Էռնեստո Ռամիրես Ալոնսո

Էռնեստո Ռամիրես Ալոնսո (իսպ.՝ Ernesto Ramirez Alonso, mas conocido como El señor telenovelaփետրվարի 28, 1917(1917-02-28)^[2], Ագուասկալիենտես (քաղաք), Մեքսիկայի Միացյալ Նահանգներ - օգոստոսի 7, 2007(2007-08-07)^[1]^[2], Մեխիկո, Մեքսիկայի Միացյալ Նահանգներ), մեքսիկացի դերասան, օպերատոր, պրոդյուսեր և ռեժիսոր։ Մեծ ներդրում է ունեցել մեքսիկական կինեմատոգրաֆիայի զարգացման գործում։ Ֆիլմերում և հեռուստասերիալներում կատարել է 121 աշխատանք, որոնցից 76-ը որպես պրոդյուսեր, 54-ը՝ դերասան, 15-ը՝ ռեժիսոր և 6-ը որպես օպերատոր։

Կենսագրություն

Ալոնսոն ծնվել է 1917 թվականի փետրվարի 28-ին՝ Ագուասկալենտեսում։ Մանկուց երազել է դերասան դառնալ, այդ պատճառով էլ միջնակարգ դպրոցն ավարտելուց հետո ընդունվել է թատերական-գեղարվեստական ֆակուլտետ։ 1937 թվականին մեքսիկական կինեմատոգրաֆիայում կատարել է իր առաջնելույթը, և այդ ժամանակվանից ի վեր մասնակցել է տարբեր ժանրային ուղղություններով ֆիլմերի և հեռուստասերիալների 122 աշխատանքների։ Հաջողությունն անսպասելիորեն ժպտացել է նրան. հյուրախաղերով Ագուասկալենտես են եկել թատերական դերասանուհիներ Իզաբել և Անիտա Բլանչ քույրերը և նրան տարել են Մեխիկո, որտեղ 1941 թվականին չորս տարվա ընդմիջումից հետո կրկին մուտք է գործել կինեմատոգրաֆիայի աշխարհ և զարգացրել այն մինչև մահ։

1950-ական թվականների վերջին նա անցել է կարճաժամկետ դասընթացներ, որոնք Մեքսիկայի վարչական կառավարման ինստիտուտը կազմակերպել է ֆիլմերի և հեռուստասերիալների պրոդյուսերների ֆակուլտետում (նույն ինստիտուտում, որտեղ սովորել է Վալենտին Պիմշտեյնը, սակայն Պիմշտեյնը շատ ավելի երկար է սովորել այնտեղ), և ստացել է վկայական, որից հետո ամբողջովին նվիրվել է իր մասնագիտությանը՝ որպես պրոդյուսեր բեմադրելով 76 հեռուստասերիալ, որից հետո ինչ-որ մեկը նրան անվանել է «Սինյոր տելենովելլա»։

1960-ական թվականներին նա պայմանագիր է կնքել լատինաամերիկացի գրող Քարիդադ Բրավո Ադամսի հետ, որից հետո նրա վեպերից շատերը էկրանավորվել են ոչ միայն Մեքսիկայում, այլև Լատինական Ամերիկայի որոշ երկրներում։ Դրանից հետո նա պայմանագրեր է ստորագրել Ֆերնանդա Վիլելի, Կարմեն Դանիելսի, Մարիա Սարատինիի և այլ լատինամերիկացի գրողների հետ, որոնց վեպերը նույնպես էկրանավորվել են։

Նա իր գործունեության ընթացքում օգնել է բազմաթիվ դերասանների և դերասանուհիների։ Երիտասարդ տարիներից մտերիմ է եղել նշանավոր դերասանուհի Մարիա Ֆելիքսի հետ։ Այդ բարեկամությունը տևել է մինչև Մարիայի մահը (2002 թվական)։ Նա մտերիմ է եղել նաև դերասանուհի Միրոսլավա Ստերնի հետ։ Էրնեստոն այսպես կոչված «Պատմական տելենովելլայի» միակ պրոդյուսերն է եղել, որի սյուժեներն ու փաստարկները համակողմանիորեն լուսաբանել են Մեքսիկայի պատմության տարբեր իրադարձությունները։

Մահացել է 2007 թվականի օգոստոսի 7-ին` Մեխիկոյում։

Մահ

Էրնեստո Ալոնսոն մահացել է 90 տարեկան հասակում՝ Մեխիկոյի իր առանձնատանը^[3]։

Ֆիլմագրություն

Որպես դերասան

Հեռուստասերիալների ընտրանի

2000-2001 - «Ինձ ավելի ամուր գրկիր»՝ Պադրե Բոսկո
2002 - «Սիրո և ատելության միջև»՝ Պադրե Աբադ

