Մարի Էլ Ֆենինգ

Մարի Էլ Ֆենինգ
Ծնվել է	ապրիլի 9, 1998(1998-04-09) (24 տարեկան)
Ծննդավայր	Կոնայերս, Ջորջիա, ԱՄՆ
Կրթություն	University of South Carolina School of Law? և Քեմփբել Հոլի դպրոց
Քաղաքացիություն	ԱՄՆ
Կրոն	բապտիստություն
Մասնագիտություն	դերասանուհի, սցենարիստ, հեռուստատեսային դերասանուհի, մոդել, կինոդերասանուհի և ձայնային դերասանուհի

Մարի Էլ Ֆենինգ (անգլ.՝ Mary Elle Fanning, ապրիլի 9, 1998(1998-04-09), Կոնայերս, Ջորջիա, ԱՄՆ), ամերիկացի դերասանուհի։

Դակոտա Ֆենինգ դերասանուհու փոքր քույրը։

Կենսագրություն

Էլ Ֆենինգը ծնվել է Կոնայերս փոքր քաղաքում, որը ԱՄՆ-ի Ջորջիա նահանգի քաղաքներից է։ Նրա մայրը՝ Ջոյ Ֆենինգը (օրիորդական ազգանունը՝ Էրինգթոն), նախկին պրոֆեսիոնալ թենիսիստուհի է, իսկ հայրը՝ Սթիվ Ֆենինգը, Սենթ-Լուիս Կարդինալս ակումբի նախկին բեյսբոլիստ է, ներկայումս Լոս Անջելեսում զբաղվում է էլեկտրոնիկայի վաճառքով։ Նրա մայրական կողմից պապը՝ Ռիք Էրինգթոնը, Իգլզ Ֆիլադելֆիա ակումբի նախկին խաղացողներից է, իսկ մորաքույրը՝ Ջիլ Էրինգթոնը, ESPN-ի նախկին մեկնաբաններից է։ Էլը ունի ավագ քույր՝ Դակոտա Ֆենինգը, որը նույնպես դերասանուհի է։ Էլը ունի գերմանական և իռլանդական արմատներ։ Ֆենինգը և իր ընտանիքի մյուս անդամները բապտիստներ են։

Կարիերա

Էլը իր դերասանական կարիերան սկսել է երեք տարեկանից՝ Դակոտայի կրտսեր քրոջ դերը խաղալով «Առևանգվածները» սերիալում և «Ես Սեմն եմ» ֆիլմում։ Արդեն 2002 թվականին չորսամյա Էլը «Օրապահ հայրիկը» ֆիլմում ստանում է իր անկախ դերը։ 2003 թվականին նկարահանվում է «Դուռը հատակի վրա» ֆիլմում, որի գլխավոր դերերում էին Ջեֆ Բրիջեսը և Քիմ Բեսինջերը։ 2003 թվականի վերջին Էլը խաղում է «Վին Դիքսի շնորհակալությունը» էպիզոդային ֆիլմում, իսկ 2004 թվականին խաղում է «Իմ հարևան Տոտորոն» ֆիլմում։ Ավելի ուշ, Էլը նկարահանվում է «Ում հետ ուտել պանիրը» ֆիլմում, որում նա ուներ իր անկախ դերը։ 2005 թվականին նկարահանվում է «Շառլոտայի սարդոստայնը» ֆիլմում։ Նույն տարվա կեսերին Էլը խաղում է «Բաբելոն» ֆիլմում, որտեղ Բրեդ Փիթի և Քեյթ Բլանշետի դուստրն էր։ «Բաբելոն» ֆիլմը արժանացել է Օսկար մրցանակի։

2006 թվականի սկզբին Էլը նկարահանվում է «Դեժավյու» ֆիլմում, որի գլխավոր դերում էր Դենզել Վաշինգտոնը։ Նույն թվականին նկարահանվում է «Մոռացված սենյակը» ֆիլմում, որում գլխավոր դերակատարի դուստրն էր։ 2006 թվականի վերջին նկարահանվում է ավելի հայտնի ֆիլմերում, օրինակ, «Արգելված ճանապարհ» ֆիլմը, որում Հոակին Ֆենիքսի և Ջենիֆեր Քոնելի դուստրն էր։ Այդ ֆիլմը ողբերգական ավտովթարի մասին է, որտեղ Ֆենինգի եղբայրը մահանում է։ 2007 թվականի սկզբին նկարահանվում է ոչ այդքան հայտնի «Բենջամին Բաթոնի առեղծվածային պատմությունը» ֆիլմում, որտեղ նա մարմնավորում էր Քեյթ Բլանշետի մանկությունը։

