Ժաքլին Սյուզան

Ժաքլին Սյուզան; անգլ.՝ Jacqueline Susann; անգլ.՝ Jacqueline Susann
Ծնվել է	օգոստոսի 20, 1918[…]
Ծննդավայր	Ֆիլադելֆիա, Փենսիլվանիա, ԱՄՆ
Վախճանվել է	սեպտեմբերի 21, 1974[…] (56 տարեկան)
Վախճանի վայր	Նյու Յորք, Նյու Յորք, ԱՄՆ
Մասնագիտություն	դերասանուհի, գրող, վիպասան, թատրոնի դերասանուհի, հեռուստատեսային դերասանուհի և կինոդերասանուհի
Լեզու	անգլերեն
Քաղաքացիություն	ԱՄՆ
Ժանրեր	սիրավեպ
Ամուսին	Իրվինգ Մենսֆիլդ
	Jacqueline Susann Վիքիպահեստում

Ժաքլին Սյուզան (անգլ.՝ Jacqueline Susann օգոստոսի 20, 1918(1918-08-20)^[1]^[2]^[3]^[…], Ֆիլադելֆիա, Փենսիլվանիա, ԱՄՆ^[4] - սեպտեմբերի 21, 1974(1974-09-21)^[1]^[2]^[3]^[…], Նյու Յորք, Նյու Յորք, ԱՄՆ^[4]), ամերիկացի գրող, «Տիկնիկների հովիտ» (1966) բեսթսելլերի հեղինակ։

Կենսագրություն

Վաղ տարիներ

Ժաքլինը ծնվել է Ֆիլադելֆիայում։ Դպրոցում նա եղել է շատ ծույլ, բայց փոխարենը շատ ողջամիտ աշակերտուհի՝ IQ թեստում ունենալով ամենաբարձր գնահատականը։ Դպրոցն ավարտելուց հետո նա չի ընդունվել քոլեջ, այլ մեկնել է Նյու Յորք, որտեղ որոշել է սկսել իր դերասանական կարիերան^[5]։ Այնտեղ նա ամուսնացել է Իրվինգ Մենսֆիլդի հետ, ով մամուլի գործակալ էր։ Մենսֆիլդի շնորհիվ Ժաքլինի նկարները հայտնվել են Բրոդվեյ թատրոնի նշանավոր գործակալների մոտ, ինչից հետո Ժաքլինը ստացել է իր առաջին թատերական դերերը։ Որոշ ժամանակ անց Ժաքլինը հայտնվել է կինոյում։

Ընտանիք

1946 թվականին Սյուզանն ունեցել է Գայ որդուն, որի մոտ շուտով ախտորոշվել է աուտիզմ։ Զույգն ստիպված էր երեխային ուղարկել հատուկ բժշկական հաստատություն, ինչի համար հետագայում Ժաքլինն իրեն շատ է նախատել^[6]։

1940-ական թվականների վերջերից սկսած լուրեր են տարածվել Ժաքլինի երկսեռականության մասին, Քերոլ Լենդիսի հետ կապի, ինչպես նաև Կոկո Շանելով և Բրոդվեյի լեգենդ՝ Էթել Մերմանով հրապուրվելու մասին։ Սակայն Սյուզանի մտերիմ ընկերները հերքել են բոլոր նմանատիպ պնդումները^[6]։

Բուռն աշխատանքային շրջան

1950-ական թվականների կեսերից Սյուզանը Նյու Յորքի թերթերից մեկի սյունակն է վարել, իսկ 1960-ական թվականների սկզբին նա հրատարակել է իր առաջին գիրքը՝ նվիրված իր պուդել տեսակի շանը՝ Ժոզեֆին։ Շուտով Ժաքլինի մոտ ախտորոշվել է կրծքագեղձի քաղցկեղ, և 1962 թվականին նրան արել են մասթէկտոմիա (ռուս.՝ мастэктомия): Չնայած դրան, Սյուզանը ձեռնամուխ է եղել իր երկրորդ` Տիկնիկների հովիտ գիրքը գրելուն, որը 1966 թվականին բերել է նրան համաշխարհային ճանաչում։ Գիրքը վաճառվել է տպագրված միլիոնավոր օրինակներով և ճանաչվել է՝ պատմության մեջ ամենալավ վաճառված վեպ^[7]։ Այնուամենայնիվ, մինչ նրա հրատարակումը լուրջ խնդիրներ են առաջացել, քանի որ հրատարակիչները չեն ցանկացել նման գրականություն հրատարակել` համարելով որ սյուժեն, որը պատմում է հոլիվուդյան աստղերի անդրկուլիսյան կյանքի մասին, հաջողություն չի ունենա։ Ժաքլինը շատ ջանք է գործադրել իր վեպը առաջ մղելու համար։ Նա շատ է ճանապարհորդել ԱՄՆ-ի գրախանութներով, այնտեղ ինքնագրեր է բաժանել երկրպագուներին, ինչպես նաև շատ է շփվել նրանց հետ։

