Մասնակից:Elen Sahakyan/Ավազարկղ2
Քաղաք | |
---|---|
Էսթելի | |
իսպ.՝ Estelí | |
Էսթելի (իսպ.՝ Estelí), քաղաք և համայնք Նիկարագուայի հյուսիս արևմտյան մասում, Էսթելի դեպարտամենտի վարչական կենտրոնը։
Աշխարհագրական դիրք[խմբագրել | խմբագրել կոդը]
Գտնվում է երկրի մայրաքաղաք Մանագուա քաղաքից մոտ 150 կմ հյուսիս։ Պանամերիկյան մայրուղին անցնում է Էսթելիով։ Բացարձակ բարձրությունը ծովի մակարդակից 856 մետր է[1]։ Համայնքի տարածքը 795,7 կմ² է։
Իր աշխարհագրական դիրքի պատճառով քաղաքում կլիմայական պայմանները ամբողջ տարվա ընթացքում մնում են մեղմ և բարենպաստ մարդկանց համար։
Պատմություն[խմբագրել | խմբագրել կոդը]
1978 թվականի սեպտեմբերի 5-ին Սանդինիստական ազգային ազատագրական ճակատը կոչ արեց երկրի բնակչությանը ընդվզել Սոմոսա ընտանիքի բռնապետության դեմ, ընդվզման կենտրոններից մեկը Էսթելի քաղաքն էր։
Սանդինիստական հեղափոխության հաղթանակից հետո, 1981 թվականի օգոստոսի 25-ին, երկրի կառավարման խորհրդի հրամանով, քաղաքին շնորհվեց «Հերոս քաղաք» պատվավոր կոչումը։
Անգրագիտությունն արմատախիլ անելու և կրթությունը զարգացնելու ծրագրի իրականացման ընթացքում այստեղ բացվեցին նոր դպրոցներ, իսկ 1982 թվականին բացվեց գյուղատնտեսական և անասնաբուծական դպրոց (Escuela Internacional de Agricultora y Ganadería «ALAG-Rivas»)[2]։
Ավելի ուշ, ԽՍՀՄ-ի, ԳԴՀ-ի և Չեխոսլովակիայի օժանդակությամբ, Էսթելիում կառուցվեց տեքստիլ գործարան[3]։ Բացի այդ, 1987 թվականին, ԽՍՀՄ-ի օժանդակությամբ, այստեղ սկսվեց միջին ալիքային ռադիոկայանի կառուցումը[4]։
Բնակչություն[խմբագրել | խմբագրել կոդը]
2013 թվականի դրությամբ քաղաքի բնակչությունը կազմել է 104 625 մարդ[5]։
Քաղաքի բնակչության դինամիկան ըստ տարիների.
1971 | 1995 | 2000 | 2005 | 2013 |
---|---|---|---|---|
19 801 | 71 550 | 82 359 | 96 422 | 104 625 |
Տնտեսություն և ենթակառուցվածքներ[խմբագրել | խմբագրել կոդը]
Քաղաքի տնտեսությունը հիմնված է սիգարի արտադրության համար ծխախոտի մշակության վրա. բացի այդ քաղաքում կա զբոսաշրջություն։
Էսթելին ունի երկրում սանտեխնիկայի և կոյուղու լավագույն համակարգերը, որոնք ընդգրկում են քաղաքի գրեթե ամբողջ բնակչության տները։ Պատմության ընթացքում Էսթելին կառուցել է 3 թռիչքուղի, բայց այսօր դրանք չկան[6]։
Քույր քաղաքներ[խմբագրել | խմբագրել կոդը]
- Բիլեֆելդ, Գերմանիա
- Դելֆտ, Նիդեռլանդներ
- Էվրի, Ֆրանսիա
- Շեֆիլդ, Մեծ Բրիտանիա
- Սթավանգեր, Նորվեգիա
- Լինչոպինգ, Շվեդիա
- Սթիվենս Փոյնթ, ԱՄՆ
- Լա Աբրա, ԱՄՆ
- Սան Ֆելիու դե Լյոբրեգատ, Իսպանիա
Ծանոթագրություններ[խմբագրել | խմբագրել կոդը]
- ↑ «Esteli, Nicaragua Page» (անգլերեն). Fallingrain Global Gazetteer. Արխիվացված է օրիգինալից 2015-09-15-ին. Վերցված է 2013-02-16-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ La Universidad en Nicaragua: una transformación en marcha // «Envio», Numero 57, marzo 1986
- ↑ А. Ольшаный. СЭВ - Никарагуа. Помощь в трудное время // "Аргументы и факты", № 16 от 25 апреля 1987. стр.4
- ↑ Мир социализма в цифрах и фактах. 1987. Справочник. / колл. авт., сост. В. С. Глаголев. М., Политиздат, 1988. стр.195
- ↑ «Estelí» (անգլերեն). World Gazetteer. Արխիվացված է օրիգինալից 2013-03-17-ին. Վերցված է 2013-02-16-ին.
- ↑ EL ESTELI DE AYER EN POCAS PALABRAS