Հայկ Համբարձումյան

Վիքիպեդիայից՝ ազատ հանրագիտարանից
Jump to navigation Jump to search
Հայկ Համբարձումյան
Հայկ Աշոտի Համբարձումյան
Հայկ Համբարձումյան.JPG
Ծնվել էսեպտեմբերի 19, 1982 (36 տարեկան)
ԾննդավայրԵրևան
Ազգությունհայ
Մասնագիտությունգրականագետ, լրագրող և խմբագիր
ԱշխատավայրԵրևանի պետական համալսարան

Հայկ Աշոտի Համբարձումյան (սեպտեմբերի 19, 1982(1982-09-19), Երևան, Հայկական ԽՍՀ, ԽՍՀՄ), հայ գրականագետ, էպոսագետ, բանասիրական գիտությունների թեկնածու (2008), ԵՊՀ հայ գրականության ամբիոնի դասախոս, ՀԳՄ անդամ, խմբագիր, լրագրող։

Կենսագրություն[խմբագրել | խմբագրել կոդը]

Ծնվել է Երևան քաղաքում։ 1989-ից 1993 թվականներին սովորել է Երևանի Մարտիրոս Սարյանի անվան թիվ 86 միջնակարգ դպրոցում։ 1993-ից 1999 թվականներին ուսումը շարունակել է Երևանի Գրիգոր Նարեկացու անվան թիվ 137 միջնակարգ դպրոց-վարժարանում։

1999 թվականին ընդունվել և 2003 թվականին գերազանցությամբ ավարտել է Երևանի պետական համալսարանի Հայ բանասիրության ֆակուլտետի բակալավրիատը, 2003-ից ուսումը շարունակել և 2005-ին գերազանցությամբ ավարտել է մագիստրատուրան։ 2005-ին ընդունվել է ԵՊՀ բանասիրական ֆակուլտետի առկա ասպիրանտուրան՝ բանահյուսություն մասնագիտությամբ։

2008 թվականին ՀՀ ԳԱԱ Մ. Աբեղյանի անվան գրականության ինստիտուտում պաշտպանել է ««Սասնա Ծռերի» պատումների տիպաբանական խմբերն ու դրանց հատկանիշները» թեմայով թեկնածուական ատենախոսություն և ստացել բանասիրական գիտությունների թեկնածուի աստիճան։

Հայ ժողովրդական բանահյուսության, հայ հին, նոր ու ժամանակակից գրականության վերաբերյալ շուրջ երեք տասնյակ հոդվածների հեղինակ է։ Մասնակցել ու զեկուցումներով հանդես է եկել Հայաստանում, Արցախում և արտերկրում կազմակերպված բազմաթիվ գիտաժողովների։ Մասնավորապես 2006 և 2009 թվականներին՝ «Հայկական Սասնա ծռեր էպոսն ու համաշխարհային էպիկական ժառանգությունը» երկրորդ և երրորդ[1] միջազգային գիտաժողովներին, 2007-2010-ին՝ Հայաստանում և Արցախում անցկացաված «Երիտասարդ գրողների համաժողովներին»։ 2009-ը և 2011 թթ. «Սասնա Ծռեր» էպոսին նվիրված զեկուցմամբ և դասախոսությամբ հանդես է եկել ԱՄՆ Միչիգանի համալսարանի (Անն Արբոր) Հայագիտության ամբիոնում, Լոս Անջելեսի կալիֆորնյան (UCLA) համալսարանում։

2002-ից 2003 թվականներին աշխատել է Երևանի օտար լեզուների «Մակսեդան» դպրոցում՝ որպես հայոց լեզվի, հայ գրականության, հայոց և նոր պատմության ուսուցիչ։ 2004 թվականին աշխատել է «Օրրան» բարեգործական կենտրոնում՝ որպես մանկավարժ։ 2005-ից 2007 թվականներին աշխատել է Երևանի Մաշտոցի անվ. համալսարանում, որպես արտասահմանյան գրականության և հայ ժողովրդական բանահյուսության դասախոս։ 2007 թվականից աշխատում է Երևանի պետական համալսարանի հայ բանասիրության ֆակուլտետի հայ գրականության ամբիոնում։ Դասախոսում է «Հայ ժողովրդական բանահյուսություն», «Հայ գրականության պատմություն», «Գրական տեքստի վերլուծության մեթոդներ և եղանակներ» առարկաները։ Զուգահեռաբար 2006 թվականից որպես սցենարիստ, խմբագիր, լրագրող աշխատում է «Շողակաթ» հեռուստաընկերությունում[2]։ Մշակութային, հոգևոր-կրոնական բնույթի մի շարք տեսաֆիլմերի հեղինակ է։

