Ագուասկալիենտես (քաղաք)

Ագուասկալիենտես
Բնակավայր
	Ագուասկալիենտես
	իսպ.՝ Aguascalientes
	21°52′51″N 102°17′46″W / 21.88083°N 102.29611°W
Երկիր	Մեքսիկա
Համայնք	Aguascalientes Municipality?
Հիմնադրված է	1575 թ.
Մակերես	1168,72 կմ²
ԲԾՄ	1888±1 մետր
Պաշտոնական լեզու	իսպաներեն
Բնակչություն	▼863 893 մարդ (մարտի 15, 2020)
Հեռախոսային կոդ	449
Փոստային դասիչ	20000–20999
Պաշտոնական կայք	ags.gob.mx(իսպ.)
	Ագուասկալիենտես (քաղաք) (Մեքսիկա)
	Ագուասկալիենտես (քաղաք) (Մեքսիկա)
	Ագուասկալիենտես Վիքիպահեստում

Ագուասկալիենտես(իսպ.՝ Aguascalientes), քաղաք, որը գտնվում է Մեքսիկայում, Ագուասկալիենտես նահանգի մայրաքաղաքը և համանուն համայնքի վարչական կենտրոնը։ Բնակչությունը՝ ▼863 893 մարդ (մարտի 15, 2020)։

Անվանումը ծագում է իսպաներեն «aguas calientes» բառերից է, որոնք նշանակում են «տաք ջրեր»։

Պատմություն

Քաղաքը հիմնադրել է 1575 թվականի հոկտեմբերի 22-ին Խուան դե Մոնտորո Ռոդրիգեսը։ Քաղաքն առաջացել է որպես կայան, որը նախատեսված էր Սակատեկասի և Մեխիկոյի միջակայքում հանգիստ առնելու համար։ Չէր ենթադրվում, որ բնակավայրը կարևոր կետ կլինի, այնուամենայնիվ, քաղաքը դարձավ նահանգի մայրաքաղաք, և նրա մետրոպոլիսային տարածքում ներկայումս ապրում է շուրջ մեկ միլիոն մարդ^[1]։

Այն դարձել է համանուն նահանգի գլխավոր քաղաքը, երբ նրա տարածքը 1835 թվականից առանձնացվել է հարևան Սակատեկաս նահանգից։ Սակատեկասից առանձնանալուց հետո Ագուասկալիենտեսը բուռն թափով զարգացել է՝ առաջ անցնելով հարևան քաղաքներից։

Ագուասկալիենտեսը սկզբանապես բաղկացած էր չորս շրջաններից.

Գվեդելուպան, որտեղ շատ ճանապարհորդներ ուղևորության ընթացքում մնացին Մեքսիկայի մայրաքաղաքում։ Այստեղ են գտնվում Մեքսիկայի ամենագեղեցիկ գերեզմանատները։
Տրիանա, որը անվանվել է ի պատիվ Սևիլյաի լեգենդար շրջանի։ Իսպանական ավանդույթներն այստեղ դրսևորվում էին հին քաղաքի շինությունների ոճով։ Այստեղ է գտնվում Խոսե Գվադալուպ Պոսադայի տուն-թանգարանը և հոյակապ եկեղեցին։
Լա Սալյուդը վանական մեծ համալիր է, որը կիսակառույց է։ Կառուցել են միայն եկեղեցին, գերեզմանատունը և գաղութային ոճի հրապարակը։
Սան Մարկոսը մի վայր է, որտեղ հարյուրավոր տարիներ նշվում է Սուրբ Մարկոսի տոնը։ Այն ունի նեոդասական այգի և բարոկկո ոճով կառուցված եկեղեցի։

Ներկայիս վիճակ

Ներկայումս Ագուասկալիենտեսը բաղկացած է հին քաղաքից, որը հարուստ է գաղութային շրջանի շինություններով և շրջագծով, որտեղ արագընթաց ավտոմայրուղիները կիսում են արդյունաբերական գոտիները։ Այս քաղաքում ներգաղթի ցուցանիշը ավելի բարձր է, քան հարևան քաղաքներինը, ինչը կապված է ավելի բարձր կենսամակարդակի հետ։ Ներկայումս Ագուասկալիենտեսը Մեքսիկայում 13-րդ խոշորագույն քաղաքային ագլոմերիացիան է։ Այստեղ գործում են «Nissan», «Texas Instruments», «Sensata», «Flextronics» և «FANUC Robotics» և հանրահայտ այլ ընկերությունների ձեռնարկություններ։