Մաթիլդա Մալլինգեր

Մաթիլդա Մալլինգեր
Ծնվել է	փետրվարի 17, 1847; Գրաց, Ավստրիական կայսրություն
Երկիր	Խորվաթիա
Մահացել է	ապրիլի 19, 1920 (73 տարեկան); Շարլոտենբուրգ
Մասնագիտություն	օպերային երգչուհի և երաժշտության ուսուցիչ
Երգչաձայն	սոպրանո
Գործիքներ	վոկալ
	Mathilde Mallinger Վիքիպահեստում

Մաթիլդա Մալլինգեր (գերմ.՝ Mathilde Mallinger, (ամուսնու կողմից՝ բարոնուհի Շիմմելպֆեննիգ), փետրվարի 17, 1847(1847-02-17)^[1]^[2], Գրաց, Ավստրիական կայսրություն^[3] - ապրիլի 19, 1920(1920-04-19)^[1]^[2], Շարլոտենբուրգ^[3]), խորվաթ օպերային երգչուհի (քնարական սոպրանո), երաժշտության ուսուցիչ։

Կենսագրություն

Մաթիլդա Մալլինգերը ծնվել է խորվաթ հայտնի կոմպոզիտոր, երգչախմբի դիրիժոր և երաժշտության ուսուցիչ Վատրոսլավ Լիխտենեգերի ընտանիքում։ Երաժշտության և երգի իր առաջին դասերը ստացել է հորից։ Սովորել է Պրահայի կոնսերվատորիայում՝ Ջովաննի Բատիստա Գորդիջանիի մոտ, իսկ ավելի ուշ՝ Վիեննայում, Ռիչարդ Լեվիի մոտ։ Վիեննայում երգչուհին հանդիպել ու ծանոթացել է Ռիխարդ Վագների հետ, որը, լսելով Մաթիլդա Մալլինգերի երգը, նրան առաջարկել է հանդես գալ Բավարիայի օպերային թատրոնում։

1866 թվականին Մալլինգերն առաջին անգամ ելույթ է ունեցել Մյունխենում, Բավարիայի օպերայում։ Մեծ հաջողությամբ երգել է Վագների «Նյուրնբերգի մայսթերզինգերները», «Վալկիրիա», «Լոհենգրին», «Տանհեյզեր» օպերաներում։ 1869 թվականին տեղափոխվել է Բեռլին, որտեղ դարձել է Բեռլինի օպերայի առաջատար երգչուհիներից մեկը, որի բեմում հանդես է եկել մինչև 1882 թվականը։ Հետագայուն Մալլինգերը մեծ հաջողությամբ հանդես է եկել Բեռլինի, Դրեզդենի, Վեյմարի, Վիեննայի, օպերաներում, Պետերբուրգի Մարիինյան թատրոնում^[4]։

Ընտյալ խաղացանկ

Վինչենցո Բելլինի

Նորմա - Նորմա

Ռիխարդ Վագներ

Նյուրնբերգի մայսթերզինգերները - Եվա՝ Պոգների դուստրը
Լոհենգրին - Էլզա Բրաբանտսկայա
Վալկիրիա - Զիգլինդա

Լյուդվիգ վան Բեթհովեն

Ֆիդելիո - Ֆլորեստանի կինը՝ Լեոնորա, որը թաքնվում է Ֆիդելիոյի անվան տակ

Վոլֆգանգ Ամադեուս Մոցարտ

Դոն Ժուան - Դոննա Աննա, Դոն Օտտավիոյի հարսնացուն
Ֆիգարոյի ամուսնությունը - Ռոսինա, կոմսուհի Ալմավիվա
Կախարդական սրինգ - Գիշերային թագուհու դուստր Պամինան

Ջակոմո Մեյերբեր

Հուգենոտներ - Վալենտինա, կոմս դե Սեն-Բրիի դուստրը

Կարլ Մարիա ֆոն Վեբեր

Ազատ հրաձիգը - Ագաթա, անտառապահի դուստր

1890-1895 թվականներին Մալլինգերն աշխատել է որպես երգեցողության ուսուցիչ Պրահայի կոնսերվատորիայում, այնուհետև մինչ իր մահը Բեռլինի կոնսերվատորիայում։ Նա դաստիարակել է մի շարք տաղանդավոր օպերային երգիչների և երգչուհիների, մասնավորապես Քսենյա Դերժինսկայային, Լոտտա Լեմանին և այլոց։ Հաշվի առնելով նրա արժանիքները՝ կայսր Վիլհելմ Երկրորդը 1916 թվականին Մալլինգերին շնորհել է «Կամմերզենգեր» պատվավոր կոչում։

Ծանոթագրություններ

↑ ^1,0 ^1,1 ^1,2 ^1,3 ^1,4 Český hudební slovník osob a institucí (չեխերեն)
↑ ^2,0 ^2,1 ^2,2 ^2,3 ^2,4 Hrvatski biografski leksikon (хорв.) — 1983.
↑ ^3,0 ^3,1 ^3,2 ^3,3 ^3,4 ^3,5 476 // (unspecified title) — Vol. 1920.
↑ E. Marktl: "Mallinger Mathilde". In: Österreichisches Biographisches Lexikon 1815–1950 (ÖBL). Vol. 6, Austrian Academy of Sciences, Vienna 1975, ISBN 3-7001-0128-7, p. 38 f. (Direct links to "p. 38", "p. 39")

Աղբյուրներ

Ludwig Eisenberg: Großes biographisches Lexikon der Deutschen Bühne im 19. Jahrhundert. List, Leipzig 1903, S. 634–635.
Маллингер, Матильда // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.

Վիքիպահեստն ունի նյութեր, որոնք վերաբերում են «Մաթիլդա Մալլինգեր» հոդվածին։

[_a77e1689df9ef25b-1] 1,0 ^1,1 ^1,2 ^1,3 ^1,4 Český hudební slovník osob a institucí (չեխերեն)

[_e6531523a7214c9c-2] 2,0 ^2,1 ^2,2 ^2,3 ^2,4 Hrvatski biografski leksikon (хорв.) — 1983.

[_dc9f853f654efa11-3] 3,0 ^3,1 ^3,2 ^3,3 ^3,4 ^3,5 476 // (unspecified title) — Vol. 1920.

[4] E. Marktl: "Mallinger Mathilde". In: Österreichisches Biographisches Lexikon 1815–1950 (ÖBL). Vol. 6, Austrian Academy of Sciences, Vienna 1975, ISBN 3-7001-0128-7, p. 38 f. (Direct links to "p. 38", "p. 39")

[1]

[2]

[3]

[4]