Միգենի

Վիքիպեդիայից՝ ազատ հանրագիտարանից
Jump to navigation Jump to search
Միգենի
Migjeni11.jpg
Ծնվել էհոկտեմբերի 13, 1911(1911-10-13)
ԾննդավայրՇկոդեր, Ալբանիա
Վախճանվել էօգոստոսի 26, 1938(1938-08-26)[1] (26 տարեկանում)
Վախճանի վայրԲարի, Իտալիա
Գրական անունMigjeni
Մասնագիտությունբանաստեղծ և գրող
Լեզուսերբախորվաթերեն և ալբաներեն
Ազգությունալբանացի
ՔաղաքացիությունFlag of Albania.svg Ալբանիա
Millosh Gjergj Nikolla Վիքիպահեստում

Միգենի (իսկական անունը Միլոշ Գերգ Նիկոլա) (ալբ․՝ Millosh Gjergj Nikolla, սերբ.՝ Miloš Đoka Nikolić, հոկտեմբերի 13, 1911(1911-10-13), Շկոդեր, Ալբանիա - օգոստոսի 26, 1938(1938-08-26)[1], Բարի, Իտալիա), ալբանացի բանաստեղծ, գրող հրապարակախոս:

Կենսագրություն[խմբագրել | խմբագրել կոդը]

Միլոշ Գերգ Նիկոլան ծնվել է 1911 թվականի հոկտեմբերի 13-ին ալբանական Շկոդեր քաղաքում՝ ալբանականացված սերբախորվաթական ընտանիքում: Սովորել է Շկոդերի սերբալեզու դպրոցում: Ավելի ուշ ուսումը շարունակել է ներկայիս Մակեդոնիայի տարածքում գտնվող Բիտոլա քաղաքի գիմնազիայում: Ավարտելուց հետո, 1927 թվականից 1932 թվականներին սովորել է ուղղափառ հոգևոր ճեմարանում: Միլոշն ուսումնասիրել է հին սլավոներեն, ռուսերեն, ֆրանսերեն, հունարեն, լատիներեն և կարող էր բոլոր վերոնշյալ լեզուներով կարդալ բնագրեր:

Ալբանիա վերադառնալուց հետո հրաժարվում է քահանա դառնալու մտքից և սկսում է ուսուցչությամբ զբաղվել գյուղական դպրոցում:

Հիվանդացել է տուբերկուլոզով: Բուժման կուսեր է անցել Հունաստանի և Հյուսիսային Իտալիայի առողջարաններում, սակայն ապարդյուն:

Միլոշ Նիկոլան իր մահկանացուն կնքել է իտալական հոսպիտալներից մեկում՝ 26 տարեկան հասակում 1938 թվականի օգոստոսի 26-ին:

Նրա աճյունը Ալբանիա է տեղափոխվել 1956 թվականին:

Ստեղծագործական կյանք[խմբագրել | խմբագրել կոդը]

Միգենին բանաստեղծությունների և պատմվածքների հեղինակ է, որոնցում արտացոլված է Եվրոպայի մտավորականների կյանքն ու տառապանքը: Նա համարվում է Ալբանիայի ժամանակակից գրականության հիմնադիրներից մեկը: Կոմունիստական իշխանությունները Միգենիին համարում էին պոեզիայում սոցիալիստական ռեալիզմի ծիծեռնակներից մեկը:

Իր կարճատև կյանքի ընթացքում գրողը ստեղծել է քսանչորս կարճ էսսե, որոնք տպագրվել են 1933-ից 1938 թվականներին: Իր ստեղծագործությունները ստորագրել է Միգենի ծածկանունով (Millosh Gjergj Nikolla):

Նրա 35 բանաստեղծություններից բաղկացած ժողովածուն լույս տեսավ 1936 թվականին՝ «Vargjet e lira» անվանումով: Հեղափոխական թեմատիկա արծարծելու պատճառաբանությամբ գրքի ամբողջ տպաքանակը գրաքննության ենթարկվեց և բռնագրավվեց Ահմետ Զոգուի վերահսկողությամբ:

Շկոդա քաղաքի գլխավոր թատրոնը կոչվում է Միգենիի անունով

Հիշատակ[խմբագրել | խմբագրել կոդը]

  • Բանաստեղծի անունով է կոչվում Շկոդա քաղաքի գլխավոր թատրոնը:

Ծանոթագրություններ[խմբագրել | խմբագրել կոդը]

Գրականություն[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]