Յուլիան Տուվիմ

Յուլիան Տուվիմ; լեհ.՝ Julian Tuwim
Ծնվել է	սեպտեմբերի 13, 1894[…]
Ծննդավայր	Լոձ, Piotrków Governorate, Warsaw Governorate-General, Ռուսական կայսրություն
Վախճանվել է	դեկտեմբերի 27, 1953[…] (59 տարեկան)
Վախճանի վայր	Զակոպանե, Կրակովի վոեվոդություն, Լեհաստանի Ժողովրդական Հանրապետություն
Գերեզման	Պովոնզկի ռազմական գերեզմանատուն
Մասնագիտություն	լեզվաբան, բանաստեղծ, գրող, էսպերանտիստ, մանկագիր, թարգմանիչ, լրագրող, թատերական ռեժիսոր, արձակագիր և դրամատուրգ
Լեզու	լեհերեն
Քաղաքացիություն	Լեհաստան
Կրթություն	Վարշավայի համալսարան
Անդամակցություն	Լեհական Պեն ակումբ, Լեհաստանի գրողների միություն և Związek Zawodowy Literatów Polskich?
Պարգևներ	City of Łódź Award? և Լոձի համալսարանի պատվավոր դոկտոր
Ամուսին	Stefania Tuwimowa?
Զավակներ	Ewa Tuwim-Woźniak?
Ազգականներ	Julian Stawiński? և Ewa Tuwim-Woźniak?
	Julian Tuwim Վիքիպահեստում

Յուլիան Տուվիմ (լեհ.՝ Julian Tuwim, սեպտեմբերի 13, 1894(1894-09-13)^[1]^[2]^[3]^[…], Լոձ, Piotrków Governorate, Warsaw Governorate-General, Ռուսական կայսրություն^[4] - դեկտեմբերի 27, 1953(1953-12-27)^[4]^[1]^[2]^[…], Զակոպանե, Կրակովի վոեվոդություն, Լեհաստանի Ժողովրդական Հանրապետություն^[4]), լեհ բանաստեղծ։

Վաղ շրջանի գործերին բնորոշ է լավատեսական աշխարհընկալումը («Հետամտում եմ աստծուն», 1918, «Պարող Սոկրատեսը», 1920, «Յոթերորդ աշունը», 1922)։ Տուվիմը ժողովրդականացրել է պոեզիան՝ նրա մեջ մտցնելով փողոցի խոսակցական և նոր՝ քաղաքաբնակ հերոսի լեզուն։ 20-ական թթ․ 2-րդ կեսից Տուվիմի ստեղծագործության մեջ գերիշխել է պարզ ու ներդաշնակ բանաստեղծության ձգտումը («Բառերն արյան մեջ», 1926, «Սաղարթավոր անտառը», 1929, «Գնչուական աստվածաշունչ․․․», 1933, «Բոցավառվող էություն», 1936, ժողովածուներ)։

30-ական թթ․ հանդես է եկել ի պաշտպանություն «հումանիստական ու մշակութային արժեքների, որոնց սպառնում էր ֆաշիզմը»։ «Պարահանդես օպերայում» (1936, հրատարակվել է 1946 թ.) երգիծական պոեմում դեմ է արտահայտվել երկրի կառավարությանը։

Երկրորդ համաշխարհային պատերազմի (1939 - 1945) տարիներին Տուվիմը եղել է տարագրության մեջ, ծավալել է հակաֆաշիստական ակտիվ գործունեություն, գրել «Լեհաստանի ծաղիկները» (անավարտ, հրատարակվել է 1949 թ.) քնարաէպիկական պոեմը։

1946-ին վերադարձել է Լեհաստան, հրատարակել «Նոր բանաստեղծություններից» (1953) շարքը։

Տուվիմը ռուսական դասական և սովետական գրկականության թարգմանիչ է, մանկական բանաստեղծությունների, լեհական բարքերի ու սովորույթների, լեզվի ու գրականության պատմության գրքերի հեղինակ։

Ծանոթագրություններ

1 2 3 4 Bibliothèque nationale de France data.bnf.fr (ֆր.): տվյալների բաց շտեմարան — 2011.
1 2 3 4 Krzyzanowski J. R. Encyclopædia Britannica
1 2 Brockhaus Enzyklopädie (գերմ.) — F.A. Brockhaus, 1796.
1 2 3 4 5 6 Тувим Юлиан // Большая советская энциклопедия (ռուս.): [в 30 т.] — 3-е изд. — М.: Советская энциклопедия, 1969.

Վիքիպահեստն ունի նյութեր, որոնք վերաբերում են «Յուլիան Տուվիմ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 12, էջ 125)։

[_242d347aa67b2047-1] 1 2 3 4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_230b283e78ce77fc-2] 1 2 3 4 Krzyzanowski J. R. Encyclopædia Britannica

[_62758fae56ae2772-3] 1 2 Brockhaus Enzyklopädie (գերմ.) — F.A. Brockhaus, 1796.

[_971a700fcc54d685-4] 1 2 3 4 5 6 Тувим Юлиан // Большая советская энциклопедия (ռուս.): [в 30 т.] — 3-е изд. — М.: Советская энциклопедия, 1969.

[1]

[2]

[3]

[4]