Ելենա Դոբրոնրավովա

Ելենա Դոբրոնրավովա
Ծնվել է	հուլիսի 21, 1932
Ծննդավայր	Մոսկվա, ԽՍՀՄ
Մահացել է	հունվարի 24, 1999 (66 տարեկան)
Մահվան վայր	Մոսկվա, Ռուսաստան
Գերեզման	Նովոդեվիչյան գերեզմանոց
Կրթություն	Բորիս Շչուկինի անվան թատերական ինստիտուտ
Քաղաքացիություն	ԽՍՀՄ և Ռուսաստան
Մասնագիտություն	թատրոնի դերասանուհի և կինոդերասանուհի
Աշխատավայր	Վախթանգովի թատրոն
Պարգևներ և մրցանակներ	; և

Ելենա Բորիսովնա Դոբրոնրավովա (ռուս.՝ Елена Борисовна Добронра́вова, հուլիսի 21, 1932(1932-07-21)^[1]^[2], Մոսկվա, ԽՍՀՄ - հունվարի 24, 1999(1999-01-24)^[1]^[2], Մոսկվա, Ռուսաստան), խորհրդային դրամատիկական թատրոնի դերասանուհի։ ՌԽՖՍՀ վաստակավոր արտիստ (1968)։

Կենսագրություն

Ելենա Դոբրոնրավովան ծնվել է 1932 թվականի հուլիսի 21-ին Մոսկվա քաղաքում։ Ծնողները՝ Բորիս Դոբրոնրավովը (1896-1949) և Մարիա Դոբրոնրավովան (1900-1964) եղել են Մոսկվայի գեղարվեստական ակադեմիական թատրոնի դերասաններ։ Դրամատիկական թատրոնի դերասանուհի է եղել նաև մորաքույրը՝ Ելիզավետա Ալեքսեևան, որն աշխատել է Ե. Վախթանգովի անվան թատրոնում։

Հետևելով ընտանեկան ավանդույթին՝ երիտասարդ Ելենան դառնում է դրամատիկական թատրոնի դերասանուհի։ 1950 թվականին՝ դպրոցը ոսկե մեդալով ավարտելուց հետո^[3], ընդունվում է Մոսկվայի գեղարվեստական ակադեմիական թատրոնին կից գործող Վ. Նեմիրովիչ-Դանչենկոյի անվան դպրոց-ստուդիա, որտեղ սովորում է երկու տարի (1950-1952)։ Այնուհետև տեղափոխվում է Ե. Վախթանգովի թատրոնին կից գործող Բ. Շչուկինի անվան թատերական ուսումնարան, որն ավարտում է 1954 թվականին (դասախոս՝ Աննա Օրոչկո)։ Ելենա Դոբրոնրավովայի միևնույն կուրսում սովորել են Գրիգորի Աբրիկոսովը, Յուլիան Պանիչը, Լեոնիդ Սատանովսկին, Անտոնինա Դմիտրիևան և Ալեքսանդր Շվորինը։

Ուսումնարանն ավարտելուց հետո ընդունվում է Ե. Վախթանգովի անվան թատրոն, որտեղ աշխատում էր հարազատ մորաքույրը՝ Ելիզավետա Ալեքսեևան։ Նրանք հաճախ էին հանդես գալիս միասին։ Թատրոնում դերասանուհուն անմիջապես ընդգրկում են մի շարք ներկայացումներում։ Բացի այդ, նրան միանգամից նկատում են կինոռեժիսորները, և նա սկսում է նկարահանվել ֆիլմերում։ Ե. Վախթանգովի անվան թատրոնում դերասանուհին աշխատում է 1954 թվականից մինչև կյանքի վերջ։

Ելենա Դոբրոնրավովան մահացել է 1999 թվականի հունվարի 24-ին Մոսկվայում։ Թաղված է Նովոդևիչյան գերեզմանատանը (հողակտոր №2)՝ ծնողների կողքին^[4]։

Ընտանիք

Հայրը՝ Բորիս Դոբրոնրավովը (1896-1949) եղել է Մոսկվայի գեղարվեստական ակադեմիական թատրոնի դերասան։

Մայրը՝ Մարիա Դոբրոնրավովան (1900-1964), եղել է Մոսկվայի գեղարվեստական ակադեմիական թատրոնի դերասանուհի։

Ամուսինը՝ Էդուարդ Շիմը (1930-2006), գրող է եղել։ Ամուսնալուծվել են։ Երեխաներ չի ունեցել։

