Կարգին սերիալ

Կարգին սերիալ
Տեսակ	հեռուստահաղորդում
Ժանր	սիթքոմ, կոմեդիա
Ռեժիսոր	Արման Մարության
Գլխավոր դերերում	Հայկ Մարության Մկրտիչ Արզումանյան Արեգ Գալոյան
Արտադրող երկիր	Հայաստան
Լեզու(ներ)	հայերեն
Սեզոնների քանակ	6
Սերիաների քանակ	145
Ստեղծում
Տևողություն	25 րոպե
Արտադրող ընկերություն(ներ)	Կարգին Ստուդիա, Sahakyants Animation Studio
Հեռարձակում
Ալիք	Արմենիա TV, Արմենիա Պրեմիում, Արմենիա Քոմեդի
Պատկերի ձևաչափ	16:9 HDTV
Սկզբնական եթեր	հոկտեմբերի 12, 2010 – հունիսի 16, 2013
Տարեգրություն
Նախորդ	Կարգին հաղորդում
Հաջորդ	Կարգին սքեթչ շոու

«Կարգին սերիալ», հայկական սիթքոմ։ Ցուցադրվել է «Արմենիա» հեռուստաընկերությամբ 2010 թվականի հոկտեմբերից մինչև 2013 թվականի հունիսը։ Այն պատմում է Կարագյոզյանների ընտանիքի մասին։ Այն ստեղծվել է ամերիկյան «Երկու և կես մարդ» (անգլ.՝ Two and a Half Men) սիթքոմի հիման վրա, հարմարեցված հայկական իրականությանը։

Սյուժե

Սիթքոմը պատմում է Նոր Արեշում բնակվող Վարդան Կարագյոզյանի մասին, որի տուն է տեղափոխվել իր կրտսեր եղբայրը ՝ Արկադին, երբ վերջինիս տանից վտարեց իր կին Նոնան։ Ընթացքում իրենց այցելում է, և հետագայում իրենց հետ ապրում Արկադիի զավակ Արամիկը, Վարդանի տունը այցելում իրենց մայր Սեդան և տունը մաքրում հավաքարար Ջեմման։

Երրորդ եթերաշրջանում Արկադին որոշում է մարքսիստական կուսակցություն բացել, այդ տարվա ընտրություններում հաղթելու և գումար աշխատելու համար։ Սակայն վերջում հաղթում է իրենց հարևան պատգամավոր Կարլեն Կարլենիչը, լինելով այլ կուսակցության անդամ։

Չորրորդ սեզոնում Վարդանը ձեռք է բերում իրեն մշտական ընկերուհի Մոնիկային, որի հետ նա ցանկանում է ամուսնանալ։ Վերջինիս տանը գտնվելու ժամանակահատվածում նա պարբերաբար խոշտանգում է Արկադիին և դավեր հյուսում իր դեմ, պարբերաբար դավաճանելով Վարդանին իր սիրեկանի հետ։ Սակայն վերջում նա բացահայտվում է Սեդայի և Արկադիի կողմից, ու հանկարծ պարզվում է նրա հղիության փաստը։

Հինգերորդ եթերաշրջանը սկսվում է Արկադիի բանտից ազատմամբ, որտեղ նա հեղինակություն էր ձեռք բերել շենգավիթցի «Նակազատ»–ի կյանքը փրկելուց հետո։ 16 սերիա նա ապրում է Գեորգի Միրզոյանի հետ Վարդանի տանը, ապա Վարդանը վերադառնում է ԱՄՆ–ից և վերագնում բնակարանը իր կազինոյի միջոցով։

Վեցերորդ սեզոնում Վարդանը գնում է իրենց տան մոտ գտնվող ռեստորանը և ընդունում Արկադիին այնտեղ աշխատանքի 0 դրամ աշխատավարձով։ Ընթացքում այդտեղ նաև ընդունվում է Էմանուելան, որին սիրահարվում է Արկադին։ Հետագայում պարզվում է որ նա մեծահարուստ Աշոտ Տեր–Աբրահամյանի դուստրն է։ Վերջում Արկադին ստանում է 2 միլիոն դոլլար ժառանգություն և ամուսնանում է Էմանուելայի հետ։

Եթերաշրջաններ

Սեզոն		Էպիզոդներ		Թողարկումներ
				Առաջին թողարկում	Վերջին թողարկում
	1	32		Հոկտեմբերի 12, 2010 (2010-10-12)	Դեկտեմբերի 30, 2010 (2010-12-30)
	2	26		Մարտի 15, 2011 (2011-03-15)	Հուլիսի 7, 2011 (2011-07-07)
	3	9		Դեկտեմբերի 21, 2011 (2011-12-21)	Հունվարի 24, 2012 (2012-01-24)
	4	30		Մարտի 14, 2012 (2012-03-14)	Հունիսի 10, 2012 (2012-06-10)
	5	24		Հոկտեմբերի 14, 2012 (2012-10-14)	Հունվարի 5, 2013 (2013-01-05)
	6	24		Մարտի 17, 2013 (2013-03-17)	Հունիսի 16, 2013 (2013-06-16)

