Մառի Աթմաճյան

Վիքիպեդիայից՝ ազատ հանրագիտարանից
Jump to navigation Jump to search
Մառի Աթմաճյան
Marie Atmadjian.png
Ծննդյան անունհայ․՝ Մարի Միհրանի Աթմաճեան
Ծնվել էմարտի 19, 1913(1913-03-19)
ԾննդավայրԲաֆրա, Սամսուն, Թուրքիա
Վախճանվել էհունիսի 13, 1999(1999-06-13) (86 տարեկանում)
Վախճանի վայրՓարիզ, Ֆրանսիա
Մասնագիտությունգրող և բանաստեղծ
Լեզուֆրանսերեն և հայերեն
Ազգությունհայ
ՔաղաքացիությունFlag of France.svg Ֆրանսիա
Ottoman flag.svg Օսմանյան կայսրություն
ԿրթությունԴպրոցասէր վարժարան, École Française de Thessalonique? և Փարիզի համալսարան
Մառի Աթմաճյան Վիքիդարանում
Marie Atmadjian Վիքիպահեստում

Մառի Միհրանի Աթմաճյան (մարտի 19, 1913(1913-03-19), Բաֆրա, Սամսուն, Թուրքիա - հունիսի 13, 1999(1999-06-13), Փարիզ, Ֆրանսիա), սփյուռքահայ բանաստեղծուհի, գրական և հասարակական գործիչ։ Բանաստեղծ Սեմայի քույրը։

Կենսագրություն[խմբագրել | խմբագրել կոդը]

Նախնական կրթությունը ստացել է Կ. Պոլսի Դպրոցասեր տիկնանց վարժարանում, որտեղ կատարել է գրական առաջին փորձերը։ 1922 թվականին որբերի հոսանքի հետ մեկնել է Հունաստան։ Ավարտել է հայկական նախակրթարանը, մեկ տարի հաճախել Սալոնիկի ֆրանսիական իգական լիցեյը։ 1925 թվականին ընտանիքով տեղափոխվել են Հալեպ, 1928 թվականին՝ Եթովպիա, 1929 թվականից ապրել է Փարիզում։ Այստեղ հետևել է Մարգարիտ Բաբայանի երաժշտական և Սորբոնի համալսարանի գրականության դասընթացներին։

1930-ականների սկզբներից բանաստեղծություններ է տպագրել «Ջանք» գրական-հասարակական ամսագրում և եղբոր «Մշակույթ» հանդեսում, հետագայում՝ «Անահիտ», «Պայքար», «Լուսաղբյուր», «Հայաստանի կոչնակ», «Բազմավեպ», «Նոր գիր», «Զվարթնոց» և այլ պարբերականներում։ «Տեգրեշենտո» (1939) պիեսում, «Գողգոթայի շուշաններ» (1948), «Աստեղաքաղ» (1951), «Հավիտենական ուղիներ» (1956), «Գաղթաշխարհի երգեր» (1961), «Ոսկի գեղոն» (1967), «Վերջալույսեն առաջ» (1974), «Հավերժական ուղիներով» (1974) բանաստեղծությունների ժողովածուներում պատկերել է սփյուռքահայերի կյանքը, նրանց հայրենաբաղձ ոգորումները։ Երկար տարիներ նախագահել է Ֆրանսահայ գրողների միությունը[1][2]։

Ստեղծագործությունները[խմբագրել | խմբագրել կոդը]

  • «Տեգրեջենտո» պիես
  • «Գողգոթայի շուշանները» բանաստեղծությունների ժողովածու, 1948
  • «Աստեղաքաղ» բանաստեղծությունների ժողովածու, 1951
  • «Ոսկի զեշուն» բանաստեղծությունների ժողովածու, 1967
  • «Հրեղեն աշտարակ» բանաստեղծությունների ժողովածու, 1970

Ծանոթագրություններ[խմբագրել | խմբագրել կոդը]

Գրականություն[խմբագրել | խմբագրել կոդը]

  • Մառի Աթմաճյանի 35-ամյա գրական բերքին առջև, Բեյրութ, 1975։

Արտաքին հղումներ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png