Հայկական գամփռի արձան

Վիքիպեդիայից՝ ազատ հանրագիտարանից
Jump to navigation Jump to search
Հայկական գամփռի արձան
Monument to Armenian Gampr dog (6).jpg
Ընդհանուր տեղեկություններ
Համայնք Կենտրոն
Գտնվում է Օղակաձև զբոսայգում՝ Տերյան և Մոսկովյան փողոցների խաչմերուկում
Բարձրություն 1 մ
Քանդակագործ(ներ) Լևոն Թոքմաջյան
Նյութ բրոնզ
Շինարարության ավարտ 2018
Ներկա վիճակ կանգուն


Հայկական գամփռի արձան, գտնվում է Երևանի կենտրոնում՝ Օղակաձև զբոսայգում՝ Տերյան և Մոսկովյան փողոցների խաչմերուկում։ Տեղադրվել է 2018 թվականին։

Հեղինակ[խմբագրել | խմբագրել կոդը]

Նկարագրություն[խմբագրել | խմբագրել կոդը]

Հայկական գամփռի քանդակը բրոնզից է, չափսերը՝ 1:1,3 մասշտաբով՝ 160 սմ x 100 սմ x 40 սմ։ Պատվանդանին հայերեն և անգլերեն փորագրված են հետևյալ բառերը. «Ամստերդամի հայ համայնքից Երևան քաղաքին 2800-ամյա հոբելյանի առթիվ»։ Արձանի արժեքն է 7000 եվրո[1]։

Պատմություն[խմբագրել | խմբագրել կոդը]

Գամփռի արձանը Ամստերդամի հայ համայնքի նվերն է Երևանին՝ 2800-ամյակի կապակցությամբ։ Մտահղացումն իրագործելու համար կազմակերպվել է դրամահավաք, որին մասնակցել է Նիդերլանդների հայությունը, ինչպես նաև հոլանդացիներ։ Նախաձեռնության կազմակերպիչն է «Սուրբ Գրիգոր Նարեկացի» հիմնադրամի վարչությունը[2]։

Հայկական գամփռի արձանի բացումը տեղի է ունեցել Երևանի Տերյան և Մոսկովյան փողոցների խաչմերուկում 2018 թվականի օգոստոսի 23-ին։ Արարողությանը մասնակցել են Ամստերդամի Սուրբ հոգի եկեղեցի հիմնադրամի վարչության նախագահ Տիգրան Միգդեսյանը, Երևանի Մատենադարանի տնօրեն Վահան Տեր-Ղևոնդյանը, Մոնտե Կառլոյի բալետի թատրոնի մենապարուհի Վիկտորյա Անանյանը, ՀՀ Ազգային անվտանգության ծառայության պետ Արթուր Վանեցյանը, Երևանի քաղաքապետի տեղակալ Արամ Սուքիասյանը, արվեստի գործիչներ և ուրիշներ[2]։

Ելույթ են ունեցել քանդակի հեղինակ Լևոն Թոքմաջյանը, «Սուրբ Գրիգոր Նարեկացի» հիմնադրամի վարչության պատվավոր նախագահ Վահան Ավագյանը[2]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]