Էդուարդ Օլբի

Վիքիպեդիայից՝ ազատ հանրագիտարանից
Picto infobox auteur.png
Էդուարդ Օլբի
Edward Albee.jpg
Ծնվել է մարտի 12, 1928({{padleft:1928|4|0}}-{{padleft:3|2|0}}-{{padleft:12|2|0}})[1] (88 տարեկան)
Ծննդավայր Վաշինգտոն, Կոլումբիայի շրջան[2]
Մասնագիտություն դրամատուրգ, գրող, սցենարիստ և համալսարանի պրոֆեսոր
Լեզու անգլերեն[3]
Քաղաքացիություն Flag of the United States.svg ԱՄՆ
Կրթություն Չոութ Ռոզմարի Հոլ և Q1927705?
Ուշագրավ աշխատանքներ Q856274? և Q10268314?
Անդանակցություն Q463281? և Արվեստների և գիտությունների ամերիկյան ակադեմիա
Աշխատավայր Հյուստոնի համալսարան
Պարգևներ Լավագույն դրամայի պուլիցերյան մրցանակ, Մշակույթի ազգային շքանշան, Q1651613? և Ամերիկյան մրցանակ գրականության բնագավառում
Edward Albee Վիքիպահեստում

Էդուարդ Օլբի (անգլ.՝ Edward Albee, մարտի 12, 1928[1], Վաշինգտոն, Կոլումբիայի շրջան[2]), ամերիկացի դրամատուրգ։ ԱՄՆ-ի Արվեստների ազգային ակադեմիայի անդամ (1966)։ Սովորել է Կոլումբիայի համալսարանում։

«Պատմություն կենդանաբանական այգում» (անգլ.՝ The Zoo Story, 1959) անդրանիկ պիեսը ներկայացնում է ժամանակի ամերիկյան իրականությունը համակած կոնֆորմիզմի և անհատի օտարման ողբերգական հետևանքները։

«Բեսսի Սմիթի մահը» (անգլ.՝ The Death of Bessie Smith, 1959) պիեսում Օլբին հանդես է գալիս տիրող կարգերի խիստ քննադատությամբ և ռասիզմի մերկացումով։

«Ավազատուփ» (1959) և «Ամերիկյան երազանք» (անգլ.՝ The American Dream, 1960) ստեղծագործություններում դրամատուրգը պատռում է ամերիկյան բարեկեցության կեղծ դիմակը։

«Ո՞վ է վախենում Վիրջինիա Վուլֆից» (անգլ.՝ Who’s Afraid of Virginia Woolfe?, 1962, Հայայստանում բեմադրվել է 1984 թ.), «Բալլադ տխուր պանդոկի մասին» (1963), «Երերուն հավասարակշռություն» (անգլ.՝ A Delicate Balance, 1966, Պուլիտցերյան մրցանակ) պիեսներում Օլբին ռեալիստորեն նկարագրել է ավանդական բարոյական արժեքների ճգնաժամի և մարդկանց ճակատագրական անջատվածության հարուցած ծանր ապրումները։

Վերջին շրջանի ստեղծագործություններից ուշագրավ են «Ամեն ինչ ավարտված է» (անգլ.՝ All Over, 1970) և «Ծովային տեսարան» (անգլ.՝ Seascape, 1975) դրամաները։

Ծանոթագրություններ[խմբագրել | խմբագրել կոդը]

  1. 1,0 1,1 Internet Movie Database Ստուգված է հոկտեմբերի 13-ին 2015:
  2. 2,0 2,1 2,2 Record #118501380 // Gemeinsame Normdatei Ստուգված է դեկտեմբերի 11-ին 2014:
  3. http://data.bnf.fr/ark:/12148/cb118882971 Ստուգված է հոկտեմբերի 10-ին 2015:
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png