Նյու Յորքի մի ծերանոցում բնակվում է Աուշվիցի համակենտրոնացման ճամբարը վերապրած Մաքս Ռոզենբաումը՝ ծերունական հիշողության կորստով տառապող Զև Գութմանի հետ։ Մաքսն անընդհատ հիշեցնում է Զև Գութմանին, որ նրանց ընտանիքները ոչնչացվել են Աուշվիցում՝ բլոկֆյուրեր Օտտո Վալիշի կողմից, ով կեղծ փաստաթղթերով կարողացել է ԱՄՆ ներգաղթել և խուսափել պատժից։ Մաքսը համոզում է Զև Գութմանին, որ պետք է գտնել Վալիշին և վրեժխնդիր լինել նրանից՝ իրենց ոչնչացված ընտանիքների համար։ Մաքսը իր երկարատև պրպտումների շնորհիվ կարողացել էր գտնել չորս անձանց, որոնք համապատասխանում են Վալիշի նկարագրությանը և այս տվյալները հանձնում է Զևին, ով փախչում է ծերանոցից և ձեռնամուխ լինում իր առաքելության իրագործմանը։