Կերպարներ

Անուն	Դերակատար(ներ)	Նկարագրություն	Եթերաշրջաններ
Վարդան Կարագյոզյան	Հայկ Մարության	Զբաղվում է դաշնամուրով երգերի տակ անշարժ գույքի վաճառքով և բրոքերությամբ։ Նա ամուրի է, կնամոլ է և հաճախ հավակնություններ ունի կանանց հետ սեռական կապերով զբաղվածության։	1 – 6
Արկադի Կարագյոզյան	Մկրտիչ Արզումանյան	Վարդանի կրտսեր եղբայրն է։ Աշխատում է որպես ցածր վարձատրվող բուժեղբայր, միշտ ենթարկվում է ծաղրանքի իր եղբոր կողմից։ Տասը տարի ամուսնացած լինելով Նոնայի հետ, բաժանվել է և տեղափոխվել է եղբոր բնակավայր։ Ի տարբերություն Վարդանի բավականին կրթված և ինտելիգենտ անձնավորություն է։	1 – 6
Սեդա Կարագյոզյան	Արշալույս Ավետիսյան	Վարդանի և Արկադիի մայրը։ Մասնագիտությամբ նոտար է, որը իր կյանքի ընթացքում 4 անգամ ամուսնացել է։	1 – 6
Արամիկ Կարագյոզյան	Արեգ Գալոյան	Արկադիի անդրանիկ որդին։	1 – 6
Ջեմմա Լոշիկյան	Ժենյա Մկրտումյան	Հավաքարար, որը աշխատում է Վարդանի առանձնատանը։ Նախկինում ունեցել է քրեական անցյալ և հայտնի է եղել «կործանիչ» մականունով։	1 – 6
Նոնա	Անժելա Սարգսյան	Արկադիի նախկին կինը։	1 – 2
Սոֆա	Հասմիկ Ղարիբյան	Վարդանի հարևանը։ Վերջինիս հետ մի ժամանակ ունեցել էր սեռական կապ, ինչի արդյունքում նա հաճախ էր սիրահետում Վարդանին։	1 – 5
Հալալ և Զուլալ	Անդրանիկ Հարությունյան Ռաֆայել Երանոսյան	Վարդանի ընկերները։ Իրար հետ ժամանակին նույնպես ձեռք են բերել հեղինակություն իրենց թաղերում, ապա հետագայում սկսել են գովազդի արտադրությամբ զբաղվել։	1, 4 – 6
Կարլեն Կարլենիչ	Մկրտիչ Արզումանյան	Վարդանի հարևանը։ Պատգամավոր է, միշտ շփվում է Կարագյոզյանների հետ իր պատշգամբից։ Նա միակ կերպարն է, որը չի երևում հեռուստադիտողին։	2 – 6
Շահեն Լիպարիտովիչ	Կարեն Միրիջանյան	Սեդայի նոր ընկերը։ Մասնագիտությամբ հոգեբան է, որը վերջում բացահայտվել էր Գեորգի Միրզոյանի կողմից։	1 – 5
Գեորգի Միրզոյան	Հովհաննես Ազոյան	Վարդանի տան նոր գնորդը։ Փիլիսոփայական գիտությունների դոկտոր և հոգեբան է, որը իր հետազոտումները կատարում է Պոլ Էքմանի աշխատությունների վրա։	5
Մոնիկա	Ռիփի	Վարդանի ընկերուհին։ Նա պատրաստվում էր ամուսնանալ Վարդանի հետ իր ունեցվածքի համար, զուգահեռ ունենալով սիրեկան։ Վերջում նա բացահայտվում է ընտանիքի կողմից, սակայն Վարդանից հղիանում է և պարգևում զավակ։	4 – 5
Էմանուելա (Եվա)	Աննա Բաբայան	Արկադիի նոր կինը։ Սկզբում նա ընդունվել էր ռեստորան որպես մատուցողուհի, սակայն հետո պարզվեց որ նա մեծահարուստ Աշոտ Տեր–Աբրահամյանի դուստրն է։	6

Տես նաև

• Տնփեսա (հեռուստասերիալ)

Արտաքին հղումներ

• Ո՞րն է լինելու «Նոր Հայաստան»-ի հետագա պայքարը (Լուսանկարներ)
• Մկրտիչ Արզումանյան