Էվան Փիթերս
 | |
|---|---|
 Փիթերսը 2013 թ․ San Diego Comic-Con International-ին | |
| Հասակը | 1,80 մ |
| Ծնվել է | Հունվարի 20 1987 (28 տ) |
| Ծննդավայր | Սենթ Լյուիս, Միսսուրի, ԱՄՆ |
| Կրթություն | IES?, Burbank High School? և Grand Blanc Community High School? |
| Քաղաքացիություն |  ԱՄՆ |
| Ազգություն | ԱՄՆ |
| Մասնագիտություն | դերասան |
| Ակտիվ շրջան | 2004-այժմ |
| Ժանրեր | սարսափ, ֆանտաստիկա, դրամա, թրիլեր |
| Համատեղ ապրող(ներ) | Հոլզի և Էմմա Ռոբերթս |
| Պարգևներ և մրցանակներ | |
| IMDb | ID 1404239 |
| ԿինոՊոիսկ | ID 466506 |
Էվան Թոմաս Փիթերս (անգլ.՝ Evan Thomas Peters, հունվարի 20, 1987, Սենթ Լուիս, Միսսուրի, ԱՄՆ)[2], ամերիկացի դերասան։ Նա իր կարիերայի առաջին քայլն արեց 2004 թվականին, նկարահանվելով «Փրկելով Ադամին» ֆիլմում և խաղալով ամերիկյան ABC հեռուստաալիքի գիտաֆանտաստիկ սերիալում՝ «Ներխուժում» (2005-2006)։ Նա շատ հայտնի է իր տարատեսակ դերերով FX հեռուստաալիքի «Ամերիկյան սարսափ պատմություն» սերիալում, սուպերհերոսի մասին պատմող ֆիլմում երկրորդ պլանի հերոս Թոդ Հեյնսի Kick-Ass ֆիլմում և Իքս-մարդիկ։ Անցած ապագայի օրերը կինոնկարում Սնդիկի, մուտանտի դերով։
Սկզբնական տարիներ[խմբագրել | խմբագրել կոդը]
Փիթերսը ծնվել է ԱՄՆ-ի Միսսուրի նահանգի Սենթ Լյուիս քաղաքում, Ջուլի և Ֆիլ Փիթերսների ընտանիքում[2][3] Իր նախնական կրթությունը ստանում է Հռոմեական կաթոլիկ տարրական դպրոցում[4]։ Նա ունի եղբայր՝ Էնդրյու և քույր՝ Միշել[2] 2001 թվականին Փիթերսների ընտանիքը տեղափոխվում է Գրանդ Բլանկ, Միչիգան, որտեղ նա հաճախում է մոդելավորման և դերասանական արվեստի դասընթացների խմբակներ[3]։ Նա սովորում է Գրանդ Բլանկ ավագ դպրոցում[3] մինչև 15 տարեկանը, որից հետո իր մոր հետ տեղափոխվում է Լոս Անջելես, որպեսզի զարգացնի դերասանական վարպետությունը[2]։ նա ընդունվում է Բըրբանքի ավագ դպրոց որպես երկրորդ կուրսի աշակերտ, այնուհտեև անցնում է տնային դասավանդման[3]։
Կարիերա[խմբագրել | խմբագրել կոդը]
2004-2011․ վաղ կարիերա[խմբագրել | խմբագրել կոդը]
Իր երկրորդ լսումների ժամանակ Փիթերսին ընտրում է պրոդյուսեր Փիչիոտինոն, Ադամ Շեփարդի դերի համար՝ «Փրկելով Ադամին» ֆիլմում, որի համար նա ստացավ «Լավագույն առաջընթաց» մրցանակը Phoenix Film Festival-ում։ Նա խաղում է շատ հեռուստատեսային գովազդներում, մի շարք ընկերությունների համար՝ Sony PlayStation, Progressive Insurance, Moviefone, Sour Patch Kids, Papa John's Pizza և Kellogg։ 2004 թվականին, նա հայտնվում է Metro-Goldwyn-Mayer-ի Sleepover ֆիլմում որպես Ռասել «Սպանչբոբ» Հեյս և հայտնվում է ABC-ի «Օրերը» հեռուստասերիալում։ 2004-2005 թվականներից նա խաղում է Սեթ Ուոսմերի դերը Disney Channel-ի «Ֆիլը ապագայից» հեռուստասերիալի առաջին եթերաշրջանում։ 2005-2006 թվականներին նա մարմնավորել է Ջե Վերոնի դերը ABC-ի «Ներխուժում» գիտաֆանտաստիկ-թրիլեր սերիալում։
