Համբուրգի գեղարվեստի և դիզայնի թանգարան

Վիքիպեդիայից՝ ազատ հանրագիտարանից
Jump to navigation Jump to search
Համբուրգի գեղարվեստի և դիզայնի թանգարան
Logo Museum für Kunst und Gewerbe Hamburg.svg
Museumfuerkunstundgewerbehamburg-lot.jpg
Տեսակպատկերասրահ և թանգարանի շենք
ԵրկիրFlag of Germany.svg Գերմանիա[1]
ՏեղագրությունՀամբուրգ[1]
ՎայրՍուրբ Գևորգ (Համբուրգ) և Steintor?
Կազմված էQ28733431?
ՀասցեSteintorplatz
Հիմնադրված է1868
Այցելուներ241 000
Կոորդինատներ: 53°33′4.000″ հս․ լ. 10°0′33.998″ ավ. ե. / 53.55111111° հս․. լ. 10.00944389° ավ. ե. / 53.55111111; 10.00944389
Կայքmkg-hamburg.de

Համբուրգի գեղարվեստի և դիզայնի թանգարան (գերմ.՝ The Museum für Kunst und Gewerbe Hamburg), գեղարվեստի, կիրառական և դեկորատիվ արվեստի թանգարան Գերմանիայի Համբուրգ քաղաքում: Այն գտնվում է քաղաքի կենտրոնում՝ Hauptbahnhof-ի (գլխավոր կայարան) հարևանությամբ:

Պատմություն[խմբագրել | խմբագրել կոդը]

Թանգարանը հիմնադրվել է 1874 թվականին` Լոնդոնի Վիկտորիայի և Ալբերտի թանգարանի, Վիեննայի կիրառական արվեստի թանգարանից և Բեռլինի դեկորատիվ արվեստի թանգարանի մոդելով: 1877 թվականին թանգարանը տեղափոխվել է իր ներկայիս վայր՝ 1873-1975 թվականներին կառուցված Շտայնտորպլացում գտնվող շենքը[2]:

1919-1933 թվականներին տնօրեն Մաքս Սաուերլանդտի ղեկավարությամբ թանգարանը ձեռք է բերել Էքսպրեսիոնիստական ստեղծագործությունների մեծ հավաքածու[3]: 1933 թվականից հետո, ընդդեմ «դեգեներատիվ արվեստի» նացիստական արշավը հանգեցրեց բազմաթիվ ժամանակակից ստեղծագործությունների կորստի, ինչպես նաև Սաուերլանդտի պարտադրված հեռացմանը: Շենքը մասամբ ավերվել է Երկրորդ համաշխարհային պատերազմի ժամանակ՝ 1943 թվականին, վերակառուցումն ավարտվել է 1959 թվականին[2]: Հարոլդ Հարտոգը նախագծել է կենտրոնական առանցքը:

Հավաքածուներ[խմբագրել | խմբագրել կոդը]

Պասկալ Տասկենի կլավեսինը, 1788

Թանգարանի հավաքածուներ[4][5]՝

  • Պատմական ստեղնաշարային գործիքներ՝ կլավեսիններ, սպինետներ, վերջինելներ, կլավիկորդներ, մուրճիկներով դաշնամուրներ և քառակուսի դաշնամուրներ:
  • Հախճապակի և ճենապակի՝ ներկայացված են 17-րդ և 18-րդ դարերի ճենապակու հիմնական արտադրողների մեծ մասը:
  • Իսլամ` հավաքածուի առանցքն է կազմում Ուզբեկստանի Բուխարա քաղաքում գտնվող Բույան Կուլի Չանի (1348-1368) դամբարանների 71 կղմինդրային բեկորների հավաքածուն: Իսլամական բաժինը ներառում է նաև խեցեղեն, գորգեր և գրքեր:
  • 16-րդ դարի գորգ Լյուն աբբայության կողմից, ցուցադրվում է տարին միայն մեկ անգամ՝ Զատկի և Պենտեկոսի միջև ընկած ժամանակահատվածում մի քանի օր[6]:
  • Կահույք` Անրի Վան դե Վելդեի և Պոլ Գոգենի կողմից:
  • Ճապոնական թեյի տունը և ուղեկցող արարողություն:
  • Արտ նուեվո՝ մոդեռն կահույքի և ցուցանմուշների ամբողջություն, «Փարիզյան սենյակ», որի մեծ մասը ձեռք է բերել 1900 թվականին Փարիզում կայացած համաշխարհային տոնավաճառում[7], այդ թվում՝ 1907 թվականի երկու մեծ սպիտակ քանդակները, աղջիկների հախճապակե քանդակներ և Օտտո Էկմանի «Կարապի գորգը» (1897):
  • Ժամանակակից, 1914-1945 թթ.՝ էքսպրեսիոնիստական աշխատանքներ, այդ թվում՝ Ռիչարդ Հայցմանի կերտած կենդանիների քանդակներ, Էրնստ Հեքելի թխկենուց պատրաստված կնոջ քանդակ, Կարլ Շմիդտ-Ռոտլուֆի և Էվալդ Մատարեի աշխատանքներից, ինչպես նաև բաուհաուզ ոճով առօրյա առարկաներ:
  • Այլ հավաքածուներում ընդգրկված են բարոկկո ֆիգուրներ, առարկաներ Հեռավոր Արևելքից, դիզայներական գործեր[8], գրքերի պատկերազարդումներ, գրաֆիկական արվեստ, լուսանկարներ, անտիկ իրեր, խեցեղեն, զենքեր և արձաններ:

Գրականություն[խմբագրել | խմբագրել կոդը]

  • Prestel-Museumsführer Museum für Kunst und Gewerbe Hamburg. Prestel, Munich, 2000. ISBN 3-7913-2206-0. (գերմաներեն)

Ծանոթագրություններ[խմբագրել | խմբագրել կոդը]

  1. 1,0 1,1 archINFORM — 1994.
  2. 2,0 2,1 The History of the Museum (անգլերեն)
  3. Art Nouveau and Modernism (անգլերեն)
  4. Collections
  5. The Museum für Kunst und Gewerbe Rough Guides.
  6. Kostbare Textilien erhalten Anne Bahrs, Preußische Allgemeine Zeitung, 15 May 2010. (գերմ.)
  7. Als der Senat noch shoppen ging Matthias Gretzschel, Hamburger Abendblatt, 31 October 2009.
  8. Museum für Kunst und Gewerbe: Ideen sitzen. 50 Jahre Stuhldesign Hamburg-Magazin, 29 September 2010.

Արտաքին հղումներ[խմբագրել | խմբագրել կոդը]