Կումայրիի բազիլիկ եկեղեցի

Անվան այլ կիրառումների համար տե՛ս՝ Կումայրի (այլ կիրառումներ)

Կումայրիի բազիլիկ եկեղեցի
քանդված տաճարի հիմքը
Հիմնական տվյալներ
Տեսակ	եկեղեցի
Երկիր	Հայաստան
Տեղագրություն	Հայաստան Շիրակի մարզ, Գյումրի
Հոգևոր կարգավիճակ	Չգործող
Հիմնական ամսաթվերը	7-րդ դար
Ներկա վիճակ	Խոնարհված
Ժառանգության կարգավիճակ	մշակութային հուշարձան Հայաստանում
Ճարտարապետական ոճ	Հայկական
Կառուցման սկիզբ	VII դար
Հիմնադրված	7-րդ դար
Գմբեթ	1
Basilica Church in Kumayri Վիքիպահեստում

Կումայրիի բազիլիկ եկեղեցի, բազիլիկ եկեղեցի Հայաստանի պատմական Կումայրի քաղաքում։ Եկեղեցու կառուցումը վերագրվում VII դարին։ Եկեղեցին ունեցել է մի գմբեթ։

Եկեղեցին գտնվում է «Կումայրի» տուրիստական հանգրվանի բակում։ Պահպանվել է եկեղեցու միայն հիմքը և որոշ քանդակազարդ քարեր։

Ճարտարապետություն

Եկեղեցու հատակագիծը

Պեղումներով բացված Կումայրիի եկեղեցին (VII դարի վերջ) ունի քառամույթ գմբեթավոր բազիլիկի հորինվածք։ Քառակուսաձև աղոթասրահը արևելքում ավարտվում է բեմի պայտաձև հատակագիծ ունեցող աբսիդով, որի երկու կողմում գտնվում են ուղղանկյուն ավանդատները։ Գմբեթը բարձրացել է ընդհանուր կառուցվածքի կենտրոնում։ Հյուսիսային ճակատից բացվող միակ դուռն ունի զույգ կիսասյունիկներով շքամուտք։ Արևելյան ճակատը մշակված է սեղանաձև հատակագծով երկու «հայկական խորշով»։ Կենտրոնագմբեթ կառուցվածքներին բնորոշ համաչափություններ և գմբեթի տեղադրություն ունեցող այս եկեղեցին Հայաստանի վաղ միջնադարի նույնատիպ հուշարձանների ամենաուշ օրինակն է։

• 
  քիվի հատված
• 
  Սյունի հատված
• 
  Խոռոչ եկեղեցում
• 
  Եկեղեցու հիմնապատեր
• 
  Եկեղեցու հիմնապատեր
• 
  Հիմնապատ

Տես նաև

• Գյումրիի պատմության և մշակույթի անշարժ հուշարձանների ցանկ

Ծանոթագրություններ

Կումայրիի բազիլիկ եկեղեցի էջը Վիքիպահեստում

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։