2007 թվականի վերջին Էլը Ֆելիսիթի Հաֆֆմանի հետ նկարահանվում է «Ֆիբին հրաշքների աշխարհում» ֆիլմում։ Այն ֆանտաստիկ պատմություն է մի աղջնակի մասին, որը չէր կարողանում կամ չէր ուզում ենթարկվել կանոններին։ 2008 թվականի մարտ ամսին Էլին և իր քույր Դակոտային հրավիրում են «Իմ հրեշտակը իմ խորհրդատուն է» ֆիլմի նկարահանումներին, սակայն ֆիլմի առաջարկը մերժվում է, որովհետև Դակոտան չի ցանկանում գլուխը մոտեցնել ֆիլմի հերոսին, ինչպես գրված էր սցենարում ։

2010 թվականին դուրս է գալիս «Ինչ-որ տեղ» ֆիլմը, որի սցենարիստը հայտնի չէ, բայց պրոդյուսերը Սոֆյա Կոպպոլան է։ Այդ ֆիլմում Էլը կատարում էր Սթիվեն Դորֆի 11-ամյա դստեր դերը, որը նույնպես գլխավոր դերում էր։ Վենետիկի 67-րդ կինոփառատոնի ժամանակ այդ ֆիլմը արժանանում է «Ոսկե առյուծ» գլխավոր մրցանակի։ 2010 թվականի վերջին սկսում է նկարահանվել «Միջև» ֆիլմում, որի սցենարիստն է Ֆրենսիս Ֆորդ Կոպպոլան, որտեղ Էլը Վի անունով ուրվականն է եղել։ 2011 թվականին Էլը դեր է ստանում Քեմերոն Քրովի «Մենք գնել ենք գազանանոցը» ֆիլմում։ Նա խաղում է 13-ամյա աղջկա դերը, որը անօրինական կերպով աշխատում էր գազանանոցի սրճարանում և ապրում էր իր զարմուհու՝ Քելլի հետ, որի դերը կատարում է Սքարլեթ Յոհանսոնը։ Ավելի ուշ Էլը նկարահանվում է Անդրեյ Կոնչալովսկիի «Շելկունչիկը և Առնետ թագավորը» ֆիլմի գլխավոր դերերում։ Այդ ֆիլմը ԱՄՆ-ում ցուցադրվել է 2010 թվականի նոյեմբերի 24-ին, իսկ Ռուսաստանում՝ 2011 թվականի հունվարի 1-ին։

2011 թվականին էկրանավորվում է Ջեֆրի Ջեյքոբ Աբրամսի «Լավագույն ութնյակ» ֆանտաստիկ ֆիլմը, որտեղ Էլը խաղում է գլխավոր դերերից մեկը։ Այդ ֆիլմում Էլը կատարում է դպրոցական Էլիզ Դեյնարդի դերը, որը ընկերների հետ վկայում է գնացքի խորհրդավոր վթարի մասին, որի պատճառով իրենց քաղաքի կյանքը կտրուկ փոխվում է։ 2012 թվականին էկրանավորվում է «Բոմբ» դրամատիկական ֆիլմը, որի գլխավոր դերերում էին Էլ Ֆենինգը և Էլիզ Էնգլերտը։ 2013 թվականին Էլը նկարահանվում է Նիկոլաս Հոլտի «Երիտասարդություն» ֆիլմում, որը ֆուտուրիստական դրամա է։ 2014 թվականին Ֆենինգը նկարահանվում է կենսագրական դրամայում՝ «Շատ ցածր է» ֆիլմում, ամերիկացի լեգենդար ջազ դաշնակահար Ջո Ալբանիի դուստր Ամի Ալբանիի հուշերի հիման վրա, որը գրքում նկարագրել է հոր հետ իր հարաբերությունները 11 տարեկանում։

2014 թվականին էկրանավորվում է «Մալեֆիսենտ» ֆանտաստիկ ֆիլմը՝ Ռոբերտ Սթրոմբերգի ռեժիսորությամբ, որտեղ Էլը խաղում է արքայադուստր Ավրորայի դերը։

Ներկայումս նկարահանվում է «Խաբվածը» ֆիլմում, որի ռեժիսորն է Սոֆյա Կոպպոլան։ Ֆիլմին հրավիրված աստղերի շարքում էին Քոլին Ֆարելը, Քիրստեն Դանստեն, Ունա Լոուրենսը և ուրիշներ։ Ամերիկայում քաղաքացիական պատերազմի ժամանակ վիրավոր զինվոր է հայտնվում թշնամու տարածքում՝ աղջիկների համար նախատեսված գիշերօթիկ դպրոցում։ Դպրոցի աշակերտները խնամում են վիրավորին, բայց աստիճանաբար ընկնում են նրա հմայքի հետևից և նրա համար մտնում են պայքարի մեջ, ինչը հանգեցնում է ողբերգական հետևանքների։

