Հարիս Մեդունյանին

Վիքիպեդիայից՝ ազատ հանրագիտարանից
Football pictogram.svg
Հարիս Մեդունյանին
բոս․՝ Haris Medunjanin
20150331 2025 AUT BIH 2144 Haris Medunjanin.jpg
Քաղաքացիությունը Flag of Bosnia and Herzegovina.svg Բոսնիա և Հերցեգովինա[1]
Ծննդյան ամսաթիվ մարտի 8, 1985(1985-03-08)[2][3] (38 տարեկան)
Ծննդավայր Սարաևո, Բոսնիայի և Հերցեգովինայի Սոցիալիստական Հանրապետություն, ՀՍՖՀ
Հասակ 188 սանտիմետր
Քաշ 83 կիլոգրամ
Դիրք կիսապաշտպան
Պատանեկան կարիերա
Նիդերլանդներ ԱԶ Ալկմար
Մասնագիտական կարիերա*
Տարի Ակումբ Խաղ (Գոլ)
2005—2008 Նիդերլանդներ ԱԶ Ալկմար 25 (4)
2006—2007 → Նիդերլանդներ Սպարտա (Ռոտերդամ) 32 (7)
2008—2010 Իսպանիա Ռեալ Վալյադոլիդ 42 (6)
2010—2013 Իսրայել Մակկաբի (Թել Ավիվ) 46 (9)
2012—2013 → Թուրքիա Գազիանտեպսպոր 30 (4)
2013—2014 Թուրքիա Գազիանտեպսպոր 32 (2)
2014—2015 Իսպանիա Դեպորտիվո Լա Կորունյա 24 (2)
2016—2017 Իսրայել Մակկաբի (Թել Ավիվ) 33 (4)
2017—2019 Ամերիկայի Միացյալ Նահանգներ Ֆիլադելֆիա Յունիոն 101 (5)
2019—ներկա Ամերիկայի Միացյալ Նահանգներ Ցինցինատի 2 (0)
Ազգային հավաքական
2005—2008 Նիդերլանդներ Նիդերլանդներ (երիտ.) 4 (3)
2009—2018 Բոսնիա և Հերցեգովինա Բոսնիա և Հերցեգովինայի հավաքական 60 (9)
* Մասնագիտական կարիերայում ընդգրկված են միայն առաջնության խաղերը և գոլերը:

Հարիս Մեդունյանին (բոս․՝ Haris Medunjanin, մարտի 8, 1985(1985-03-08)[2][3], Սարաևո, Բոսնիայի և Հերցեգովինայի Սոցիալիստական Հանրապետություն, ՀՍՖՀ), բոսնիացի ֆուտբոլիստ, MLS-ի «Ցինցինատի» ամերիկյան ակումբի կիսապաշտպան։ Խաղացել է Բոսնիա և Հերցեգովինայի ազգային հավաքականում։ Բացի Բոսնիայի քաղաքացիությունից, նա ունի նաև Նիդերլանդների քաղաքացիություն, խաղացել է այդ երկրի երիտասարդական հավաքականում, որի կազմում հաղթել է 2006 և 2007 թվականների Եվրոպայի երիտասարդական առաջնություններում։

Կարիերա[խմբագրել | խմբագրել կոդը]

Ակումբային[խմբագրել | խմբագրել կոդը]

Սարաևոյում ծնված Մեդունյանինը 1992 թվականին մոր և քրոջ հետ տեղափոխվել է Նիդերլանդներ, հայրը մնացել է տանը և զոհվել Բոսնիական պատերազմի ժամանակ[4]։

Մեդունյանինը պրոֆեսիոնալ կարիերան սկսել է «ԱԶ Ալկմարում», բայց երեք տարի շարունակ չի կարողացել հաստատվել թիմում։ 2006/07 մրցաշրջանում նա վարձավճարով հանձնվել է «Սպարտային» և դարձել է Ռոտերդամի թիմի հիմնական խաղացողը՝ անցկացնելով 32 հանդիպում և խփելով 7 գնդակ[5]։

Ալկմարի թիմում ևս մեկ անհաջող մրցաշրջանից հետո Հարիս Մեդունյանինը 2008 թվականի օգոստոսին տեղափոխվել է իսպանական «Ռեալ Վալյադոլիդ», որտեղ սկզբում նույնպես չի կարողացել շահել մարզիչների վստահությունը և մասնակցել է ընդամենը 18 հանդիպման[6]։ 2009/10 մրցաշրջանում Մեդունյանինն ավելի հաճախ է խաղացել, բայց հազվադեպ է հայտնվել հիմնական կազմում. իր բոլոր 5 գոլերը Հարիսը խփել է՝ հանդիպումների վերջնամասում փոխարինման դուրս գալով։ Առաջնության արդյունքներով թիմը լքել է Լա Լիգան և տեղափոխվել Սեգունդա Դիվիզիոն, իսկ Մեդունյանինը 2 մլն եվրոյով վաճառվել է իսրայելական «Մակկաբի» (Թել Ավիվ) ակումբին[7]։

Իր նորամուտը նոր թիմում Հարիսը նշել է 2010 թվականի հուլիսի 15-ին Չեռնոգորիայի «Մոգրենի» դեմ Եվրոպայի լիգայի 2010/11 որակավորման երկրորդ փուլի խաղում։ Հանդիպման 52-րդ րոպեին Մեդունյանինը դարձել է գոլի հեղինակ[8]։

