Մարկո Բոչի

Մարկո Բոչի
Ծնվել է	օգոստոսի 4, 1978(1978-08-04) (44 տարեկան)
Ծննդավայր	Մարշանո, Պերուջա, Ումբրիա, Իտալիա
Քաղաքացիություն	Իտալիա
Մասնագիտություն	դերասան, հեռուստատեսային դերասան և կինոռեժիսոր

Մարկո Բոչի (իտալերեն՝ Marco Bocci․ ներկայիս անունը Մարկո Բոչիոլինի, իտալերեն՝ Marco Bocciolini, օգոստոսի 4, 1978(1978-08-04), Մարշանո, Պերուջա, Ումբրիա, Իտալիա), թատրոնի, կինոյի և հեռուստատեսության իտալացի դերասան, ռեժիսոր և գրող։ Առավել հայտնի է «Քրեական վեպ» և «Հակամաֆիա։ Պալերմոն այսօր» սերիալներում խաղացած դերերով։

Կենսագրություն

Սովորել է դերասանական վարպետություն Հռոմի «La Scaletta» դրամատիկական արվեստի կոնսերվատորիայում։ 2000 թվականից եղել է թատրոնի բեմում։ 2001 թվականից սկսել է նկարահանվել հեռուստատեսությունում և կինոյում։ Նրան իրական հաջողություն են բերել Ջանկարլո դե Կատալդոյի «Քրեական վեպ» և «Հակամաֆիա։ Պալերմոն այսօր» հայտնի հեռուստասերիալներում խաղացած ոստիկանի դերերը։

Հաջողության են հասել նրա այնպիսի դերասանական աշխատանքներ, ինչպիսիք են «Հազար ու մի գիշեր։ Ալադդին և Շահերեզադա» (2012) հեռուստաֆիլմը՝ Վանեսա Էսլերի և Պաս Վեգայի մասնակցությամբ, «Կներեք, եթե ես կամ» (2014) կատակերգությունը՝ Ռաուլ Բովայի և Պաոլա Կորտելեզիի մասնակցությամբ և էրոտիկայի տարրերով «Ես պետք է քեզ հետ լինեմ» (2015) դրաման, որը հայտնի է նաև «Getaway of Love» անունով, որտեղ խաղացել է Կլաուդիա Ջերինիի հետ միասին։

2016 թվականին հրատարակել է «A Tor Bella Monaca non piove mai» վեպը (այլ լեզուներով չի թարգմանվել)։ 2019 թվականին ավարտել է համանուն ֆիլմի նկարահանումները, որտեղ հանդես է եկել որպես ռեժիսոր և սցենարիստ։ Գլխավոր դերերը կատարել են Լիբերո դի Ռենցոն, Անտոնիա Լիսկովան և Անդրեա Սարտորետին։

2020 թվականի հոկտեմբերին թողարկվել է նրա երկրորդ՝ «In provincia si sogna sbagliato» վեպը։

Անձնական կյանք

2013 թվականին հանդիպել է երգչուհի Էմմա Մարոնեի հետ։

2014 թվականի հուլիսի 5-ից ամուսնացած է եղել Լաուրա Կյաթիի հետ։ Զույգն ունի երկու որդի՝ Էնեան (ծնվ․՝ 2015 թվականի հունվարի 22) և Պաբլոն (ծնվ․՝ 2016 թվականի հուլիսի 8)։ Կնոջ և երեխաների հետ միասին ապրում է Պերուջա քաղաքում։