Ֆիլմացանկ

Թվական		Հայերեն անվանումը	Բնօրինակ անվանում	Դեր
2001	ֆ	Ես Սեմն եմ	I Am Sam	Երկամյա Լյուսի Դայմոնդ Դոուսոն
2002	ս	Առևանգվածները	Taken	Երեքամյա Էլլի Քիզ
2003	ս	Ազնիվ Էմին	Judging Amy	Ռոշել Կոբբս
2003	ֆ	Օրապահ հայրիկը	Daddy Day Care	Ջեյմի
2003	ս	CSI։ Մայամի	CSI: Miami	Մոլլի Ուոքեր
2004	ֆ	Դուռը հատակի վրա	The Door in the Floor	Ռութ Քոուլ
2004	ս	CSI: Նյու Յորք	CSI: NY	Ջեննի Կոմո
2005	ֆ	P.N.O.K. (անգլ.)	P.N.O.K.	Ռեբբեկա Բուլարդ
2005	ֆ	Վինն Դիքսիի շնորհիվ	Because of Winn-Dixie	Սուիթի Փայ Թոմաս
2005	մֆ	Իմ հարևան Տոտորոն	My Neighbor Totoro	Մեյ
2006	ս	Բժիշկ Հաուս	House	Ստելլա Դալթոն
2006	ֆ	Ում հետ ուտել պանիրը	I Want Someone to Eat Cheese With	Պենելոպա
2006	ֆ	Բաբելոն	Babel	Դեբբի Ջոնզ
2006	ֆ	Դեժավյու	Déjà Vu	Էբբի
2006	ս	Օրենք և կարգ։ Հատուկ կորպուս	Law & Order: Special Victims Unit	Իդեն
2006	ս	Կորած սենյակ	The Lost Room	Աննա Միլլեր
2007	ֆ	Ինները	The Nines	Նոել
2007	ֆ	73-րդ օրը Սառայի հետ	Day 73 with Sarah	Սառա
2006-2007	ս	Հանցագործ մտքեր	Criminal Minds	Թրեյսի Բելլ
2007	ֆ	Ամրագրված ճանապարհը	Reservation Road	Էմմա Լերներ
2007	ս	Կեղտոտ փողեր	Dirty Sexy Money	Կիկի Ջորջ
2008	ֆ	Ֆիբին հրաշքների աշխարհոում	Phoebe in Wonderland	Ֆիբի Լիչթեն
2008	ֆ	Բենջամին Բաթոննայի առեղծվածային պատմությունը	The Curious Case of Benjamin Button	վեցամյա Դեյզի Ֆուլլեր
2009	մֆ	Աստրո տղան	Astro Boy	Գրեյս
2010	ֆ	Շելկունչիկը և առնետների թագավորը	The Nutcracker in 3D	Մերի
2010	ֆ	Ինչ-որ տեղ	Somewhere	Քլեո
2011	ֆ	Լավագույն 8	Super 8	Էլիզ Դեյնարդ
2011	ֆ	Միջև	Twixt	Վի
2011	ֆ	Մենք գնել ենք գազանանոցը	We Bought a Zoo	Լիլի Միսկա
2011	ֆ	Վիվալդի	Vivaldi	Քրիստինա
2012	ֆ	Ջինջերը և Ռոզան	Ginger & Rosa	Ջինջեր
2014	ֆ	Երիտասարդություն	Young Ones	Մերի Հոլմս
2014	ֆ	Մալեֆիսենտա	Maleficent	Արքայադուստր Ավրորա
2014	ֆ	Աննշան ցածր	Low Down	Էմի Օլբանի
2014	մֆ	Հրեշների ընտանիքը	The Boxtrolls	Վինի Փորթլի-Ռինդ
2015	ֆ	Թրամբո	Trumbo	Նիկոլա Թրամբո
2015	ֆ	Ռեյի մասին	About Ray	Ռեյ
2016	ֆ	Նեոնային դևը	The Neon Demon	Ջես
2016	մֆ	Բալլերինա	Ballerina	Ֆելիսի Միլլիներ
2016	ֆ	Ինչպես զրուցել աղջիկների հետ	How to Talk to Girls at Parties	Զան
2016	ֆ	20-րդ դարի աղջիկները	20th Century Women	Ջուլի Հեմլին
2016	ֆ	Գիշերվա օրենքը	Live by Night	Լորետտա Ֆիգգիս
2017	ֆ	Սիդնեյի սրահ	Sidney Hall	Մելոդի
2017	ֆ	Ճակատագրական գայթակղություն	The Beguiled	Քերոլ
2017	ֆ	ԳԵղեցկուհին հրեշների համար	Mary Shelley	Մերի Շելլի
2018	ֆ	Վուդի Ալենի անվերնագիր նախագիծը	Untitled Woody Allen Project