Թաիր Սալախով

Վիքիպեդիայից՝ ազատ հանրագիտարանից
Jump to navigation Jump to search
Թաիր Սալախով
ադրբ.՝ Tahir Teymur oğlu Salahov
Tair Salakhov.jpg
Ծնվել էնոյեմբերի 29, 1928(1928-11-29)[1][2] (90 տարեկան)
ԾննդավայրԲաքու, ԱԽՍՀ, ԱԽՖՍՀ, ԽՍՀՄ
ՔաղաքացիությունFlag of Azerbaijan.svg Ադրբեջան
Flag of Russia.svg Ռուսաստան
Flag of the Soviet Union.svg ԽՍՀՄ
ԱզգությունԱդրբեջանցի
ԿրթությունՄոսկվայի գեղարվեստական ինստիտուտ և Ազիմ Ալիմզադեի անվան գեղարվեստի ուսումնարան
ԵրկերFor You?
Մասնագիտություննկարիչ, արվեստների գործիչ և քաղաքական գործիչ
ԱշխատավայրՄոսկվայի գեղարվեստական ինստիտուտ
Զբաղեցրած պաշտոններԽՍՀՄ գերագույն խորհրդի պատգամավոր
Քաղաքական կուսակցությունԽՄԿԿ
Պարգևներ և
մրցանակներ
ԽՍՀՄ պետական մրցանակ Ռուսաստանի Դաշնության ժողովրդական նկարիչ Լենինի շքանշան Սոցիալիստական աշխատանքի հերոս Հոկտեմբերյան հեղափոխության շքանշան «Հայրենիքին մատուցած ծառայությունների համար» II աստիքանի շքանշան Հայրենիքին մատուցած ծառայությունների համար 3-րդ աստիճանի շքանշան ԽՍՀՄ ժողովրդական նկարիչ Աշխատանքային Կարմիր դրոշի շքանշան Ժողովուրդների բարեկամության շքանշան «Մոսկվայի 850-ամյակի հիշատակի» մեդալ Բարեկամության շքանշան «Աշխատանքային գերազանցության համար» մեդալ Հեյդար Ալիևի շքանշան «Անկախություն» շքանշան Պատվավոր լեգիոնի շքանշանի սպա Արվեստի և գրականության շքանշանի սպա Պատվի շքանշան Վլադիմիր Իլյիչ Լենինի ծննդյան 100-ամյակի հոբելյանական մեդալ Փառքի և Պատվի շքանշան Ռուսաստանի Դաշնության Պետական մրցանակ Ադրբեջանական ԽՍՀ պետական մրցանակ և Labor Order (Azerbaijan)?
ԱնդամությունԽՍՀՄ նկարիչների միություն և ԽՄԿԿ Կենտրոնական կոմիտե
ԵրեխաներAidan Salakhova?
Tahir Salahov Վիքիպահեստում

Թաիր Թեյմուր Օղլի Սալախով (ադրբ.՝ Tahir Teymur oğlu Salahov, նոյեմբերի 29, 1928(1928-11-29)[1][2], Բաքու, ԱԽՍՀ, ԱԽՖՍՀ, ԽՍՀՄ), ադրբեջանցի խորհրդային նկարիչ։ ԽՍՀՄ ժողովրդական նկարիչ (1973 թվական)։ ԽՍՀՄ Գեղարվեստի ակադեմիայի իսկական անդամ (1975 թվական)։ ԽՄԿԿ անդամ 1964 թվականից։

Կենսագրություն[խմբագրել | խմբագրել կոդը]

1945-1950 թվականներին սովորել է Բաքվի Ազիմզադեի անվան գեղարվեստի ուսումնարանում, 1951-1957 թվականներին՝ Մոսկվայի Սուրիկովի անվան գեղարվեստի ինստիտուտում։ 1963-1974 թվականներին դասավանդել է Բաքվի Ալիևի անվան արվեստի ինստիտուտում (1973 թվականից՝ պրոֆեսոր), 1975 թվականից՝ Մոսկվայի Սուրիկովի անվան գեղարվեստի ինստիտուտում։ Սալախովը հեղինակ է Բաքվի նավթագործների կյանքը պատկերող ժանրային հորինվածքների, դիմանկարների, ինչպես և բնանկարների ու նատյուրմորտների։ Սալախովի աշխատանքներին բնորոշ են գրաֆիկորեն հստակ ձևերի մոնումենտալությունը, ռիթմիկ կոմպոզիցիան, լարված, ընդգծված հակադրություններով գունապատկերը։ Գործերից են՝ Կարա Կարաևի դիմանկարը (1960 թվական, Տրետյակովյան պատկերասրահ, Մոսկվա), «Նորոգող բանվորներ» (1961 թվական, Ադրբեջանի Մուստաֆաևի անվան արվեստի թանգարան, Բաքու), «Կասպիականի ափին» (1967 թվական, ԽՍՀՄ նկարիչների միության սեփականություն, Մոսկվա, երեքի համար՝ ԽՍՀՄ պետական մրցանակ, 1968 թվական), «Նոր ծով» (1970 թվական, Ադրբեջանի ԽՍՀ կուլտուրայի մինիստրության սեփականություն, Բաքու, Ադրբեջանական ԽՍՀ պետական մրցանակ, 1970 թվական), «Ապշերոն» (1969 թվական, ԽՍՀՄ նկարիչների միության սեփականություն) գրաֆիկական շարքը, Շեքսպիրի «Անտոնիոս և Կլեոպատրա» ներկայացման ձևավորումը Բաքուի Ազիզբեկովի անվան ակադեմիական դրամատիկ թատրոնում (1964 թվական, Ադրբեջանական ԽՍՀ Ախունդովի անվան մրցանակ, 1965 թվական)։ Սալախովը բարեկամական կապեր է պահպանել հայ նկարիչների հետ, հանդես եկել հայ կերպարվեստագետներին նվիրված հոդվածներով։

ԽՍՀՄ 7-8 գումարումների Գերագույն խորհրդային պատգամավոր, ԽՄԿԿ 23-24 համագումարների պատգամավոր։ ԽՍՀՄ նկարիչների միության վարչության առաջին քարտուղար (1973 թվականից)։

Պարգևներ[խմբագրել | խմբագրել կոդը]

Պարգևատրվել է Աշխատանքային կարմիր դրոշի շքանշանով։

Ծանոթագրություններ[խմբագրել | խմբագրել կոդը]

  1. 1,0 1,1 Салахов Таир Теймур оглы // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. 2,0 2,1 RKDartists
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 115 CC-BY-SA-icon-80x15.png