Այնուհետև Փիթերս ունենում է երկրորդական դերեր «Ամերիկյան հարցագործություն» (2007), «Գիշերային այգիներ» (2008), «Երբեք մի հանձնվիր» (2008) և «Երբեք մի հանձնվիր 2» (2011)։ Նա նաև խաղում է թատրոնում, «Օլիվեր Թվիստի» պիեսի բեմադրմանը մամնավորելով Ֆագինին։
2011-այժմ․ Առաջընթաց «Ամերիկյան սարսափ պատմություն»-ով[խմբագրել | խմբագրել կոդը]
Իր ամենահայտնի դերը, դա FX-ի «Ամերիկյան սարափ պատմության» առաջին եթերաշրջանում մարմնավորած դեռահաս խելագար-մարդասպանի՝ Թեյտ Լենգդոնի դերն է[5]։ Երկրորդ եթերաշրջանում, որը կոչվում է «Ամերիկյան սարսափ պատմություն․ Հոգեբուժարան» նա խաղում է Կիտ Ուոքերի դերը, մի մարդու ով սխալմամբ մեղադրվում է իր կնոջ սպանության մեջ։ Այս դերով նա առաջադրվում է Satellite մրցանակաբաշխության «Երկրորդ պլանի լավագույն դերասան կինոյում/սերիալում»[6][7]։ Երրորդ եթերաշրջանում, որտեղ նա մարմնավորում է Քայլ Սփենսերի դերը, ով սպանվել է և վերադարձվել է կյանք Ֆրանկենշտեյն հրեշի նման։ Հեռուստասերիալի չորրորդ եթերաշրջանում, որը կոչվում է «Ամերիկյան սարսափ պատմություն»․ Հրեշների կրկես», նա խաղում է Ջիմի Դարլինգի դերը, կրկեսի արտիստ՝ դեֆորմացված ձեռքերով[8]։
2014 թվականին, Փիթերսը նկարահանվում է «Մեծահասակների աշխարհ» կինոկատակերգությունում Էմմա Ռոբերթսի և Ջոն Քյուսաքի հետ[9]։ 2013 թվականի մայիսին ռեժիսոր Բրայան Սինգերը հայտարարում է, որ Փիթերսը կխաղա Իքս-մարդիկ։ Անցած ապագայի օրերը ֆիլմի Սնդիկ-մուտանտի դերը[10]։ Այդ նույն դերով նա կվերադառնա «Իքս Մարդիկ։ Ապոկալիպսիս»[11]։ 2015 թվականին նա խաղացել է «Լազարի Էֆեկտ» սարսափ ֆիլմում։
Անձնական կյանք[խմբագրել | խմբագրել կոդը]
2012 թվականին «Մեծահասակների աշխարհ» ֆիլմում միասին նկարահանվելուց հետո, Փիթերսը և Էմմա Ռոբերթսը սկսում են հանդիպել[12]։ 2013 թվականի հուլիսին, երբ նրանք միասին մնում են Մոնրեալ, Կանադայի հյուրանոցներից մեկում, ինչ-որ մեկը լսելով բարձր բղավոցների ձայներ, ոստիկանություն է կանչում, ըստ ներկաների, նրանք սկսել են հարվածել միմյանց[13]։ Երբ գալիս է ոստիկանությունը, Ռոբերթսը ձերբակալվում է։ Փիթերսը չի ձերբակալվում, քանի որ Էմման չուներ ոչ մի տեսանելի վնասվածք[14]։ Փիթերսը հրաժարվում է մեղադրանք ներկայացնել, և Ռոբերթսը բաց է թողնվում մի քանի ժամ անց[15]։ Համատեղ հայտարարության մեջ, զույգն ասում է որ այդ ամենը «դժբախտ միջադեպ է և թյուրիմացություն», և որ նրանք «կհարթեն անցյալի սխալները»[15] Փիթերսն ու Ռոբերթսը նշանվում են 2013 թվականի դեկտեմբերին[16][17],։ սակայն 2015 թվականի հունիսին ասվեց, որ զույգը դադարել է իրենց հարաբերությունները[18]։
Ֆիլմագրություն[խմբագրել | խմբագրել կոդը]
Ֆիլմեր[խմբագրել | խմբագրել կոդը]
| Տարի | Անվանում | Բնօրինակ անվանում | Դեր | Նշումներ |
|---|---|---|---|---|
| 2002 | Փրկելով Ադամին | Clipping Adam | Ադամ Շեփարդ | |
| 2004 | Գիշերային երեկույթ | Sleepover | «ՍպանչԲոբ» Հեյս | |
| 2007 | Ամերիկյան հանցոգործություն | An American Crime | Ռիկի Հիբբս | |