1967 թվականին «Տիկնիկների հովիտ» վեպը էկրանավորվել է, և գլխավոր դերերից մեկը խաղացել են Փաթի Դյուկը և Շերոն Թեյթը։ Ժաքլին Սյուզանն անձամբ հայտնվել է այդ ֆիլմի դրվագային դերում` վեպի հերոսներից մեկի՝ Ջենիֆեր Նորթի ինքնասպանությունից հետո խաղալով լրագրողուհու դերը։

Մահ

«Տիկնիկների հովիտ» վեպից հետո Ժաքլինը գրել է ևս չորս հայտնի վեպեր, սակայն 1973 թվականին ստիպված է եղել աշխատանքը թողնել, քանի որ նրա մոտ կրկին հայտնաբերվել է քաղցկեղ։ Սյուզանն այլևս չէր կարող նախկինի պես շրջագայության մեկնել՝ ի պաշտպանություն իր գրքերի։ Նրա առողջությունը վատացել էր, որը թուլացել էր նաև քիմիաթերապիայի արդյունքում^[6]։ Նա իր կյանքի վերջին յոթ շաբաթն անցկացրել է հիվանդանոցում քնափության^[8] մեջ։ Ժաքլին Սյուզանը մահացել է 1974 թվականի սեպտեմբերի 21-ին, 56 տարեկանում։

Ճանաչում

Ռուսաստանում և հարակից երկրներում Սյուզանի ստեղծագործությունների նկատմամբ հետաքրքրության մեծ աճ նկատվել է 1990-ական թվականների առաջին կեսին, երբ միայն «Տիկնիկների հովիտը» հինգ թարգմանություններով հրատարակել են զանգվածային տպագրության մի քանի տասնյակ հրատարակություններ։

2000 թվականին էկրանավորվել է «Իրական կին» ֆիլմը, որը պատմում է Ժաքլին Սյուզանի կյանքի մասին, որտեղ նրա դերը խաղացել է Բեթ Միդլերը։

Պատկերասրահ

Մատենագրություն

Ամեն գիշեր, Ժոզեֆի՜նա (1963) ISBN 0-14-303434-0
Տիկնիկների հովիտ (1966) ISBN 0-8021-3519-6
Սիրո մեքենան (1969) ISBN 0-8021-3544-7
Մի անգամը քիչ է (1973) ISBN 0-8021-3545-5
Դոլորես (1976) ISBN 0-553-20958-2
Յարգո (1979) ISBN 0553128558

Ծանոթագրություններ

1 2 3 4 Bibliothèque nationale de France data.bnf.fr (ֆր.): տվյալների բաց շտեմարան — 2011.
1 2 3 4 Internet Broadway Database — 2000.
1 2 3 4 Internet Speculative Fiction Database — 1995.
1 2 3 4 Deutsche Nationalbibliothek Record #1026667666 // Gemeinsame Normdatei (գերմ.) — 2012—2016.
↑ Jacqueline Susann
1 2 3 Jacqueline Susann. LIFESTYLE
↑ All-Time Bestselling Books and Authors
↑ Ռուս-հայերեն բառարան

Արտաքին հղումներ

Ժաքլին Սյուզան (անգլ.) Internet Movie Database կայքում

[_86337d2c21d16cd4-1] 1 2 3 4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_f0cf8ac5a3aef514-2] 1 2 3 4 Internet Broadway Database — 2000.

[_12d9e84f9b39c0d0-3] 1 2 3 4 Internet Speculative Fiction Database — 1995.

[_cd893bafc8cb19dc-4] 1 2 3 4 Deutsche Nationalbibliothek Record #1026667666 // Gemeinsame Normdatei (գերմ.) — 2012—2016.

[5] Jacqueline Susann

[Jacqueline_Susann-6] 1 2 3 Jacqueline Susann. LIFESTYLE

[7] All-Time Bestselling Books and Authors

[8] Ռուս-հայերեն բառարան

[1]

[2]

[3]

[4]

[5]

[6]

[7]

[8]