Իմրան Կասումով

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Կասումով (այլ կիրառումներ)
Իմրան Կասումով
İmran Qasımov.jpg
Ծնվել էնոյեմբերի 25, 1918(1918-11-25)
ԾննդավայրԲաքու, Baku Uyezd, Ադրբեջանի Ժողովրդավարական Հանրապետություն
Վախճանվել էապրիլի 20, 1981(1981-04-20) (62 տարեկանում)
Վախճանի վայրԲաքու, ԱԽՍՀ, ԽՍՀՄ
Մասնագիտությունգրող և քաղաքական գործիչ
ՔաղաքացիությունԱդրբեջանի Ժողովրդավարական Հանրապետություն
Flag of the Soviet Union.svg ԽՍՀՄ
ԿուսակցությունԽՄԿԿ
Պարգևներ«Պատվո նշան» շքանշան

Կասումով Իմրան Հաշիմ օղլի (նոյեմբերի 25, 1918(1918-11-25), Բաքու, Baku Uyezd, Ադրբեջանի Ժողովրդավարական Հանրապետություն - ապրիլի 20, 1981(1981-04-20), Բաքու, ԱԽՍՀ, ԽՍՀՄ), ադրբեջանցի խորհրդային գրող, դրամատուրգ, հասարակական գործիչ։ Ադրբեջանի ԽՍՀ արվեստի վաստակավոր գործիչ (1960 թ.)։ ԽՄԿԿ անդամ 1946 թվականից։ 1961-1975 թվականներին՝ Ադրբեջանի գրողների միության վարչության քարտուղար, 1975 թվականից՝ առաջին քարտուղարը։ ԽՍՀՄ գրողների միության քարտուղար (1976 թ.)։

Նրա սցենարներով ստեղծվել են «Ծովը նվաճողները» (1958, լենինյան մրցանակ, 1961), «Պատմվածք Կասպիի նավթագործների մասին» (1959, երկուսն էլ Ռ. Կարմենի հեղինակակցությամբ), «Մեր փողոցը» (1963 թ.) և այլ կինոնկարներ։ ժամանակակից մարդու աշխատանքային սխրանքներին, նրա ներաշխարհի բացահայտմանն են նվիրված «Երազանք» (1938), «Ծովը սիրում է խիզախներին» (1954 թ.), «Ինչի համար ես ապրում» (1959, երկուսն էլ Հ. Սեիդբեյլիի հետ), «Հեքիաթի սկիզբը» (1972), «Մենք այնքան քիչ ենք ապրում» (1973) և այլ պիեսներ, որոնք բեմադրվել են Բաքվում, Մոսկվայում և այլուր։ Երևանի Գաբրիել Սունդուկյանի անվան դրամատիկական թատրոնը 1976 թվականին բեմադրել է Կասումովի «Գլուխդ բարձր, զինվոր» դրաման։ Կասումովը հեղինակ է «Ֆրանսիական գոբելեն» (1970 թ.) և «Իտալական խճանկար» (1972) փաստագրական վիպակների։

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 278 CC-BY-SA-icon-80x15.png