| 2007 | Մայրիկի տղան | Mama's Boy | Քեիթ | |
| 2008 | Նկատվող ուժ | Remarkable Power | Ռոսս | |
| 2008 | Գիշերային պահակները | Gardens of the Night | Բրայան / Ռաքել | |
| 2008 | Երբեք մի հանձնվիր | Never Back Down | Մաքս Կուպերման | |
| 2010 | Kick-Ass (ֆիլմ) | Kick-Ass | Թոդ Հեյնս | |
| 2011 | Երբեք մի հանձնվիր 2 | Never Back Down 2: The Beatdown | Մաքս Կուպերման | |
| 2011 | Թագուհի | Queen | Ընկերության տղան | կարճամետրաժ |
| 2011 | Լավ Բժիշկը | The Good Doctor | Դոնի Նիքսոն | |
| 2014 | Հասուն աշխարհ | Adult World | Ալեքս | |
| 2014 | Իքս-մարդիկ։ Անցած ապագայի օրերը | X-Men: Days of Future Past | Փիթեր Մաքսիմոֆ / Սնդիկ | |
| 2015 | Լազարի էֆեկտ | The Lazarus Effect | Քլեյ | |
| 2015 | Ապահով լուսավորում | Safelight | Չարլզ | ավարտվել է |
| 2016 | Էլվիս և Նիքսոն | Elvis & Nixon | Դուայթ Չեյպին | հետ-արտադրության մեջ |
| 2016 | Իքս Մարդիկ։ Ապոկալիպսիս | X-Men: Apocalypse | Փիթեր Մաքսիմոֆ / Սնդիկ | արտադրության մեջ է |
Հեռուստատեսություն[խմբագրել | խմբագրել կոդը]
| Տարի | Անվանում | Բնօրինակ անվանում | Դեր | Նշումներ |
|---|---|---|---|---|
| 2004 | Օրերը | The Days | Քուպեր Դեյ | 6 սերիա |
| 2004-05 | Ֆիլն ապագայից | Phil of the Future | Սեթ Ուոսմեր | 5 սերիա |
| 2005-06 | Ներխուժում | Invasion | Ջես Վերոն | 21 սերիա |
| Վանդակի տեքստ | Վանդակի տեքստ | Վանդակի տեքստ | Վանդակի տեքստ | Վանդակի տեքստ |
| 2008 | Կեղտ | Dirt | Քրեյգ Հոուփ | Սերիա․ Աստված օրնհիր երեխային |
| 2008 | Առանց Տռեյսի | Without a Trace | Քրեյգ Բասկին | Սերիա․ Անհարթություն ճանապարհին |
| 2008 | Մոնկ | Monk | Էրիկ Տավելա | Սերիա․ Պարոն Մոնկը և հանճարը |
| 2008 | Տուն | House | Օլիվեր | Սերիա․ Վերջին միջոցը |
| 2008-09 | Ծառի մեկ բլուր | One Tree Hill | Ջեք Դենիելս | 6 սերիա |
| 2009 | Ուրվականների հետ խոսողը | Ghost Whisperer | Դիլան | Սերիա․ Ավելորդ ուժեր |
| 2010 | Կրիմինալ մտքեր | Criminal Minds | Չարլի Հիլրիջ | Սերիա․ Մոսլի Լեյն |
| 2010 | Մենթալիստը | The Mentalist | Օլիվեր ՄաքԴենիել | Սերիա․ 18-5-4 |
| 2010 | Գրասենյակը | The Office | Լյուկ Կուպեր | Սերիա․ Նեպոտիզմ |
| 2011 | Ծնողները | Parenthood | Բրենդոն | Սերիա․ Նոր պլան |
| 2011 | Սովորական տեսանկյունից | In Plain Sight | Ջոե Ռոստոն | Սերիա․ Խենթ ինչպես ականատեսը |
| 2011 | Ամերիկյան սարսափ պատմություն․ Մարդասպան-տունը | American Horror Story: Murder House | Տեյտ Լենգդոն | 12 սերիա |
| 2012-13 | Ամերիկյան սարսափ պատմություն․ Հոգեբուժարան | American Horror Story: Asylum | Կիտ Ուոքեր | 13 սերիա |
| 2013-14 | Ամերիկյան սարսափ պատմություն․ Կախարդների գիշերաժողով | American Horror Story: Coven | Քայլ Սփենսեր | 11 սերիա |
| 2014-15 | Ամերիկյան սարսափ պատմություն․ Հրեշների կրկեսը | American Horror Story: Freak Show | Ջիմի Դարլինգ | 13 սերիա |