Ֆիլմեր

1955 - «Հանցագործության փորձ»՝ Արչիբալդո դե լա Կրուս

Որպես պրոդյուսեր

Հեռուստասերիալների ընտրանի

1971 - «Իտալուհին պատրաստվում է ամուսնանալ»՝ ռեժիսոր, բեմադրող
1975 - «Պալոմա»
1980 - «Ապրում եմ կարմիր աշխարհում»
1981 -
- «Ինձ հավերժ սիրիր»
- «Ծնվելու իրավունք»
1983 - «Անեծք»՝ պրոդյուսեր և դերասան (Էնրիկե դե Մարտինո)
1985 - «Ոչ ոք բացի քեզնից»
1986 - «Մի շղթայով կապվածները»
1988 - «Նոր առավոտ»
1990 - «Ես գնում եմ այս կնոջը»
1994 - «Արծվի թռիչքը»
1996 - «Վառված ջահը»
1997 - «Բաժանվածները»
2004 - «Իմ մեղքը քո հանդեպ տածած սիրո մեջ է»
2005 - «Խոչընդոտը՝ սիրո ճանապարհին»

Մրցանակներ

TVyNovelas (մեքսիկական մրցանակ) (23-ից 12-ը)

Որպես պրոդյուսեր

Տարի	Անվանակարգ	Հեռուստանովել	Մրցանակաբաշխության արդյունքներ
2004	Լավագույն հեռուստանովել	Իմ մեղքը քո հանդեպ տածած սիրո մեջ է	պարտություն
2003	Լավագույն հեռուստանովել	Ուրիշը	հաղթանակ
2000	Լավագույն հեռուստանովել	Կրքի լաբիրինթոսները	հաղթանակ
1997	Լավագույն հեռուստանովել	Վառված ջահը	պարտություն
1995	Լավագույն հեռուստանովել	Արծվի թռիչքը	պարտություն
1991	Լավագույն հեռուստանովել	Ես գնում եմ այս կնոջը	պարտություն
1991	Լավագույն պրոդյուսեր	Ես գնում եմ այս կնոջը	հաղթանակ
1989	Լավագույն հեռուստանովել	Մի շղթայով կապվածները	պարտություն
1988	Լավագույն հեռուստանովել	Փառքի ճանապարհ	պարտություն
1988	Լավագույն հեռուստանովել	Վիկտորիա	պարտություն
1987	Լավագույն հեռուստանովել	Herencia maldita	պարտություն
1986	Լավագույն հեռուստանովել	De pura sangre	հաղթանակ
	Լավագույն հեռուստանովել	Անխելիկա	պարտություն
	Լավագույն հեռուստանովել	Ոչ ոք բացի քեզնից	պարտություն
1985	Լավագույն հեռուստանովել	Դավաճանություն	հաղթանակ
1984	Լավագույն հեռուստանովել	Ատելության հարսանիքները	հաղթանակ
1984	Լավագույն հեռուստանովել	Անեծք	պարտություն
1983	Լավագույն հեռուստանովել	Ծնվելու իրավունք (TVyNovelas մրցանակի առաջին դափնեկիրը)	հաղթանակ

Որպես դերասան

Տարի	Անվանակարգ	Հեռուստանովել	Մրցանակաբաշխության արդյունքներ
1990	Լավագույն դերասան	Սպիտակը և սևը	հաղթանակ
1984	Լավագույն դերասան	Անեծք	հաղթանակ

Հատուկ մրցանակներ

2005 - Premio especial a la excelencia
1986 - Trayectoria como pionero artístico
1983 - Premio especial por trayectoria artística

INTE (ոչ մի մրցանակ)

Տարի	Անվանակարգ	Հեռուստանովել	Մրցանակաբաշխության արդյունքեր
2003	Տարվա լավագույն հեռուստանովել	Ուրիշը	պարտություն

El Heraldo (1-ից 1-ը)

Տարի	Անվանակարգ	Հեռուստանովել	Մրցանակաբաշխության արդյունքներ
1995	Լավագույն հեռուստանովել	Արծվի թռիչքը	հաղթանակ

Ariel (2-ից 1-ը)

Տարի	Անվանակարգ	Ֆիլմ	Մրցանակաբաշխության արդյունքներ
2006	Արիել ոսկե մրցանակ	Մեքսիկական կինեմատոգրաֆիայի մեջ բազմամյա անձնական ներդրման համար	հաղթանակ
1956	Լավագույն դերասան	Հանցագործության փորձ	պարտություն

Ծանոթագրություններ

↑ ^1,0 ^1,1 http://www.nytimes.com/2007/08/11/obituaries/11alonso.html
↑ ^2,0 ^2,1 ^2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ «Ernesto Alonso, 90, Telenovela Director, Dies». The New York Times. The Associated Press. 2007 թ․ օգոստոսի 11. ISSN 0362-4331. Վերցված է 2016 թ․ հունիսի 5-ին.

Արտաքին հղումներ

[_d0d1b236f24d4e25-1] 1,0 ^1,1 http://www.nytimes.com/2007/08/11/obituaries/11alonso.html

[_f14fea6ac2eb2fc2-2] 2,0 ^2,1 ^2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[3] «Ernesto Alonso, 90, Telenovela Director, Dies». The New York Times. The Associated Press. 2007 թ․ օգոստոսի 11. ISSN 0362-4331. Վերցված է 2016 թ․ հունիսի 5-ին.

[2]

[1]

[3]