Ընտրված ֆիլմագրություն

Դերասան

• 2006՝ Բորջիա / Los Borgia՝ Պետրո Բեմբո
• 2008—2010՝ Քրեական վեպ (հեռուստասերիալ) / Romanzo criminale. La serie՝ հանձնակատար Նիկոլա Շալոյա
• 2009՝ Հիանալի հասարակություն / La bella societa՝ Ջորջիո
• 2009՝ Աթելե Ֆոնտանա / Atelier Fontana. Le sorelle della moda՝ Էնրիկո Լանդի
• 2011—2013՝ Հակամաֆիա։ Պալերմոն այսօր (հեռուստասերիալ, եթերաշրջան 3—7) / Squarda antimafia. Palermo oggi՝ Փոխկոմիսար Դոմենիկո Կալակատերա
• 2012՝ Հազար ու մի գիշեր։ Ալադդին և Շահերեզադան / Le mille e una notte. Aladino e Sherazade՝ Ալադդին
• 2014՝ Իտալո Բարոկկո / Italo՝ Անտոնիո Բլանկո
• 2014՝ Կներեք, եթե ես կամ / Scusate me esisto!՝ Նիկոլա
• 2015՝ Ես պետք է ձեզ հետ լինեմ / L'esigenza di unirmi ogni volta con te/Getaway of Love՝ Լեոնարդո
• 2016—2018՝ Մեներգ (հեռուստասերիալ) / Solo՝ Մարկո Պագանո
• 2019՝ Պատրաստված է Իտալիայում (հեռուստասերիալ) / Made in Italy՝ Ջոն Սասի
• 2020՝ Իններորդ տրամաչափի / Calibro 9՝ Ֆերնանդո Պիացցա
• 2021՝ Զինված սրիկաներ / Bastardi a mano armata՝ Սերջիո

Ռեժիսոր

• A Tor Bella Monaca non piove mai/It's Mad World (նաև սցենարիստ՝ հիմնված իր սեփական համանուն վեպի վրա)

Դերեր թատրոնում

• «Rebus» (2000, ռեժ. Ջորջիո Դե Վիրգիլիս)

• «La moglie ingenua e il marito malato» (Achille Campanile) (2000, ռեժ. Ջորջիո Դե Վիրգիլիս)

• «Angeli danzanti» (2001, ռեժ․ Ջ․ Պալերմո Ռայմոնդի)

• «L'uomo che voleva salvare il mondo» (2001, ռեժ․ Ջ․ Պալերմո Ռայմոնդի)

• «La Lupa» (Ջովաննի Վերգա) (2002, ռեժ. Giovanni Battista Diotajuti)՝ Nanni Lasca

• «Come le foglie» (G. Giacosa) (2002, ռեժ. Ռ. Սիլվեստրի)

• «Il giro-tindo» (Արթուր Շնիցլեր) (2003, ռեժ. Ռ. Սիլվեստրի)

• «Սիրո խելագարություն / Fool for Love» (Սեմ Շեպարդի պիես) (2003, ռեժ. Giovanni Battista Diotajuti)

• «Թագավորը լսում է / Un re in ascolto» (Իտալո Կալվինո) (2004, ռեժ. Լուկա Ռոնկոնի)

• «Giulietta e Rahman» (հիմնվելով Վիկո Ֆաջիի ստեղծագործության վրա) (2004, ռեժ. Ջորջիո Դե Վիրգիլիս)՝ Rahman

• «Pardi?!» (2005, ռեժ. Լուկա Մոնտի)

• «Ռոմեո և Ջուլիետ» (Ուիլյամ Շեքսպիր) (2005, ռեժ. Էնրիկո Պետրոնիո)

• «Սիրանո դե Բերժերակ» (Էդմոն Ռոստան) (2006, ռեժ. Ֆ. Թաթուլլի)՝ Քրիստոնյա

• «The Laramie Project» (Moises Kaufman) (2007, ռեժ. Էնրիկո Մարիա Լամաննա)

• «Non lo dico a nessuno» (2008, ռեժ. Լուկա Մոնտի)

• «Ultima stagione in serie A» (2009, ռեժ. Մաուրո Մանդոլինե)

• «Մոդիլիանի» (2016, ռեժ. Անջելո Լոնգոնի)՝ Ամեդեո Մոդիլիանի

• «Lo Zingaro» (2020, ռեժ. Ալեսանդրո Մոջի)

Մրցանակներ

• 2003՝ Giffoni film Festival Award
• 2015՝ Telegatto speciale на Roma fiction fest.
• 2015՝ Premio cariddi на Кинофестивале в Таормине.

Արտաքին հղումներ

• Մարկո Բոչչիի դերերի ցանկ Archived 2019-10-17 at the Wayback Machine.