Միցիո Կակու

Միցիո Կակու ճապ.՝ 加來 道雄
Ծնվել է	հունվարի 24, 1947(1947-01-24) (73 տարեկան) Սան Խոսե, Կալիֆոռնիա
Բնակության վայր(եր)	Նյու Յորք
Քաղաքացիություն	ԱՄՆ
Ազգություն	ճապոնական ծագումով ամերիկացի
Մասնագիտություն	ֆիզիկոս-տեսաբան, գիտական գրող, գիտության մասսայականացնող, ապագայաբան, համալսարանի պրոֆեսոր, ոչ գեղարվեստական գրող, ռադիոհաղորդավար և ֆիզիկոս
Հաստատություն(ներ)	Փրինսթոնի համալսարան և Նյու Յորքի քաղաքային համալսարան
Գործունեության ոլորտ	ֆիզիկա և աստղագիտություն
Անդամակցություն	Ամերիկյան ֆիզիկական ընկերություն
Ալմա մատեր	Հարվարդի համալսարան և Կալիֆոռնիայի համալսարան, Բերքլի
Տիրապետում է լեզուներին	անգլերեն
Գիտական ղեկավար	Ստենլի Մանդելստամ
Պարգևներ	Ամերիկայի ֆիզիկայի ակադեմիայի անդամ
Կայք	mkaku.org
Michio Kaku Վիքիպահեստում

Միցիո Կակու (ճապ.՝ 加來 道雄, անգլ.՝ Michio Kaku, հունվարի 24, 1947(1947-01-24), Սան Խոսե, Կալիֆոռնիա), ճապոնական ծագմամբ ամերիկացի գիտնական, տեսական ֆիզիկայի ոլորտի փորձագետ։ Հայտնի է որպես գիտությունը մասսայականացնող անձ, հեղինակ է գիտահանրամատչելի մի շարք գրքերի։

Կենսագրություն

Միցիոն ծնվել է 1947 թվականի հունվարի 24-ին ԱՄՆ-ի Կալիֆոռնիա նահանգի Սան Խոսե քաղաքում: Նրա նախնիները եղել են ճապոնացի էմիգրանտներ։ Նրա պապը եկել է Ամերիկա, որպեսզի մասնակցի 1906 թվականին Սան Ֆրանցիսկոյում տեղի ունեցած երկրաշարժի հետևանքների վերացման աշխատանքներին։ Միցիոյի հայրը ծնվել է Կալիֆոռնիայում, սակայն կրթվել է Ճապոնիայում և փոքրիշատե կարողանում է խոսել անգլերեն: Երկրորդ համաշխարհային պատերազմի ժամանակ նրա ծնողներն ուղարկվել էին ճապոնացիների համար նախատեսված ռազմական ճամբար, որտեղ և նրանք հանդիպել էին, և որտեղ ծնվել էր Միցիո Կակուի եղբայրը։

Կակուն 1960-ական թվականներին սովորել է Պալո-Ալտոյի Քիբբերի միջին դպրոցում և եղել է դպրոցի շախմատի թիմի ավագը։ «Ապագայի ֆիզիկա» գրքում Միցիո Կակուն գրում է իր դպրոցական տարիների մասին.

Ես որոշել էի կառուցել ատոմների բախման համար հարմարանք, և խնդրել էի մայրիկիս՝ թույլ տալ ավտոտնակում կանգնեցնել մասնիկների արագացուցիչ՝ 2-3 միլիոն էլեկտրոնվոլտ ուժգնությամբ: Նա մի քիչ զարմացավ, բայց թույլ տվեց: Դրանից հետո ես դիմեցի Westinghouse և Varian Associates կազմակերպություններին, ձեռք բերեցի 400 փութ տրանֆորմատորային պողպատ և 22 մղոն պղնձե մետաղալար և մայրիկի ավտոտնակում հավաքեցի բավական լավ արագացուցիչ-բետատրոն: Ավելի շուտ ես լիցքավորել էի Վիլսոնի խցիկը ուժեղ մագնիսական դաշտով՝ որոշ ժամանակ նկարահանելով հակամասնիկներին հետագծերը: Բայց սա ինձ բավարար չէր: Ես նոր նպատակ դրեցի իմ առջև՝ ստանալ հակամասնիկների փունջ: Մեքենան օգտագործում էր 6 կվոլտ էլեկտրաէներգիա՝ խլելով տան ամբողջ էլեկտրաէներգիան: / հավանաբար, մայրիկս մեկ անգամ չէ, որ փոշմանել է, որ իր տղան ֆուտբոլիստ չի ծնվել:

