջին հերթին կիտրոնին։ Ինչպես 2007 թվականի փետրվարին հայտնել է Արիզոնայի գյուղատնտեսության բաժինը, ոչնչացվել է ոչ միայն բերքի, այլ նաև ծառերի 75 % - 95 %-ը։

Ջերմաստիճանի և տեղումների տարեկան միջին ցուցանիշները Յումա
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ	տարին
բացարձակ առավելագույնը (°C)	31,1	36,1	38,9	41,7	48,9	50,0	51,1	48,9	50,6	44,4	36,7	34,4	51,1
միջին առավելագույնը (°C)	21,2	23,4	27,0	30,8	35,6	40,2	42,1	41,6	38,9	32,8	25,6	20,3	31,6
միջին ջերմաստիճանը (°C)	14,8	16,5	19,6	22,9	27,4	31,9	34,8	34,7	31,7	25,4	18,7	14,2	24,4
միջին նվազագույնը (°C)	8,4	9,6	12,1	15,1	19,3	23,6	27,7	27,7	24,4	18,1	11,8	8,1	17,2
բացարձակ նվազագույնը (°C)	−5,6	−3,9	−0,6	3,3	3,9	10,0	16,1	14,4	10,0	1,7	−1,7	−5,6	−5,6
տեղումների քանակը (մմ)	8	11	8	3	1	0,3	7	12	9	6	4	13	82
Աղբյուր՝ Եղանակ և կլիմա

2014 թվականի մարդահամարի դրությամբ Յումայի բնակչությունը կազմում էր 93 400 մարդ։ Ռասայական կազմը՝ սպիտակամորթ ամերիկացիներ (68,8 %), աֆրոամերիկացիներ (3,2 %), ասիացիներ (1,9 %), բնիկ ամերիկացիներ (1,8 %), Խաղաղօվկիանոսյան կղզիների բնակիչներ (0,2 %), երկու և ավելի ռասաների ներկայացուցիչներ (4,5 %)։ Լատինոամերիկյան ծագման բնակչության բաժինը կազմում է 54,8 %։

Քաղաքի բնակչության աճի դինամիկան ըստ տարիների՝

1940	1950	1960	1970	1980	1990	2000	2010	2014
5325	9145	23 974	29 007	42 481	56 966	77 515	93 064	93 400

Քույր-քաղաքներ

• Օդերի Ֆրանկֆուրտ, Բրանդենբուրգ, Գերմանիա (1997)
• Սլուբիցե, Լյուբոիսկի վոեվոդություն, Լեհաստան (2000)
• Սան Լուիս Ռիո Կոլորադո, Սոնորա, Մեքսիկա
• Մեխիկալի, Ստորին Կալիֆոռնիա, Մեքսիկա

Արտաքին հղումներ

• Յումա շրջանի կայք (անգլերեն)
• Յումա քաղաքի կայք (անգլերեն)
• Քաղաքի զբոսաշրջային կայք (անգլերեն)
• Yuma Stats