Էնիդ Յանդել
Էնիդ Յանդել անգլ.՝ Enid Yandell | |
|---|---|
 | |
| Ի ծնե | անգլ.՝ Enid Bland Yandell |
| Ծնվել է | հոկտեմբերի 6, 1869[1][2] |
| Ծննդավայր | Լուիսվիլ, Կենտուկի, ԱՄՆ[3] |
| Վախճանվել է | հունիսի 13, 1934[4] (64 տարեկան) |
| Մահվան վայր | Բոստոն, Մասաչուսեթս, ԱՄՆ[3] |
| Քաղաքացիություն | .svg){kind=small} ԱՄՆ |
| Կրթություն | Վիտտի ակադեմիա և Art Academy of Cincinnati? |
| Մասնագիտություն | քանդակագործ և արվեստագետ |
| Ուսուցիչ | Օգյուստ Ռոդեն, Philip Martiny?, Ֆրեդերիկ Վիլյամ Մակմոնիս, Lorado Taft? և Karl Bitter? |
| Պարգևներ | |
| Անդամակցություն | White Rabbits? և Քանդակագործների ազգային ընկերություն |
| Հայր | Lunsford Yandell Jr.? |
 Enid Yandell Վիքիպահեստում | |
Էնիդ Յանդել (անգլ.՝ Enid Yandell, հոկտեմբերի 6, 1869[1][2], Լուիսվիլ, Կենտուկի, ԱՄՆ[3] - հունիսի 13, 1934[4], Բոստոն, Մասաչուսեթս, ԱՄՆ[3]), ամերիկացի քանդակագործ։
Կենսագրություն
[խմբագրել | խմբագրել կոդը]Ծնվել է 1870 թվականի հոկտեմբերի 6-ին Լուիսվիլում (Կենտուկի)՝ Լանսֆորդ[5] և Լուիզ Յանդելների[6] ընտանիքում։ Ուներ 2 քույր՝ Մոդ Յանդել (1871-1962) և Էլսի Յանդել (1874-1939), և եղբայր՝ Լանսֆորդ Յանդել (1878-1927)։
Սովորել է Լուիսվիլի Հեմփթոն քոլեջում, որտեղ ստացել է արվեստի սկզբնական գիտելիքներ։ Այնուհետև սովորել է Ցինցինատիի Արվեստի ակադեմիայում՝ երկու տարում ավարտելով ուսումնառության քառամյա ծրագիրը։ Այն ավարտել է մեդալով 1889 թվականին։ Որպես կին-քանդակագործների «Սպիտակ նապաստակներ» խմբի անդամ՝ Էնիդ Յանդելը օգնել է Լորադո Թաֆթին նախագծել Ամերիկյան այգեգործական տաղավարը Չիկագոյի համաշխարհային ցուցահանդեսում 1893 թվականին։
1894 թվականին նա մեկնել է Փարիզ, որտեղ սովորել և աշխատել է Օգյուստ Ռոդենի և Ֆրեդերիկ Մակմոնիսի հետ։ Նա նաև աշխատել է Մոնպառնասի Վիտտի ակադեմիայի այլ քանդակագործների հետ։ Հետագայում նա հաճախակի ճանապարհորդում էր Փարիզ և ցուցադրում Փարիզյան սալոնում։
1898 թվականին Էնիդ Յանդելը դարձել է Քանդակագործների ազգային ընկերության առաջին կին անդամը։
Արվեստից բացի Էնիդ Յանդելը զբաղվել է նաև հասարակական գործունեությամբ։ Նա նպաստել է ապագա նկարիչների կրթությանը՝ 1908 թվականին հիմնադրելով Մասաչուսեթսի «Branstock School» դպրոցը։ Նա նաև համագործակցել է «Appui Aux Artists» շարժման հետ՝ ի պաշտպանություն արվեստագետների։ Յանդելը կանանց ընտրական իրավունքի ջատագովն էր, և քարոզարշավ էր իրականացնում նախագահ Քալվին Քուլիջի ընտրության համար։ Առաջին համաշխարհային պատերազմի տարիներին մասնակցել է Կարմիր խաչի և կարմիր մահիկի միջազգային շարժմանը և աշխատել Ֆրանսիայում։ Միացյալ Նահանգներ վերադառնալուց հետո նա աշխատել է Նյու Յորքում՝ որպես Ամերիկյան Կարմիր Խաչի հաղորդակցության կապի տնօրեն։
Էլսին ամուսնացած էր ամերիկացի ճարտարապետ Դոն Բարբերի (1871-1925) հետ։ Մահացել է 1934 թվականին հունիսի 13-ին Բոստոնում (Մասաչուսեթս)։ Թաղված է Լուիսվիլի Cave Hill Cemetery գերեզմանատանը[7]։
Աշխատանքներ
[խմբագրել | խմբագրել կոդը]Էնիդ Յանդելը մի շարք ստեղծագործությունների հեղինակ է։ Նրա գործերից մի քանիսը գտնվում է Կենտուկի նահանգի Լուիսվիլ քաղաքի Speed Art Museum թանգարանում։
-
Պանի կերպարը շատրվանի վրա -
Դենիել Բունի արձանը
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ 1,0 1,1 https://web.archive.org/web/20151220154844/https://filsonhistorical.org/happy-birthday-enid-yandell/
- ↑ 2,0 2,1 https://www.familysearch.org/ark:/61903/1:1:MXW6-KGY
- ↑ 3,0 3,1 3,2 3,3 3,4 3,5 Directory of Southern Women Artists — The Johnson Collection.
- ↑ 4,0 4,1 4,2 Benezit Dictionary of Artists — OUP, 2006. — ISBN 978-0-19-977378-7
- ↑ Lunsford Pitts Yandell, Jr(անգլ.)
- ↑ Maria Louise Elliston Yandell(անգլ.)
- ↑ Enid Yandell(անգլ.)
Արտաքին հղումներ
[խմբագրել | խմբագրել կոդը]- Էնիդ Յանդելի կենսագրությունը(անգլ.)