Արմեն Պետրոսյանը ծնվել է 1975 թվականի սեպտեմբերի 26-ին Երևանում։ Մինչ 9-րդ դասարանը սովորել է Անտոն Չեխովի անվան թիվ 55 դպրոցում,1992 թվականին ավարտել է Րաֆֆու անվան թիվ 36 դպրոցը։ 1998 թվականին ավարտել է Հայաստանի պետական տնտեսագիտական համալսարանը։ Հայտնի է «Ֆուլ Հաուս» սիթքոմից, որտեղ նկարահանվել է Սերգեյի դերում։ Նրա հաղորդումներից հայտնի են «Բլեֆը», «7,5»-ը, «Երեկոյան կոկտեյլը», «Սուպեր դուետը» (2007-2014[2])։ Նա նաև «Ֆուլ Հաուս» սիթքոմի պրոդույսերն է։ «Yere1» հաղորդման ընթացքում Պետրոսյանը արձակել է «Ես մենակ եմ, տխուր եմ» հումորային երգը։
1994-2000թթ. — ՈւՀԱ-ի «Նոր հայեր» թիմի հիմնադիրներից մեկը (1994թ. Հայաստանի չեմպիոն,1997թ. Բարձրագույն լիգայի հաղթող, 1998թ.Ամառային Սուպերգավաթի չեմպիոն)
2002-2005թթ. — Հայ TV հեռուստաընկերության գլխավոր պրոդյուսեր[3]
2003-2005թթ. — «Երեկոյան կոկտեյլ» հաղորդման հեղինակ և հաղորդավար
2005-2008թթ. — «Բլեֆ» հաղորդաշարի համահեղինակ և հաղորդավար[4]
2006թ. — «Սուպեր դուետ» երաժշտական նախագծի պրոդյուսեր
2006-2009թթ. — «7,5» հումորային ներկայացման հիմնադիր և դերասան
2009թ.— Ֆորտ Բոյար միջազգային հեռուստախաղի մասնակից
2009-2014թթ. — «Yere1» սիթքոմի դերասան և պրոդյուսեր
2012թ.— «Եռաչափ սեր» երիտասարդական հումորային հեռուստասերիալի պրոդյուսեր
2002 թվականին ամուսնացել է Քրիստինա Սմսարյանի հետ։ Նրանք ունեն 3 երեխա, ավագ դուստրը՝ Էլինան, ծնվել է 2003 թվականին, իսկ երկվորյակներ Աշոտն ու Մարիան` 2008 թվականին։ Քրիստինա Սմսարյանը մինչ ամուսնանալը եղել է մոդել։