Հրաչյա Գաբրիելյան

Հրաչյա Գաբրիելյան
Ծնվել է	հունիսի 14, 1919; Ալեքսանդրապոլ, Հայաստան
Մահացել է	ապրիլի 4, 2003 (83 տարեկան); Երևան, Հայաստան
Քաղաքացիություն	Հայաստան, Հայկական ԽՍՀ, ԽՍՀՄ և Հայաստան
Մասնագիտություն	աշխարհագրագետ, գեոմորֆոլոգ և դասախոս
Հաստատություն(ներ)	Երևանի պետական համալսարան
Ալմա մատեր	Հայկական պետական մանկավարժական համալսարան (1941)
Կոչում	պրոֆեսոր
Գիտական աստիճան	աշխարհագրական գիտությունների դոկտոր (1966)
Կուսակցություն	ԽՄԿԿ

Անվան այլ կիրառումների համար տե՛ս՝ Հրաչյա Գաբրիելյան (այլ կիրառումներ)

Վիքիպեդիայում կան հոդվածներ Գաբրիելյան ազգանունով այլ մարդկանց մասին։

Հրաչյա Կարապետի Գաբրելյան (հունիսի 14, 1919(1919-06-14)^[1]^[2], Ալեքսանդրապոլ, Հայաստան^[1]^[2] - ապրիլի 4, 2003(2003-04-04)^[2], Երևան, Հայաստան^[2]), հայ աշխարհագրագետ, աշխարհագրական գիտությունների դոկտոր, Երևանի պետական համալսարանի պրոֆեսոր։

Կենսագրություն

Հրաչյա Գաբրիելյանը ծնվել է 1919 թվականի հունիսի 14-ին Ալեքսանդրապոլ քաղաքում (այժմ՝ Գյումրի )։ Միջնակարգ կրթությունը ստանալուց հետո 17 տարեկանում ուսումը շարունակելու համար մեկնում է Մոսկվա։ Այնտեղ նա ենթարկվում է ավտովթարի, ինչի հետևանքով անդամահատում են ծնկներից ներքևի հատվածները^[3]։

Կրթություն

Հրաչյա Գաբրիելյանը 1941 թվականին ավարտել է Հայկական պետական մանկավարժական համալսարանը։

Աշխատանքային գործունեություն

1968-1970 թվականներին եղել է ԵՊՀ աշխարհագրության ֆակուլտետի դեկան, 1977-1988 թվականներին՝ ԵՊՀ ֆիզիկական աշխարհագրության ամբիոնի վարիչ։

Գիտական գործունեություն

Հրաչյա Գաբրիելյանի 100-ից ավել գիտական հոդվածները վերաբերվում են ռելիեֆ առաջացնող արտածին ուժերին, հնագույն սառցապատման և հնէաշխարհագրության հիմնահարցերին։

Աշխատություններ

Հրաչյա Գաբրիելյանն ավելի քան 140 գիտական աշխատանքի՝ մենագրությունների, բուհական ուսումնական ձեռնարկների, գրքերի, գիտական հոդվածների, քարտեզների հեղինակ է։ Առավել հայտնի են «Հայկական ՍՍՀ հրաբխային բարձրավանդակի հողմահարման պրոցեսները» (1962 թ․), «Գետային էրոզիան Հայկական ՍՍՀ-ում (1973 թ․), «Հողի էրոզիան և պայքարը նրա դեմ» (1974 թ․), «Անդրկովկասի բնությունը և ջրային էրոզիան» (1978 թ․) մենագրությունները, «Հիդրոլոգիա» (1963 թ․, 1967 թ․), «Լանդշաֆտների գեոքիմիա» (1968 թ․), «Կովկասի ֆիզիկական աշխարհագրություն» (1979 թ․), «Երկիր մոլորակը և նրա աշխարհագրական թաղանթը» (1983 թ․), «Երկրագնդի ջրային ոլորտը» (1987 թ․) ձեռնարկները։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
↑ ^2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 ^2,11 ^2,12 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 1.
↑ Գաբրիելյան Հ․Կ․, Հայկական լեռնաշխարհ․ ուսումնական ձեռնարկ ձեռնարկ, Եր․, Երևանի համալս․ հրատ․, 2000, 376 էջ, Գ 124

Արտաքին հղումներ

Հրաչյա Գաբրիելյան, պատկերասրահ ԵՊՀ կայքում Արխիվացված 2017-10-15 Wayback Machine

Վիքիդարանն ունի նյութեր, որոնք վերաբերում են «Հրաչյա Գաբրիելյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 636)։

[_5e5775e65518eefb-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[_7692284afc2863a3-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 ^2,11 ^2,12 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 1.

[3] Գաբրիելյան Հ․Կ․, Հայկական լեռնաշխարհ․ ուսումնական ձեռնարկ ձեռնարկ, Եր․, Երևանի համալս․ հրատ․, 2000, 376 էջ, Գ 124

[1]

[2]

[3]