2012-2014 թվականներին Մեդունյանինը եղել է թուրքական «Գազիանտեպսպորի» խաղացող։ 2014-2016-ին խաղացել է իսպանական «Դեպորտիվոյում», այնուհետև մեկ տարով վերադարձել է Իսրայելական «Մակկաբի» (Թել Ավիվ)[9]։

2017 թվականի հունվարին նա տեղափոխվել է ԱՄՆ՝ համալրելով MLS-ի «Ֆիլադելֆիա Յունիոն» ակումբի շարքերը։ 2019 թվականին Հարիսը համալրել է ամերիկյան մեկ այլ ակումբի՝ «Ցինցինատիի» շարքերը։ Պայմանագիրը նախատեսված է մինչև 2021 թվականի վերջը[9]։

Ազգային հավաքականում[խմբագրել | խմբագրել կոդը]

Մեդունյանինն ընդգրկված է եղել Նիդերլանդների երիտասարդական հավաքականի հայտացուցակում 2006 և 2007 թվականների Եվրոպայի հաղթական առաջնությունների ժամանակ[4]։

2009 թվականին իր հարցազրույցներից մեկում Մեդունյանինը ցանկություն է հայտնել խաղալու Բոսնիա և Հերցեգովինայի ազգային հավաքականում[10]։ Նույն տարվա օգոստոսին նա պաշտոնական նամակ է ուղարկել ՖԻՖԱ՝ խնդրելով փոխել իր ֆուտբոլային քաղաքացիությունը, իսկ հոկտեմբերի 31-ին արդեն հրավիրվել է Բոսնիայի ազգային հավաքականի գլխավոր մարզիչ Միրոսլավ Բլաժևիչի կողմից՝ 2010 թվականի Աշխարհի առաջնության անցումային խաղերին մասնակցելու համար[11]։ Հարիս Մեդունյանինը առաջին րոպեներից մասնակցել է Պորտուգալիայի դեմ երկրորդ հանդիպմանը։ «Բիլինո Պոլեում» բոսնիացիները պարտվել են 0-1 հաշվով և չեն կարողացել դուրս գալ ԱԱ 2010-ի եզրափակիչ[12]։

Պարբերաբար խաղացել է ազգային հավաքականում Եվրոպայի 2012 թվականի առաջնության ընտրական խաղերում, որտեղ խփել է 3 գոլ[13]։

Նվաճումներ[խմբագրել | խմբագրել կոդը]

Նիդերլանդների երիտասարդական հավաքական

  • Եվրոպայի երիտասարդական չեմպիոն՝ 2006, 2007

Ծանոթագրություններ[խմբագրել | խմբագրել կոդը]

  1. ↑ http://www.worldfootball.net/player_summary/haris-medunjanin/
  2. ↑ 2,0 2,1 FBref.com(բազմ․)
  3. ↑ 3,0 3,1 As (իսպ.) — Madrid: Grupo PRISA, 1967.
  4. ↑ 4,0 4,1 «Bosnia wait on FIFA approval for Haris Medunjanin» (անգլերեն)։ ESPN Soccernet։ 2009-11-04։ Արխիվացված օրիգինալից 2012-08-31-ին։ Վերցված է 2011-10-12 
  5. ↑ «Haris Medunjanin» (հոլանդերեն)։ Voetbal International։ Արխիվացված օրիգինալից 2012-08-31-ին։ Վերցված է 2011-10-12 
  6. ↑ «Medunjanin, Haris Medunjanin» (անգլերեն)։ BDFutbol։ Արխիվացված օրիգինալից 2012-08-31-ին։ Վերցված է 2011-10-12 
  7. ↑ «Haris Medunjanin — Spielerwechsel, Spielertransfers» (գերմաներեն)։ transfermarkt.de։ Արխիվացված է օրիգինալից 2012-08-31-ին։ Վերցված է 2011-10-12 
  8. ↑ «UEFA Europa League 2011 — M. Tel-Aviv-Mogren» (անգլերեն)։ UEFA.com։ 2010-07-15։ Արխիվացված օրիգինալից 2012-10-03-ին։ Վերցված է 2011-10-12 
  9. ↑ 9,0 9,1 «Haris Medunjanin - Player profile 2021»։ www.transfermarkt.com (անգլերեն)։ Վերցված է 2021-05-27 
  10. ↑ Edin Isanović (2009-07-25)։ «Haris Medunjanin — intervju: 'Ako dobijem Ćirin poziv, dolazim'» (բոսնիերեն)։ Sarajevo-x.com։ Արխիվացված օրիգինալից 2012-08-31-ին։ Վերցված է 2011-10-12 
  11. ↑ «Ostvareni san Harisa Medunjanina» (բոսնիերեն)։ Sarajevo-x.com։ 2009-11-01։ Արխիվացված օրիգինալից 2012-08-31-ին։ Վերցված է 2011-10-12 
  12. ↑ Скворцов А. Рожденный в муках //Футбол. 20—27 ноября 2009. № 47 (2577). С. 43
  13. ↑ «UEFA EURO 2012 — Haris Medunjanin» (անգլերեն)։ UEFA.com։ Արխիվացված օրիգինալից 2012-08-31-ին։ Վերցված է 2011-10-12 
 ⛭ 
  Թեմատիկ կայքեր
Չափորոշչային վերահսկողություն
GTAA: 128303
Ստացված է «https://hy.wikipedia.org/w/index.php?title=Հարիս_Մեդունյանին&oldid=8445909» էջից