Զիգմար Գաբրիել

Վիքիպեդիայից՝ ազատ հանրագիտարանից
Jump to navigation Jump to search
Զիգմար Գաբրիել
գերմ.՝ Sigmar Gabriel
MJK63118 Sigmar Gabriel (Frankfurter Buchmesse 2018).jpg
 
Քաղաքացիություն՝ Flag of Germany.svg Գերմանիա
Կուսակցություն՝ Գերմանիայի սոցիալ-դեմոկրատական կուսակցություն
Կրթություն՝ Գյոթինգենի համալսարան և Ratsgymnasium Goslar
Մասնագիտություն՝ քաղաքական գործիչ, ուսուցիչ և ոչ գեղարվեստական գրող
Դավանանք Գերմանիայի ավետարանչական եկեղեցի
Ծննդյան օր սեպտեմբերի 12, 1959(1959-09-12)[1] (59 տարեկան)
Ծննդավայր Գոսլար, Ստորին Սաքսոնիա, Գերմանիայի Ֆեդերատիվ Հանրապետություն[2]
Ի ծնե անուն գերմ.՝ Sigmar Hartmut Gabriel
 
Կայք՝ sigmar-gabriel.de
 
Ինքնագիր Signature Sigmar Gabriel.png

Զիգմար Գաբրիել (գերմ.՝ Sigmar Gabriel, սեպտեմբերի 12, 1959(1959-09-12)[1], Գոսլար, Ստորին Սաքսոնիա, Գերմանիայի Ֆեդերատիվ Հանրապետություն[2]), գերմանացի քաղաքական գործիչ, Գերմանիայի սոցիալ-դեմոկրատական կուսակցության անդամ: 2013 թվականի դեկտեմբերի 17-ից մինչև 2017 թվականի հունվարի 27-ը եղել է Գերմանիայի փոխկանցլերը, իսկ 2017-ի հունվարի 27-ից հանդիսանում է Գերմանիայի արտաքին գործերի նախարարը: Ներքին Սակսոնիայի վարչապետ (1999—2003): Գերմանիայի շրջակա միջավայրի պահպանության նախարար (2005—2009): Գերմանիայի սոցիալ-դեմոկրատական կուսակցության նախագահ (2009 թվականի նոյեմբերի 13-ից): Գերմանիայի տնտեսության և էներգետիկայի նախարար (2013—2017):

Կենսագրություն[խմբագրել | խմբագրել կոդը]

Զիգմարի ծնողները բաժանվել են երբ նա երեք տարեկան էր: Նրա մայրը եղել է բուժքույր, իսկ հայրը՝ համայնքային ծառայող: Գոսլարի գիմնազիան ավարտելուց հետո Զիգմարը մեկնել է զինվորական ծառայության: 1988 թվականին «գերմաներենի, քաղաքականության և հասարակագիտության ուսուցչի» որակավորումով ավարտել է Գյոթինգենի համալսարանը: 1989-1990 թվականներին որպես ուսուցիչ աշխատել է Գոսլարի ազգային դպրոցում:

1976—1989 թվականներին Զիգմար Գաբրիելը աշխատել է «Գերմանիայի սոցիալիստ երիտասարդներ՝ Բազե» երտիասարդական կազմակերպությունում (գերմ.՝ Sozialistische Jugend Deutschlands — Die Falken)[3]: Շուտով Զիգմարը դառնում է կազմակերպության Գոսլարի շրջանային բաժանմունքի ղեկավարը, իսկ հետո Բրաունշվայգի բաժանմունքի ղեկավարը: Բրաունշվայգյան բաժանմունքը կապված էր կազմակերպության մարքսիստական թևի հետ: 1987-1998 թվականներին Գաբրիելը եղել է Գոսլարի շրջանային օրենսդիր ժողովի անդամ: 1991—1999 թվականներին զբաղեցրել է նույն ժողովի նախագահի պաշտոնը: 1990—2005 թվականներին ընտրվել է լանդտագի պատգամավոր: 1997 թվականին զբաղեցրել է լանդտագի նախագահի տեղակալի պաշտոնը: 1998-1999 և 2003-2005 թվականներին գլխավորել է Գերմանիայի սոցիալ-դեմոկրատական կուսակցության լանդտագը: 2005 և 2009 թվականներին Զիգմար Գաբրիելը ընտրվել է Բունդեսթագի պատգամավոր[4]:

1999 թվականի դեկտեմբերի 15-ին Ներքին Սակսոնիայի վարչապետի թոշակի անցնելուց հետո Զիգմարը զբաղեցրել է այդ պաշտոնը: 2003 թվականի փետրվարի 2-ին Գերմանիայի սոցիալ-դեմոկրատական կուսակցությունը պարտվում է Քրիստոնյա-ժողովրդավարական կուսակությանը և Զիգմարը անցնում է թոշակի: 2003—2005 թվականներին Գաբրիելը մտնում է սոցիալ-դեմոկրատական կուսակցության նախագահություն և միաժամանակ հանդիսանում Ներքին Սակսոնիայում կուսակցության բաժանմունքի ղեկավար: 2005—2009 թվականներին նա Անգելա Մերկելի կառավարությունում զբաղեցրել է Գերմանիայի շրջակա միջավայրի պահպանության նախարարի պաշտոնը: 2009 թվականի բունդեսթագի ընտրություններին սոցիալ-դեմոկրատների պարտությունից հետո կուսակցության նախագահ Ֆրանց Մյունտեֆերինգը անցավ թոշակի: 2009 թվականի նոյեմբերի 13-ին Դրեզդենում կուսակցության համագումարի ժամանակ նոր նախագահ ընտրվեց Զիգմար Գաբրիելը հավաքելով համագումարի մասնակիցների 94,2 % ձայները: 2013 թվականին նորից մտավ կառավարություն այս անգամ որպես փոխկանցլեր և միաժամանակ նաև տնտեսության և էներգետիկայի նախարար:

2017 թվականի հունվարի 27-ին նշանակվել է Գերմանիայի արտաքին գործերի նախարար այդ պաշտոնում փոխարինելով Ֆրանկ-Վալտեր Շթայնմայերին

Նրա կինը ատամնաբույժ է, որի հետ նա պահում է իր առաջին ամուսնությունից ունեցած դստերը:

Ծանոթագրություններ[խմբագրել | խմբագրել կոդը]

  1. 1,0 1,1 basic data about the members of the Bundestag
  2. 2,0 2,1 2,2 German National Library, Berlin State Library, Bavarian State Library et al. Record #124311903 // Gemeinsame Normdatei — 2012—2016.
  3. Одна из двух крупнейших молодёжных организаций Социал-демократической партии Германии. Вторая называется — «JUSOS»
  4. Избирательный округ Зальцгиттер-Вольфенбюттель включает в себя довольно крупный город Зальцгиттер, район Вольфенбюттель и несколько населённых пунктов района Гослар: община Либенбург, город Зезен и управление Луттер-ам-Баренберге.

Արտաքին հղումներ[խմբագրել | խմբագրել կոդը]