Լոս Գլասիրարես

Վիքիպեդիայից՝ ազատ հանրագիտարանից
Լոս Գլասիրարես
Parque Nacional Los Glaciares
Изображение логотипа
Տեսակnational park of Argentina?
Երկիր Արգենտինա
ՎարչատարածքՍանտա Կրուս
Հիմնվել է1939
Մակերես243 943
ԲԾՄ919 մետր
Լոս Գլասիրարեսը գտնվում է Արգենտինաում
Լոս Գլասիրարես
Լոս Գլասիրարեսը գտնվում է Երկիրում
Լոս Գլասիրարես

Ազգային պարկ Լոս Գլասիրարես (իսպ.՝ Parque Nacional Los Glaciares, սառույցներ), ազգային այգի, որը գտնվում է Պատագոնիայում (Հարավային Ամերիկայում)` Արգենտինայի Սանտա Կրուս գավառում։ Այգու տարածքը կազմում է 445900 հեկտար[1]։ 1981 թվականին մտել է համաշխարհային ժառանգության ցանկի մեջ։

Նկարագրություն[խմբագրել | խմբագրել կոդը]

Լոս Գլասիարյասը հիմնադրվել է 1937 թվականին։ Այն Արգենտինայի երկրորդ ազգային պարկն է ըստ մեծության։ Իր անվանումը ստացել է Անդերի սառցե մեծ գլխարկից, որը սնուցում է 47 խոշոր սառցադաշտեր, որոնցից 13-ը հոսում են դեպի Ատլանտյան օվկիանոս։ Սա Անտարկտիդայից և Գրենլանդիայից հետո ամենամեծ սառցե լեռնազանգվածն է։ Աշխարհի մյուս մասերում սառցպատումը սկսվում է ծովի մակարդակից առնվազն 2500 մ բարձրության վրա, բայց Լոս Գլասիրարես պարկում սառցե գլխարկի մեծության պատճառով սառեցումը սկսվում է 1500 մետրից և իջնում է մինչև 200 մետր` էրոզիայի եթարկելով իրենից ցած գտնցող լեռնալանջերը։

Լոս Գլասիրարեսի տարածքը, որը 30% ծածկված է սառույցով, կարելի է բաժանել երկու մասի, որոնցից յուրաքանչյուրը վերաբերում է իր լճին։ Արգենտինայի ամենամեծ լիճը` Լագո-Արգենտինոն (մակերեսը 1466 կմ²) գտնվում է պարկի հյուսիսային տարածքում, իսկ Վիեդման (մակերեսը 1100 կմ²)` հյուսիսային մասում։ Երկու լճերն էլ սնում են Սանտա Կրուզ գետը, որը հոսում է դեպի Ատլանտյան օվկիանոսի ափերը։ Այս երկու մասերի միջև գտնվում է զբոսաշրջիկների համար փակ Կենտրոնական գոտին (Zona Centro), որում լճեր չկան։

Հյուսիսային պարկը ներառում է իր մեջ Վիեդմա լճի մի մասը, Վիեդմա սառցադաշտը, ոչմեծ սառցադաշտերը և լեռնագնացներին և լեռնային զբոսաշրջիկններին ։

Պարկի հարավային մասը` մի շարք փոքրիկ սառցեդաշտերի հետ միասին ընդգրկում է Արգենտինո լիճը թափվող հիմնական սառցադաշտերը` Պերիտո-Մորենո, Ուպսալա, Սպեգազինի։ Նավով էքսկուրսիան հիմնականում ընդգրկում է այլ կերպ հասանելիություն չունեցող Ուպսալա և Սպեգազինի սառցադաշտերը, ի տարբերություն Պետրո Մորենո սառցադաշտի, որտեղ կարելի է հասնել ցամաքով։

Պարկ Լոս-Գլասիրարեսը միջազգային զբոսաշրջության հանրահայտ ուղղություններից է։ Արշավային երթերը սկսվում են Էլ-Կալաֆատե քաղաքում, որը գտնվում է Արգենտինո լճի ափին և Էլ Չալեն գյուղում, որը գտնվում է պարկի հյուսիսային մասու` Ֆիցռոյ լեռան ստորոտում։

Կլիմա, բուսական և կենդանական աշխարհ[խմբագրել | խմբագրել կոդը]

Անդերը զսպում են Խաղաղ օվկիանոսի խոնավության մի մասը, ինչը ստեղծում է Տափաստանային չոր կլիմա լեռնաշղթայի արգենտինյան հատվածում։ Տարեկան միջին ջերմաստիճանը կազմում է 7,5 °C: Տարածքում ապրում են նանդուներ, գուանակոներ, կատվառյուծներ, հարավամերիկյան գորշ աղվեսներ, որոնք անասնաբուծական արդյունաբերության զարգացման պատճառոց ոչնչացման եզրին են հայտնվել։ Պարկում բնակվում են նաև բազմատեսակ թռչյուններ։

Սառցադաշտերի և պատագոնյան տափաստանի միջև պարարտ հողեր կան, որտեղ հիմնականում աճում են նոտոֆագուսներով անտառներ (Մագելանյան անտառների մի մասը)։ Այդ տարածքներում բնակվում են եղնիկներ և բադեր։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Characterization» (անգլերեն)։ Los Glaciares National Park։ Վերցված է 2017-05-11 

Արտաքին հղումներ[խմբագրել | խմբագրել կոդը]