| 2015 | Ամերիկյան սարսափ պատմություն․ Հյուրանոց | American Horror Story: Hotel | Պարոն Մարչ | սպասվում է |
Ծանոթագրություններ[խմբագրել | խմբագրել կոդը]
- ↑ https://www.vanityfair.fr/ecrans/article/golden-globes-2023-palmares-complet
- ↑ 2,0 2,1 2,2 2,3 «Էվան Փիթերս»։ TVGuide.com։ Վերցված է հունվարի 7, 2014
- ↑ 3,0 3,1 3,2 3,3 Rauschert Jeff (մարտի 18, 2008)։ «Young Grand Blanc Township actor Evan Peters finds full-time acting work»։ Flint Journal։ Flint, Michigan։ Արխիվացված օրիգինալից հոկտեմբերի 11, 2014-ին։ Վերցված է հուլիսի 22, 2013
- ↑ «Սեն Ֆարիզի և Էվան Փիթերսի հարցազրույցները»։ About Entertainment։ Արխիվացված է օրիգինալից 2015-07-11-ին։ Վերցված է 2015-07-30
- ↑ Andreeva Nellie։ ««Ամերիկյան սարսափ պատմության» դերասանական կազմում գերակշռում են երիտասարդները»։ Deadline։ Վերցված է սեպտեմբերի 4, 2013
- ↑ Bricker Tierney (մարտի 2, 2012)։ ««Ամերիկյան սարսափ պատմություն»։ Երեթ դերասան կվերադառնան երկրորդ եթերաշրջան»։ E! Online
- ↑ «International Press Academy 2012-ի անվանակարգերը»։ Press Academy
- ↑ ««Ամերիկյան սարսափ պատմություն»։ Ամբողջ դերասանական կազմը մեկ թրեյլերում»։ Hollywood Life։ սեպտեմբերի 8, 2014։ Արխիվացված է օրիգինալից 2016-06-03-ին։ Վերցված է 2015-07-30
- ↑ «John Cusack, Evan Peters & Shannon Woodward Join Emma Roberts In 'Adult World'»։ Indiewire։ փետրվարի 22, 2012։ Արխիվացված է օրիգինալից 2014-10-15-ին։ Վերցված է 2015-07-30
- ↑ «Էվան Փիերսը կխաղա «Իքս-մարդիկ։ Անցած ապագայի օրերը» ֆիլում Սինդիկի դերը»։ Variety։ մայիսի 23, 2013։ Վերցված է փետրվարի 7, 2014
- ↑ «Սնդկիը կլինի նաև «Իքս Մարդիկ։ Ապոկալիպսիս» ֆիլմում»։ IGN։ մայիսի 21, 2014։ Վերցված է սեպտեմբերի 23, 2014
- ↑ «Էվան Փիթերս։ Էմմա Ռոբերթսը քաջալերեց ինձ վերցնելու «Մեծահակների աշխարհ» ֆիլմում առաջարկված դերը»։ New York Daily News։ փետրվարի 13, 2014։ Արխիվացված օրիգինալից 2014-02-14-ին։ Վերցված է նոյեմբերի 4, 2014
- ↑ «Էմմա Ռոբերթսը ձերբակալվել է ընկերոջը հարվածելու համար»։ London Evening Standard։ հուլիսի 17, 2013։ Վերցված է հոկտեմբերի 27, 2014
- ↑ «Էմմա Ռոբերթսը ցույց է տալիս ոտքի կապտուկները Էվան Փիթերսի հետ կռվից հետո»։ NY Daily News։ հուլիսի 18, 2013։ Վերցված է հոկտեմբերի 27, 2014
- ↑ 15,0 15,1 Shira Dahvi (հուլիսի 17, 2013)։ «Արդյո՞ք Էմմա Ռոբերսթի և Էվան Փիթերսի հարաբերությունների վերծվել են բռնության»։ People։ Արխիվացված է օրիգինալից 2016-09-30-ին։ Վերցված է հուլիսի 17, 2013
- ↑ «Էմմա Ռոբերթսը նշանվել է Էվան Փիթերսի հետ»։ People։ հունվարի 6, 2014։ Վերցված է հունվարի 7, 2014
- ↑ «How Do Emma Roberts and Evan Peters Really Feel About Being Engaged? Watch Now!»։ E! News։ մարտի 31, 2014։ Վերցված է հոկտեմբերի 27, 2014
- ↑ Corriston Michele (հունիսի 12, 2015)։ «Էմմա Ռոբերթսը և Էվան Փիթերսը դադարել են իրենց հարաբերությունները»։ People.com։ Վերցված է հունիսի 13, 2015