Դերերը թատրոնում

Տարի	Հեղինակ	Ռեժիսոր	Ներկայացում	Դեր
1952	Ուիլյամ Շեքսպիր	Եվգենի Սիմոնով	Վերոնացի երկու ազնվական	Ուրսուլա
1954	Նիկոլայ Պոգոդին		Հրացանավոր մարդը	Կատերինա
1956	Մաքսիմ Գորկի	Ռուբեն Սիմոնով	Ֆոմա Գորդեև	Սաշա
1957	Ալեքսեյ Արբուզով	Եվգենի Սիմոնով	Քաղաքն արշալույսին	երգչախումբ
1958	Ուիլյամ Շեքսպիր		Համլետ	Օֆելյա
1962	Լև Տոլստոյ	Ռուբեն Սիմոնով	Կենդանի դիակ	Սաշա
1963	Կառլո Գոցցի	Ռուբեն Սիմոնով	Արքայադուստր Տուրանդոտ	ստրկուհի
1965	Լեոնիդ Մալյուգին	Ալեքսանդրա Ռեմիզովա Յուրի Լաուֆեր	Ծաղրական իմ երջանկությունը	Օլգա Կնիպպեր-Չեխովա
1968	Մաքսիմ Գորկի	Եվգենի Սիմոնով	Արևի երեխաները	Ելենա Նիկոլաևնա
1971	Ուիլյամ Շեքսպիր	Եվգենի Սիմոնով	Անտոնիոս և Կլեոպատրա	Օկտավիա
1975	Միրոսլավ Կռլեժա	Միրոսլավ Բելովիչ	Պարոնայք Գլեմբայները	բարոնուհի Շառլոտա Կաստելլի-Գլեմբայ
1976	Յարոսլավ Իվաշկևիչ	Աուգուստ Կովալչիկ	Ամառը Նոանում	մադմուազել դը Ռոզիեր
1980	Էդուարդո դե Ֆիլիպո	Ալեքսեյ Կուզնեցով	Մեծ մոգություն	Ռոզա
1983	Լև Տոլստոյ	Ռոման Վիկտյուկ	Աննա Կարենինա	իշխանուհի Բեթսի Տվերսկայա

Ֆիլմագրություն

Տարի	Ֆիլմ	Դեր
1954	Մեծ ընտանիք	Կատյա Տրավնիկովա
1956	Երեք հարյուր տարի...	Սոլոմիա
1958	Քաղաքը վառում է լույսերը	Վալյա Օստրոգորսկայա
1959	Ոսկե էշելոն	Նադյա
1962	Վաղվա հոգսերը	Ագնիա
1965	Աշխատավորների գյուղը	Ֆրոսյա Մեխոտնյովա
1966	Նրանց ճանաչում էին միայն դեմքով	Վիլմա Մարտինելլի
1967	Կրեմլի սուրհանդակը	Մարիա Շապորինա
1968	Դորիան Գրեյի դիմանկարը	դքսուհի
1968	Վահան և սուր	խուլ ու համր կին շնով
1969	Մեղադրվում են սպանության մեջ	Անատոլի Վասինի մայր
1969	Պատմություն չեկիստի մասին	Նինա Սավինա
1970	Առաքելություն Քաբուլում	օրիորդ Ելենա Ֆլեթչեր-Ժդանովա
1972	Երջանիկ «Շչուկա»-ի հրամանատարը	Սվետլանա Վեդենինա
1974	Մոսկվա՛, սե՛ր իմ	Ելենա Նիկոլաևնա
1975	Ծաղրական իմ երջանկությունը	Օլգա Կնիպպեր-Չեխովա
1976	Այստեղ է իմ հանգրվանը	Աննա Սերգեևնա
1978	Ամառը Նոանում	մադմուազել դը Ռոզիեր
1979	Այս ֆանտաստիկ աշխարհը (երկրորդ թողարկում)	թագուհի
1980	Անտոնիոս և Կլեոպատրա	Օկտավիա
1980	Մեծ մոգություն	Ռոզա
1980	Մեղեդի երկու ձայնի համար	ՔԿԱԳ-ի աշխատակցուհի
1980	Թեհրան-43	մադմուազել Էրալ

Մրցանակներ

Կաննի կինոփառատոնի դափնեկիր «Լավագույն դերասանական անսամբլ» անվանակարգում «Մեծ ընտանիք» ֆիլմի համար (1955)
ՌԽՖՍՀ վաստակավոր արտիստ (1968)
Մեդալ «Մոսկվայի 850-ամյակի կապակցությամբ»

Ծանոթագրություններ

↑ ^1,0 ^1,1 ^1,2 ^1,3 ^1,4 Internet Movie Database — 1990.
↑ ^2,0 ^2,1 ^2,2 ^2,3 ^2,4 ČSFD (չեխերեն) — 2001.
↑ Театр: Выпуск 2. — 1982. — С. 102.
↑ Добронравова Е. Б.// Московские могилы. Արխիվացված 2016-11-07 Wayback Machine

Արտաքին հղումներ

[_a5b78a3e24c23917-1] 1,0 ^1,1 ^1,2 ^1,3 ^1,4 Internet Movie Database — 1990.

[_dd2c47505dc91189-2] 2,0 ^2,1 ^2,2 ^2,3 ^2,4 ČSFD (չեխերեն) — 2001.

[3] Театр: Выпуск 2. — 1982. — С. 102.

[4] Добронравова Е. Б.// Московские могилы. Արխիվացված 2016-11-07 Wayback Machine

[1]

[2]

[3]

[4]