Երկեր[խմբագրել | խմբագրել կոդը]

1.Զուգահեռ ընթերցումներ /ուսումնասիրություններ և հոդվածներ/, Երևան, Գրական Էտալոն, 2012 թ, 260 էջ։

2.Առասպելաստեղծ աշխարհայացք և ստեղծագործական մեթոդ (դասախոսություն), Երևան, Անտարես, 2013 թ., էջ 64:

Խմբագրած գրքեր՝

1.Անատոլի Հովհաննիսյան, Հայելի/բանաստեղծություններ/, Երևան, Գրաբեր, 2012 թ., 128 էջ։

2. Գրական տապան, Հայաստանը գրականություն է հյուրընկալում, ստեղծագործությունների ժողովածու, Երևան, 2013, էջ 360:

Հ. Համբարձումյանի հրապարակումները մամուլում[խմբագրել | խմբագրել կոդը]

  • Համաստեղյան մահվան տեսիլը, «Գարուն», 2004, թիվ 11, էջ 88-91։
  • Հեծանիվ հայտնագործողի փառքը (բանաստեղծ Վահե Արսենի գրքի մասին), «Գրական թերթ», 10/12 2004։
  • Հայ վեպի մեկ տարին, «Գարուն», 2006, թիվ 12, էջ 99-106։
  • Սոնա Վանի սրբազան պահմտոցին, «Գրական թերթ», 27/01 2006։
  • Անավարտ չու (բանաստեղծ Գագիկ Սահինյանի գրքի մասին), «Նարցիս», 2006, թիվ 4, էջ 37-41։
  • Գր. Նարեկացու «Մատյանի» ժանրային առանձնահատկությունները, «Էջմիածին», 2006, թիվ 2-3, էջ 89-95։
  • Շան կյանք լուրերի շարունակական բացակայության պայմաններում (Գուրգեն Խանջյանի վեպի մասին), «Գրական թերթ», 13/10/ 2006։
  • Փոքր Մհեր. Գենեզիս և տիպաբանություն, «Գրականագիտական հանդես», 2006, թիվ 1, էջ 89-100։
  • Տասներորդ մուսան (կանանց պոեզիայի մասին), «Գրեթերթ», 2006, թիվ 2։
  • Անվախճան ոգորման խուլ արձագանքը (Նիկոլ Աղբալյան-130 միջազգային գիտաժողովի նյութերի ժողովածուն), «Գրականագիտական հանդես», 2006, թիվ 2, էջ 229-236։
  • 2006 թվականի պատմվածքը, «Գարուն», 2007, թիվ 1-2, էջ 99-105։
  • Հայ վեպի գիտական պատմություն, «Գրականագիտաական հանդես», 2007, 1-2, էջ 345-353։
  • Տարբերակայնության դրսևորումը «Սասնա ծռերի» պատումների տիպաբանական խմբերի ձևավորման գործընթացում, «Գրականագիտական հանդես», 2007, Ա-Բ (Է-Ը), էջ 3-10։
  • Մոտիվի գործառնականությունը վիպական տեքստում, «Էջմիածին», 2007, Ը, էջ 77-82։
  • «Սասնա ծռերի» Մշո պատումների կառուցվածքային որոշ առանձնահատկություններ։ §Էջմիածին, 2008, Զ-Է, էջ 113-117
  • Արդի երիտասարդական արձակը կամ արդի արձակի երիտասարդությունը, «Գանձասար. երիտասարդ գրողների խորհրդակցություն» (խորհրդաժողովի նյութեր), Ստեփանակերտ, 2008, էջ 19-24։
  • Առասպելաստեղծ աշխարհայացք և ստեղծագործական մեթոդ, «Գրականագիտական հանդես», Երևան, 2009, էջ 120-134։

Արտաքին հղումներ[խմբագրել | խմբագրել կոդը]

Աղբյուրներ[խմբագրել | խմբագրել կոդը]