ԱՄՆ-ի Նյու Մեքսիկո նահանգի Ալբուկերկե քաղաքում անցկացվող ազգային գիտությունների տանավաճառի ժամանակ նա իր վրա է հրավիրում ֆիզիկոս Էդվարդ Թելլերի ուշադրությունը, ով իր հովանավորության տակ է վերցնում Կակուին՝ տալով նրան «Հերց» ֆոնդից կրթաթոշակ։

Կակուն առաջինն էր, ով 1968 թվականին գերազանցությամբ ավարտել է Հարվարդի համալսարանի բակալավրի աստիճան ֆիզիկայի բնագավառում։ Այնուհետև նա ընդունվել է Բերկլի Կալիֆոռնիայի համալսարանի ռադիացիայի լաբորատորիա, որտեղ և 1972 թվականին ստացել է փիլիսոփայության դոկտորի աստիճան (Ph.D)։ Իսկ արդեն 1973 թվականին նա դառնում է Փրինսթոնի համալսարանի դասախոսներից մեկը։

Վիետնամի պատերազմի ժամանակ Կակուն Ջորջիայում ավարտում է բազային նախապատրաստումը, և հետևազորային մարզումները Վաշինգտոնում: Պատերազմը վերջացել էր մինչև նրա՝ ռազմաճակատում հայտնվելը։

Ամուսնացած է Սուձուե Կակուի հետ։ Ունի երկու աղջիկ։ Ներկայումս ընտանիքի հետ ապրում է Նյու Յորքում:

Գործունեություն

Ներկայում Կակուն աշխատում է Նյու Յորքի քաղաքային քոլեջում որպես ուսուցիչ։ Այնտեղ նա դասավանդել է շուրջ 25 տարի։

Միցիո Կակու, տեսական ֆիզիկայի ակտիվ մասսայականացնող և ժամանակակից տիեզերքի կառուցվածքի մասին կոնցեպցիայի հեղինակ է, հեղինակ է գիտահանրամատչելի մի շարք գրքերի, որի հիմնական նպատակն է փորձ փոխանցել համալիր գիտական տեսությանը, ցանկացած ընթերցողի մատչելի լեզվով։ Կակուն հաճախ էր ելույթ ունենում ռադիոյով և հեռուստատեսությամբ, նկարահանվում է փաստագրական ֆիլմերում։ Օրինակ՝ որպես հեռուստահաղորդավար հանդես է գալիս Discovery հեռուստաալիքի How the Universe works և Sci Fi հաղորդումներում։ Այդ ֆիլմերից մի քանիսը նույնիսկ թարգմանվել են բազմաթիվ լեզուներով։

Այդ թվում նաև վարում է Նյու Յորքի կոնֆերանսներից մի քանիսը։

Հետաքրքրություններ

Միցիո Կակուն հետաքրքրվում էր նաև աստղագիտությամբ: Համարվում է մի շարք տիեզերքի վերաբերյալ վավերագրական ֆիլմերի հսկիչ։

Մատենագրություն

• Введение в теорию суперструн. — М.: «Мир», 1999 г., 624 стр., ISBN 5-03-002518-9 (перевод с англ. — Michio Kaku. Introduction to Superstrings, Springer, 1990, 568 p., ISBN 978-0-387-96700-4)
• Параллельные миры. Об устройстве мироздания, высших измерениях и будущем Космоса. — М.: ООО Издательство «София», 2008 г., 416 стр., ISBN 978-5-91250-520-1 (перевод с англ. — Michio Kaku. Parallel Worlds: A Journey Through Creation, Higher Dimensions, and the Future of the Cosmos, Anchor, 2006, 448 p., ISBN 978-1-4000-3372-0)
• Физика невозможного. — М.: Альпина нон-фикшн, 2009 г., 456 стр., ISBN 978-5-91671-024-3 (перевод с англ. — Michio Kaku. Physics of the Impossible, New York: Doubleday, 2008, 329 p., ISBN 978-0-385-52069-0)
• Физика будущего. — М.: Альпина нон-фикшн, 2012 г., — 584 стр., ISBN 978-5-91671-164-6 (перевод с англ. — Michio Kaku. Physics of the Future, New York: Doubleday; First Edition, 2011, 416 p., ISBN 978-0-385-53080-4)
• Митио Каку Гиперпространство. Научная одиссея через параллельные миры, дыры во времени и десятое измерение. — М.: Альпина Нон-фикшн, 2014. — 502 с. — ISBN 978-5-91671-397-8
• Митио Каку Будущее разума = The Future Of The Mind. The Scientific Quest To Understand, Enhance, And Empower The Mind. — М.: Альпина Нон-фикшн, 2015. — 502 с. — ISBN 978-5-91671-369-5

Արտաքին հղումներ

• Գիտնականները պնդում են, որ նա գտել է համոզիչ փաստարկներ, որ Աստված գոյություն ունի